નવી દિલ્હી: કોવિડ (Covid) મહામારી બાદ હવે ફરી એકવાર ચીનમાં (China) ફેલાતા નવા રોગે વિશ્વની (World) ચિંતા વધારી દીધી છે. છેલ્લા કેટલાક અઠવાડિયામાં ન્યુમોનિયાના કેસમાં ઝડપથી વધારો થયો છે. ખાસ કરીને બાળકોમાં, તેમાંથી મોટી સંખ્યામાં હોસ્પિટલમાં (Hospital) દાખલ થઈ રહ્યા છે. સાવચેતીના ભાગરૂપે શાળાઓ બંધ કરી દેવામાં આવી છે. વર્લ્ડ હેલ્થ ઓર્ગેનાઈઝેશને (WHO) ચીન પાસેથી આ બીમારી અંગે માહિતી માંગી છે. ભારતમાં (India) પણ સ્વાસ્થ્ય મંત્રાલયે એડવાઈઝરી જારી કરી છે.
મળતી માહિતી મુજબ ચીનમાં તેને રહસ્યમય ન્યુમોનિયા તરીકે જોવામાં આવી રહ્યું છે. રહસ્યમય ન્યુમોનિયા એટલે કે અહીં કારણ સ્પષ્ટ થયું નથી. તે વાયરસ છે કે બેક્ટેરિયા તે અંગે હજુ સુધી પરિસ્થિતિ સ્પષ્ટ નથી. અગાઉ તેને H9N2 વાયરસ કહેવામાં આવતું હતું, જે ઈન્ફલ્યુએન્ઝા A વાયરસનો પેટા પ્રકાર છે. આ વાયરસ માણસોમાંથી માણસોમાં ફેલાય છે. એ પછી બીજી સ્થિતિ ઊભી થઈ. હવે એવું કહેવામાં આવી રહ્યું છે કે તે એક પ્રકારનો બેક્ટેરિયા છે. આ રહસ્યમય ન્યુમોનિયા શું છે તે અંગે હજુ સુધી કોઈ સ્પષ્ટતા નથી. જ્યાં સુધી તેનાથી સંક્રમિત થવાની વાત છે, મોટે ભાગે બાળકો અને કિશોરો તેનાથી પ્રભાવિત થઈ રહ્યા છે અને હોસ્પિટલોમાં પણ દાખલ થઈ રહ્યા છે. તેમની સંખ્યા વધુ છે. તેનાથી બાળકોને વધુ અસર થાય છે, આ વાત સ્પષ્ટ છે.
ચીનમાં દરરોજ હજારો બાળકો હોસ્પિટલમાં એડમિટ થઇ રહ્યા છે. ઘણા બાળકોને બેઇજિંગ અને લિયાઓનિંગની હોસ્પિટલોમાં દાખલ કરવામાં આવી રહ્યા છે. ઈમરજન્સીમાં જ દરરોજ 1200 થી 2000 કેસ આવી રહ્યા છે. જાનહાનિની વાત કરીએ તો ચીન તરફથી અત્યાર સુધી કોઈ જાનહાનિના સમાચાર નથી. ચીન એમ પણ કહી રહ્યું છે કે તેના લક્ષણો કોઈપણ સામાન્ય રોગ જેવા છે અને તે 10 કે 15 દિવસમાં ઠીક થઈ રહ્યો છે, પરંતુ જો તે ગંભીર બને છે તો તેમાં થોડો વધુ સમય લાગી શકે છે. પરંતુ અત્યારે આવી કોઈ માહિતી કે જાનહાનિ અંગેની માહિતી સામે આવી નથી.
ચીનમાં બાળકોમાં ફેલાઇ રહેલી રહસ્યમય બિમારીને કારણે 24 નવેમ્બરે ભારતના સ્વાસ્થ્ય મંત્રાલયે કહ્યું હતું કે ભારત ચીનમાં ફેલાતા રહસ્યમય રોગ પર નજર રાખી રહ્યું છે. સ્વાસ્થ્ય મંત્રાલયે વધુમાં કહ્યું કે ચીનમાં બાળકોમાં H9N2 કેસ અને શ્વાસ સંબંધી રોગોના ફેલાવા પર નજીકથી નજર રાખવામાં આવી રહી છે. તેમજ ચીની અધિકારીઓનું કહેવું છે કે માર્ચ સુધી આ રોગનું જોખમ વધારે છે. આ સિવાય અધિકારીઓએ કોવિડ-19 સંક્રમણના પુનરુત્થાનના ભય અંગે પણ ચેતવણી આપી છે.
