નવી દિલ્હી: મુખ્યમંત્રી અરવિંદ કેજરીવાલે (Arvind Kejriwal) દિલ્હીની એલએનજેપી હોસ્પિટલમાં કોરોના વાયરસ રસી મૂકાવી. CM કેજરીવાલ સાથે તેમના માતા પિતાએ પણ કોવિડ-19 રસીનો પહેલો ડોઝ લીધો. દિલ્હી સરકારનું કહેવું છે કે 45 થી 59 વર્ષની વયના લોકોને પહેલાથી જ કોઈ રોગ છે, તેઓએ પ્રથમ રસી લેવી પડશે. મુખ્ય પ્રધાન અરવિંદ કેજરીવાલે આ કેટેગરી હેઠળ રસી આપી છે. તે જ સમયે, તેના માતાપિતાની ઉંમર 60 વર્ષથી વધુ છે, આવી સ્થિતિમાં, તેમણે સિનિયર સિટીઝન તરીકે રસી લીધી.
સીએમ કેજરીવાલે લોકોને કરી આ અપીલ
દિલ્હીના મુખ્યમંત્રી અરવિંદ કેજરીવાલે કહ્યું કે દિલ્હીના એલએનજેપી હોસ્પિટલમાં ખુબ સારી સુવિધાઓ છે. રસીથી ડરવાની જરૂર નથી. કોઈ ગેરસમજમાં ન રહો. જે પણ લોકો રસી મૂકવા માટે નિર્ધારિત દાયરામાં આવે છે તેઓ રસી જરૂર મૂકાવે. જેટલી જરૂર પડશે તેટલા સેન્ટર અમે વધારીશું.
અત્રે જણાવવાનું કે કોવિડ 19 રસીકરણના આ તબક્કામાં 60 વર્ષથી વધુ ઉંમરના લોકો કે પછી ગંભીર બીમારીથી પીડિત 45 વર્ષથી વધુ ઉંમરના લોકોને કોરોના રસી આપવામાં આવી રહી છે. અત્રે જણાવવાનું કે દિલ્હીના સીએમ કેજરીવાલ પહેલા પીએમ નરેન્દ્ર મોદી અને અનેક કેન્દ્રીય મંત્રીઓ કોવિડ-19 રસીનો પહેલો ડોઝ લઈ ચૂક્યા છે.
સીએમ કેજરીવાલે મૂકાવી કોરોના રસી
રસી મૂકાવ્યા બાદ સીએમ અરવિંદ કેજરીવાલે કહ્યું કે હાલ મે અને મારા માતા પિતાએ એલએનજેપી હોસ્પિટલમાં રસી મૂકાવી. અમને કોઈ મુશ્કેલી થઈ નથી. એ સારી વાત છે કે આપણી પાસે કોરોના સામે લડવા માટે રસી ઉપલબ્ધ છે. અમે ત્રણેય લોકોએ કોવિશીલ્ડ રસી મૂકાવી છે.
જો જરૂર પડે તો અમે વધુ રસીકરણ કેન્દ્રો ખોલી શકીશું: કેજરીવાલ
આમ આદમી પાર્ટી (આપ) ના વડા કેજરીવાલે પત્રકારોને જણાવ્યું હતું કે, આજે મારા માતાપિતા અને મેં રસી લીધી છે. અમે બધા સારા છીએ રસી વિશે હવે કોઈ શંકા હોવી જોઈએ નહીં. હું વધુમાં વધુ સંખ્યામાં લોકોને રસી અપાવવાની વિનંતી કરું છું. ”મુખ્યમંત્રીએ કહ્યું કે, જો જરૂર જણાશે તો દિલ્હી સરકાર લોકો માટે વધુ રસીકરણ કેન્દ્રો ખોલશે.
રસીકરણનો બીજો તબક્કો 1 માર્ચથી શરૂ થયો
દેશમાં 1 માર્ચથી શરૂ થયેલા રસીકરણના બીજા તબક્કામાં, 60 વર્ષથી વધુ વય જૂથના લોકો અને વિવિધ રોગોથી પીડિત 45-59 વર્ષના લોકો દિલ્હીની 192 હોસ્પિટલોમાં રસી અપાય છે.
ડાયાબિટિસથી પીડિત છે કેજરીવાલ
અત્રે જણાવવાનું કે સીએમ અરવિંદ કેજરીવાલની ઉંમર હાલ 52 વર્ષ છે. તેઓ છેલ્લા 10 વર્ષથી ડાયાબિટિસથી પીડિત છે. ડાયાબીટિસથી પીડિત હોવાના કારણે કેજરીવાલે રસીકરણના આ તબક્કામાં રસીનો પહેલો ડોઝ લીધો.
