વડોદરા : ગુજરાત રાજ્યના મુખ્યપ્રધાન વિજયભાઈ રૂપાણીના જન્મદિવસે કતલખાના બંધ રાખવા અનુરોધ કર્યો હતો. પરંતુ વડોદરામાં કેટલાક કતલખાના ખુલ્લા રહ્યા હતા. મોગલવાડામાં સૌથી મોટું મટન માર્કેટ ખુલ્લું રહેતા ભાજપના કાર્યકરો સ્થળ પર પહોંચ્યા હતા.જ્યાં કાર્યકરોની સમજાવટ બાદ સંચાલકોએ માર્કેટ બંધ કરી મુખ્યપ્રધાનના અનુરોધને સમર્થન આપ્યું હતું. મુખ્યપ્રધાન વિજયભાઈ રૂપાણીના 2 ઓગસ્ટે જન્મદિવસની ઉજવણી ભાજપ દ્વારા કરવામાં આવી રહી છે.
ત્યારે વડોદરા શહેર ભાજપ પ્રમુખ ડો.વિજય શાહે કરેલા અનુરોધને માન આપી સોમવારે શહેરના તમામ કતલખાના બંધ રાખવાનો તેના સંચાલકોએ નિર્ણય લીધો હતો. ભગવાન મહાવીર સ્વામીના જન્મદિને પણ વડોદરા સહિત રાજ્યના તમામ કતલખાના બંધ રાખવામાં આવે છે. ત્યારે મુખ્યપ્રધાન વિજય રૂપાણીનો 2 ઓગસ્ટે જન્મદિવસ છે.ત્યારે જૈન ધર્મનું ચુસ્ત રીતે પાલન કરતા મુખ્યપ્રધાનના જન્મદિવસે કતલખાના બંધ રાખવા ભાજપ દ્વારા કતલખાના ના સંચાલકોને અપીલ કરી હતી. સંચાલકોએ અપીલને માન આપી કતલખાના બંધ રાખવાનો નિર્ણય લીધો હતો.વડોદરા શહેરના ઇતિહાસમાં પહેલી વખતે મુખ્યપ્રધાનના જન્મદિવસના માનમાં પ્રમુખ ડો.વિજય શાહે કતલખાના બંધ રહ્યાં હતાં.
વડોદરા શહેર ભાજપ યુવા મોરચાના પ્રમુખ પાર્થ પુરોહિતે જણાવ્યું હતું કે રાજ્યના યશસ્વી અને સંવેદનશીલ મુખ્ય પ્રધાન વિજયભાઇ રૂપાણી નો જન્મદિવસ છે.વડોદરા શહેરના ભાજપ અધ્યક્ષ ડોકટર વિજય શાહની અપીલ હતી કે વડોદરા શહેરમાં જેટલી પણ માસ મટન ની દુકાનો ચાલી રહી છે કે માર્કેટ છે,તે આજનો દિવસ પુરતી બંધ રાખવી અને ખૂબ સારો પ્રતિસાદ જોવા મળ્યો છે.વડોદરા શહેરના પ્રતાપનગર હોય સમા હોય કે આજવારોડ હોય કે પછી અકોટા વિસ્તારની મટન ચીકનની દુકાનો હોય એ તમામ દુકાનો આજે બંધ છે.
પરંતુ મોગલવાડામાં આવીને જોયું તો માર્કેટ ચાલુ હતું.આ સૌથી મોટું મટન માર્કેટ છે જ્યાં આવવાની ફરજ પડી હતી. માર્કેટ ચાલુ હતું.પરંતુ અહીં આવીને અમે અપીલ કરી જેથી મુસ્લિમ ભાઈઓ એ ખૂબ સારો સહયોગ આપ્યો હતો.અને આ માર્કેટ બંધ કર્યું હતું.સમગ્ર વિશ્વમાં કહાર સમાજ હોય મહારાષ્ટ્રીયન સમાજ હોય કે મુસ્લિમ સમાજના જેટલા પણ ભાઈઓ છે.તેમણે ખૂબ જ સારી રીતે પ્રતિસાદ આપ્યો છે.મુખ્ય પ્રધાન વિજયભાઇ રૂપાણી ના જન્મ દિવસે તેમણે આ એક સારું પગલું ભર્યું છે તેમ જણાવ્યું હતું.
