નવી દિલ્હી: આજકાલ લોકો વધારે પગારવાળી જોબ (Job) શોધતા હોય છે. ત્યારે વધારે પગારવાળી (Salary) નોકરીની શોધમાં લોકો મોટાભાગે દુનિયાના કોઈપણ ખૂણામાં કામ કરવા તૈયાર થઈ જતા હોય છે, પરંતુ આજે અમે તમને એક એવી જ સારી નોકરી વિશે જણાવવા જઈ રહ્યા છીએ, જેમાં દરરોજ 36,000 રૂપિયા એટલે કે એક મહિનામાં લગભગ 4 લાખ રૂપિયા મળશે, પરંતુ તેમ છતાં કોઈ કરવા તૈયાર નથી. તમને સાંભળવામાં આ વાત અજીબ લાગતી હશે, પરંતુ તે એકદમ સાચી છે. આ અનોખી નોકરી સ્કોટલેન્ડમાં છે. સ્કોટલેન્ડની (Scotland) એક કંપની એવા કર્મચારીની શોધમાં છે, જેના માટે તગડો પગાર ઓફર કરવામાં આવી રહ્યો છે, પરંતુ હજુ સુધી કોઈ ઉમેદવારો મળ્યા નથી.
એક અહેવાલ અનુસાર આ નોકરી માટે એક જાહેરાત જારી કરવામાં આવી છે, જે સ્કોટલેન્ડમાં એબરડીનના કિનારે ઉત્તર સમુદ્રમાં સ્થિત ઑફશોર રિગરની પોસ્ટ માટે છે. ઑફશોર રિગ એટલે સમુદ્રમાં સ્થિત એક વિશાળ સ્ટ્રક્ચર માળખું, જેનો ઉપયોગ કુવાઓને ડ્રિલ કરવા, તેલ અને ગેસ કાઢવા અને રિફાઇનિંગ ડેપોમાં મોકલવા માટે થાય છે.
કર્મચારીઓએ શું કરવું પડશે?
તો આ નોકરી માટે કર્મચારીએ શું કરવું પડશે તે જાણો. આ નોકરી માટે ભરતી કરનાર કંપની MDE કન્સલ્ટન્ટ્સે જણાવ્યું હતું કે ભાડે લીધેલા લોકોને એકથી છ મહિનાના સમયગાળા માટે ઑફશોર રિગ્સમાં મોકલવામાં આવશે. તેને દરરોજ 12 કલાક કામ કરવા માટે 36,000 રૂપિયા મળશે. જો કામ કરનાર વ્યક્તિ અહીં 2 વર્ષ રહે છે અને 6-6 મહિનાની 2 શિફ્ટ પૂરી કરે છે, તો પગાર 95,420 પાઉન્ડ એટલે કે લગભગ 1 કરોડ રૂપિયા સુધી પહોંચી જશે. આ ઉપરાંત, રજાનો પગાર દરરોજ 3,877 રૂપિયા થાય છે અને વીમા કવચ પણ આપવામાં આવે છે. જાહેરાતમાં કહેવામાં આવ્યું છે કે આ રિક્રુટિંગ ફર્મ એનર્જી માર્કેટમાં એક વિશાળ કંપની છે.
કામ કોણ કરી શકે?
જો તમે આ ઊંચા પગારવાળી નોકરીમાં જોડાવાનું વિચારી રહ્યા છો, તો તમને જણાવી દઈએ કે આકર્ષક પગાર અને લાભો હોવા છતાં આ નોકરી દરેક માટે નથી. આ માટે તમારી પાસે તકનીકી અને સલામતી તાલીમમાં BOSIET, FOET, CA-EBS અને OGUK જેવી કઠિન તકનીકી તાલીમનું પ્રમાણપત્ર હોવું આવશ્યક છે. આ સિવાય તમારે ત્યાં રહેવા માટે ફિટનેસ ટેસ્ટ એટલે કે શારીરિક કસોટીઓ પણ પાસ કરવાની રહેશે. જો તમે આ તમામ વસ્તુઓમાંથી પાસ થઈ જશો તમે ઑફશોર નોકરીઓ માટે યોગ્ય ઉમેદવાર ગણાશો.
કદાચ આ જ કારણ છે કે આ નોકરીની જાહેરાત 24 દિવસ પહેલા મુકવામાં આવી હોવા છતાં હજુ સુધી પૂરતી સંખ્યામાં ઉમેદવારો મળ્યા નથી. જાહેરાત મુજબ 5 જગ્યાઓ માટે અરજીઓ સ્વીકારવામાં આવી રહી છે એટલે કે લોકો નોકરી માટે અરજી કરી રહ્યા નથી.
