મુંબઈ: બોલિવૂડ એક્ટર સિદ્ધાર્થ મલ્હોત્રા (Siddharth Malhotra) અને કિયારા અડવાણીના (Kiara Advani) છેલ્લા કેટલાક સમયથી રિલેનશીપમાં હોવાની ચર્ચાએ જોર પકડ્યું હતું. ત્યારે હવે એક્ટર સિદ્ધાર્થ મલ્હોત્રા અને કિયારા અડવાણીના લગ્નની તૈયારીઓ શરૂ થઈ ગઈ છે. કિયારા અડવાણી અને સિદ્ધાર્થના લગ્નના તમામ ફંકશન જેમકે હલ્દી સંગીત મહેંદીની તૈયારીઓ શરૂ થઈ ગઈ છે. ત્યારે આ વખતે કિયારા અડવાણીની મહેંદી કઈક ખાસ હશે તેવી ચર્ચા થઈ રહી છે કારણે સિલિબ્રિટી મહેંદી આર્ટિસ્ટ વીણા નાગડા કિયારા અડવાણીના હાથોમાં મહેંદી લગાવશે. તમને જણાવી દઈએ કે ભારતીય ઉદ્યોગપતિ મુકેશ અંબાણીના પરિવારના તમામ ફંક્શનમાં વીણા નાગડા જ મહેંદી મૂકતી જોવા મળે છે.
કિયારાના લગ્ન 4 ફેબ્રુઆરીથી રાજસ્થાનના જેસલમેરમાં એક હેરિટેજ હોટલ ધ સૂર્યગઢ પેલેસમાં થશે. કિયારા અડવાણીની મેંહદી એવી કેવી ખાસ હશે તેવી ચર્ચાએ જોર પકડ્યું છે કારણે કે સેલિબ્રિટી મહેંદી આર્ટિસ્ટ વીણા નાગડાને રાજસ્થાનમાં એક ‘બિગ ફેટ ઈન્ડિયન વેડિંગ’માં હાજરી આપવા માટે એરપોર્ટ પર જોવા મળી હતી. તેથી કહી શકાય કે કિયારાના હાથોમાં સેલિબ્રિટી મહેંદી કલાકાર વીણા નાગડા (Veena Nagda) મહેંદી (Mahendi) મૂકશે.
સેલિબ્રિટી મહેંદી આર્ટિસ્ટએ વીણા નાગડા કિયારના હાથોમાં લગાવશે મહેંદી
વીણા નાગડાએ આજે સવારે પોતાની ઈન્સ્ટાગ્રામ સ્ટોરીઝ પર મુંબઈ એરપોર્ટ પર પોતાની તસવીરો શેર કરી હતી. તેણીએ ઉલ્લેખ કર્યો કે તે એક ‘ભવ્ય લગ્ન’ માટે રાજસ્થાન જઈ રહી છે. જેથી ચર્ચા ચાલી રહી છે કે એક્ટર સિદ્ધાર્થ મલ્હોત્રા અને કિયારા અડવાણી હવે ફાઈનલી લગ્નના બંધનમાં બંધાશે. આ વાતને લઇ સિદ્ધાર્થ મલ્હોત્રા અને કિયારાના ફેન્સમાં ખુશી જોવા મળી રહી છે.
વીણા નાગડાએ કિયારા અડવાણી સાથેની તસવીરો પોસ્ટ કરી હતી
વીણા નાગડાએ અગાઉ એક એડ શૂટ માટે કિયારા અડવાણીના હાથ પર મહેંદી લગાવી હતી. તેણે તેના ઈન્સ્ટાગ્રામ એકાઉન્ટ પર કિયારા સાથેની તસવીરો શેર કરી અને લખ્યું, “@kiaraaliaadvani સાથે એડ શૂટ માટે.” તસવીરોમાં જાહેરાત માટે કિયારા બ્રાઇડલ અવતારમાં સજ્જ જોવા મળે છે. તેણીએ ગુલાબી રંગનો લહેંગા, ઘરેણાં પહેરેલા અને વીણા દ્વારા લગાવેલી મહેંદી તેના હાથ પર જોવા મળે છે. કહેવાય રહ્યું છે કે સિદ્ધાર્થ મલ્હોત્રા અને કિયારા અડવાણી શેરશાહ મૂવીના શૂટથી આ બન્ને એક્ટરની લવ સ્ટોરીની શરૂઆત થઇ હતી. ત્યાર બાદ આ બન્નેએ લગ્ન બંધનમાં બાંધવાનો નિણર્ય લીધો છે
આ સેલિબ્રિટી લગ્નમાં જોડાશે
સિદ્ધાર્થ મલ્હોત્રા અને કિયારા અડવાણીના લગ્નમાં કરણ જોહર, મનીષ મલ્હોત્રા, શાહિદ કપૂર અને શાહિદની પત્ની મીરા રાજપૂત પણ કિયારા અને સિદ્ધાર્થના લગ્નમાં હાજરી આપશે. આ સાથે ઉદ્યોગપતિ મુકેશ અંબાણીની પુત્રી ઈશા અંબાણી પણ લગ્નમાં હાજરી આપશે. તમને જણાવી દઈએ કે ઈશા અંબાણી અને કિયારા અડવાણી સ્કૂલમાં સાથે અભ્યાસ કર્યો હતો. સિદ્ધાર્થ મલ્હોત્રા અને કિયારા અડવાણી 6 ફેબ્રુઆરીએ તેમના પરિવારના સભ્યો અને નજીકના મિત્રોની હાજરીમાં લગ્ન કરશે. તેમની પ્રી-વેડિંગ સેરેમનીમાં સંગીત, મહેંદી અને હલ્દીનો સમાવેશ થશે, જે 4 અને 5 ફેબ્રુઆરીના રોજ યોજાશે.
