ચેમ્પિયન્સ ટ્રોફીની 8મી મેચમાં અફઘાનિસ્તાને ઇંગ્લેન્ડને 326 રનનો લક્ષ્યાંક આપ્યો છે. બુધવારે લાહોરના ગદ્દાફી સ્ટેડિયમમાં અફઘાનિસ્તાને બેટિંગ કરવાનો નિર્ણય લીધો. ટીમે ઇબ્રાહિમ ઝાદરાનની સદીના આધારે 7 વિકેટ ગુમાવીને 325 રન બનાવ્યા. ઝાદરાને 146 બોલમાં 12 ચોગ્ગા અને 6 છગ્ગાની મદદથી 177 રન બનાવ્યા. તે આ ટુર્નામેન્ટમાં સૌથી વધુ રન બનાવનાર બેટ્સમેન બની ગયો છે.
અફઘાનિસ્તાન તરફથી અઝમતુલ્લાહ ઓમરઝાઈએ 41 અને હશમતુલ્લાહ શાહિદીએ 40 રન બનાવ્યા. મોહમ્મદ નબીએ 40 રનની ઇનિંગ રમી. ઇંગ્લેન્ડ તરફથી જોફ્રા આર્ચરે 3 વિકેટ લીધી. લિયામ લિવિંગસ્ટને 2 વિકેટ લીધી. આદિલ રશીદ અને જેમી ઓવરટને 1-1 વિકેટ મળી. આજની મેચ હારનારી ટીમ ટુર્નામેન્ટમાંથી બહાર થઈ જશે.
ઝાદરાન ચેમ્પિયન્સ ટ્રોફીનો સૌથી વધુ સ્કોર કરનાર ખેલાડી બન્યો
48મી ઓવરમાં ઇબ્રાહિમ ઝાદરાન ચેમ્પિયન્સ ટ્રોફીમાં સૌથી વધુ રન બનાવનાર બેટ્સમેન બન્યો. તેણે બેન ડકેટના 165 રનના સ્કોરને પાછળ છોડી દીધો.
ઈંગ્લેન્ડ: જોસ બટલર (કેપ્ટન), ફિલ સોલ્ટ (વિકેટકીપર), બેન ડકેટ, જેમી સ્મિથ, જો રૂટ, હેરી બ્રુક, લિયામ લિવિંગસ્ટોન, જેમી ઓવરટન, જોફ્રા આર્ચર, આદિલ રશીદ અને માર્ક વુડ.
અફઘાનિસ્તાન: હશમતુલ્લાહ શાહિદી (કેપ્ટન), ઇબ્રાહિમ ઝાદરાન, રહેમાનુલ્લાહ ગુરબાઝ, સેદીકુલ્લાહ અટલ, રહેમત શાહ, અઝમતુલ્લાહ ઓમરઝાઈ, મોહમ્મદ નબી, ગુલબદીન નાયબ, રાશિદ ખાન, નૂર અહમદ અને ફઝલ-હક ફારૂકી.
