નવી દિલ્હી: હાલમાં જ કેન્દ્રીય મંત્રી (Central Minister) નીતિન ગડકરીએ (Nitin Gadkari) કહ્યું હતું કે ભારત સરકારના 15 વર્ષ પૂર્ણ કરનાર તમામ વાહનોને (vehicles) સ્ક્રેપ (scrap) જાહેર કરવામાં આવશે. તેમણે કહ્યું કે આ સંબંધમાં એક પોલિસી રાજ્યોને મોકલી દેવામાં આવી છે. ગડકરી નાગપુરમાં વાર્ષિક ‘એગ્રો-વિઝન’ કૃષિ પ્રદર્શનના ઉદ્ઘાટન સમારોહમાં બોલી રહ્યા હતા. ગડકરીએ કહ્યું હતું કે, “ગઈકાલે, મેં વડા પ્રધાન નરેન્દ્ર મોદીના માર્ગદર્શન હેઠળ એક ફાઇલ ઉપર હસ્તાક્ષર કર્યા હતા કે ભારત સરકારના તમામ વાહનો કે જેણે 15 વર્ષ પૂર્ણ કર્યા છે તે સ્ક્રેપમાં મોકલવામાં આવશે. તેઓએ રાજ્ય સ્તરે આ નીતિ અપનાવવી જોઈએ.”
ગડકરીએ સભા દરમયાન બીજું શું કહ્યું ?
એક સભાને સંબોધતા ગડકરીએ કહ્યું કે પાણીપત ખાતે ઈન્ડિયન ઓઈલના બે પ્લાન્ટ લગભગ કાર્યરત છે. જેમાંથી એક દરરોજ એક લાખ લિટર ઇથેનોલનું ઉત્પાદન કરશે, જ્યારે બીજું ચોખાના સ્ટ્રોનો ઉપયોગ કરીને દરરોજ 150 ટન બાયો-બિટ્યુમેનનું ઉત્પાદન કરશે.તેમણે કહ્યું કે આ એક મોટો ફેરફાર છે કારણ કે પંજાબ, હરિયાણા, ઉત્તર પ્રદેશ અને દેશના અન્ય ચોખા ઉગાડતા ભાગો, જ્યાં ચોખાના સ્ટ્રોને બાળવાથી પ્રદૂષણ થાય છે. હવે ચોખાના સ્ટ્રોનો ઉપયોગ ઇથેનોલ અને બાયો બિટ્યુમેન બનાવવા માટે કરવામાં આવશે.
દેશમાં 80 લાખ ટન બાયો-બિટ્યુમેનની જરૂર છે
“અમને દેશમાં 80 લાખ ટન બાયો-બિટ્યુમેનની જરૂર છે અને મોટાભાગે માર્ગ પરિવહન વિભાગ માટે. દેશમાં લગભગ 50 લાખ ટન બિટ્યુમેનનું ઉત્પાદન થાય છે અને અમે લગભગ 25 લાખ ટનની આયાત કરીએ છીએ,” તેમણે કહ્યું.તેમણે કહ્યું, “મને ખુશી છે કે જ્યારે આવા પ્રોજેક્ટ્સ શરૂ થશે, ત્યારે આપણા દેશને બિટ્યુમેનની આયાત કરવાની જરૂર નહીં પડે. અમારા ગામડાઓ, જિલ્લાઓ, રાજ્યો અને રાષ્ટ્રીય ધોરીમાર્ગો ખેડૂતો દ્વારા ઉત્પાદિત ચોખાના સ્ટ્રોનો ઉપયોગ કરીને બિટ્યુમેનથી બનેલા છે.
આસામમાં ઈન્ડિયન ઓઈલના બીજા પ્રોજેક્ટનો પણ ઉલ્લેખ કર્યો
ગડકરીએ આસામમાં ઈન્ડિયન ઓઈલના બીજા પ્રોજેક્ટનો પણ ઉલ્લેખ કર્યો જ્યાં બાયોઈથેનોલનું ઉત્પાદન કરવામાં આવશે.ગડકરીએ કહ્યું, “બંજર જમીન પર વાંસની ખેતી કરવામાં આવશે, જેમાંથી બાયોઇથેનોલનું ઉત્પાદન કરવામાં આવશે. અમારા ખેડૂતો માત્ર ખોરાક પ્રદાતા જ નહીં રહે, પરંતુ તેઓ ઊર્જા પ્રદાતા પણ બનશે.”મધ્યપ્રદેશના મુખ્ય પ્રધાન શિવરાજ સિંહ ચૌહાણ આ કાર્યક્રમમાં મુખ્ય અતિથિ હતા, અને તેમણે ગડકરીના પ્રયત્નોની પ્રશંસા કરી હતી.
