પટના: (Patna) બિહાર વિધાનસભામાં યોજાયેલા ફ્લોર ટેસ્ટમાં (Floor Test) સીએમ નીતિશ કુમારે (Nitish Kumar) વિશ્વાસ મત જીતી લીધો છે. તમને જણાવી દઈએ કે આ પહેલા વિપક્ષે વોકઆઉટ કર્યું હતું. વિધાનસભામાં યોજાયેલા ફ્લોર ટેસ્ટમાં સરકારની તરફેણમાં કુલ 129 વોટ પડ્યા હતા. સ્પીકરના મતને સામેલ કર્યા પછી આ આંકડો 130 પર પહોંચી ગયો. આ સાથે નીતિશ કુમારે વિશ્વાસ મત જીતી લીધો હતો.
14 દિવસ સુધી આખા દેશમાં જે ‘ખેલા’ની ચર્ચા થઈ રહી હતી તે વાસ્તવમાં પલટાઈ ગયો છે. બિહારની નીતિશ કુમાર સરકાર પાસે 128 ધારાસભ્યો હતા અને જ્યારે બહુમત પરીક્ષણ થયું ત્યારે તેમની સંખ્યા વધીને 130 થઈ ગઈ. સ્પીકરના અવિશ્વાસ પ્રસ્તાવમાં વિપક્ષ પહેલાથી જ હારી ગયો હતો. બિહારના સીએમ નીતિશ કુમારે કહ્યું કે આરજેડીના સમયમાં ઘણા કૌભાંડો થયા છે. અમારી સરકારે સમાજના દરેક વર્ગ માટે કામ કર્યું છે.
મુખ્યમંત્રી નીતિશ કુમારની વિનંતીને પગલે ગૃહમાં મતદાન થયું હતું. શાસક પક્ષના સમર્થનમાં 130 મત પડ્યા હતા. આરજેડી સહિતના મહાગઠબંધને વોકઆઉટનો માર્ગ અપનાવ્યો હતો. આ રીતે મુખ્યમંત્રી નીતિશ કુમારે ફ્લોર ટેસ્ટ પાસ કર્યો હતો. મુખ્યમંત્રી નીતિશ કુમારે પોતાના સંબોધનમાં કહ્યું કે તેમને ખરીદવાનો પ્રયાસ કરવામાં આવ્યો હતો પરંતુ પ્રયાસ સફળ થયો ન હતો. સરકાર પાસે પહેલાથી જ 128 ધારાસભ્યો હતા.
વિશ્વાસ પ્રસ્તાવ પર ચર્ચા દરમિયાન જ્યારે મુખ્યમંત્રી નીતિશ કુમાર સંબોધન કરવા ઉભા થયા તો આરજેડી ધારાસભ્યોએ હંગામો મચાવ્યો હતો. મુખ્યમંત્રી નીતિશ કુમાર ગુસ્સામાં આવી ગયા અને કહ્યું કે આ લોકો મને બોલવા દેવા નથી માંગતા, તમે વોટ કરાવી લો. આ પછી તેજસ્વી યાદવે પોતાના ધારાસભ્યો સાથે ગૃહમાંથી વોકઆઉટ કર્યો હતો.
તેજસ્વી યાદવે જેડીયુ કેમ્પમાં ગયેલા ત્રણ ધારાસભ્યોને પણ સંબોધિત કર્યા હતા. તેમણે કહ્યું કે પ્રહલાદ જી તમે આટલા વર્ષોથી આરજેડી સાથે છો. હું તમારો આભાર માનું છું. ચેતન આનંદ મારા નાના ભાઈ જેવો છે. જ્યારે કોઈ પાર્ટી તેમને ટિકિટ આપી રહી ન હતી, ત્યારે RJDએ તેમને ટિકિટ આપી અને તેઓ ધારાસભ્ય તરીકે ચૂંટાયા. અમે તેમને તેમના પિતાના ગુણોના આધારે નહીં પરંતુ તેમના ગુણોના આધારે સાથે કર્યા હતા. નીલમ જી તમે એક સ્ત્રી છો, અમે તમારું સન્માન કરીએ છીએ. જે કહ્યું છે તે પૂરું ન થાય તો અમને યાદ કરજો. તેજસ્વી યાદવે કહ્યું કે જૂની પેન્શન નીતિ લાગુ કરવી જોઈએ. તેણે સમ્રાટ ચૌધરીને કહ્યું કે તમે તેને લાગુ કરો અને અમે તમને ક્રેડિટ આપીશું. આટલું કહી તેજસ્વીએ સદન છોડી દીધું હતું.
