ભારતીય ક્રિકેટ બોર્ડ (BCCI) દ્વારા રવિવાર 26 માર્ચે વર્ષ 2022-23 માટેના વાર્ષિક કરારોની (Annual Contracts) યાદી બહાર પાડવામાં આવી હતી. આ વખતે કોન્ટ્રાક્ટ લિસ્ટમાં (Contract List) જ્યાં કેટલાક નવા નામ જોવા મળ્યા હતા. તે જ સમયે કેટલાક જૂના સ્ટાર્સને પણ આ લિસ્ટમાંથી બહારનો રસ્તો દેખાડવામાં આવ્યો હતો. જે ખેલાડીઓને બહાર કરવામાં આવ્યા છે તેમાં ભુવનેશ્વર કુમાર, ઈશાંત શર્મા અને અજિંક્ય રહાણે જેવા ઘણા મોટા નામ સામેલ છે. બીજી તરફ સંજુ સેમસન, દીપક હુડા જેવા ઘણા વર્તમાન સ્ટાર્સ પ્રથમ વખત આ યાદીમાં સામેલ થયા છે.
- BCCI વાર્ષિક કરારની સંપૂર્ણ યાદી (2022-23)
- A+ કેટેગરી (7 કરોડ): રોહિત શર્મા, વિરાટ કોહલી, રવિન્દ્ર જાડેજા અને જસપ્રિત બુમરાહ
- A કેટેગરી (5 કરોડ): હાર્દિક પંડ્યા, મોહમ્મદ શમી, રવિચંદ્રન અશ્વિન, ઋષભ પંત અને અક્ષર પટેલ
- B કેટેગરી (3 કરોડ): શુભમન ગિલ, ચેતેશ્વર પૂજારા, કેએલ રાહુલ, સૂર્યકુમાર યાદવ, મોહમ્મદ સિરાજ અને શ્રેયસ ઐયર
- C કેટેગરી (1 કરોડ): ઉમેશ યાદવ, શિખર ધવન, શાર્દુલ ઠાકુર, ઈશાન કિશન, દીપક હુડા, યુઝવેન્દ્ર ચહલ, કુલદીપ યાદવ, વોશિંગ્ટન સુંદર, સંજુ સેમસન, અર્શદીપ સિંહ અને કેએસ ભરત
તમને જણાવી દઈએ કે બીસીસીઆઈ દ્વારા દર વર્ષે તેના વાર્ષિક કરારની યાદી જાહેર કરવામાં આવે છે. તેને ચાર શ્રેણીઓમાં વિભાજિત કરવામાં આવે છે. વિવિધ શ્રેણીઓ અનુસાર વાર્ષિક ધોરણે નાણાં આપવામાં આવે છે. તે એક રીતે બીસીસીઆઈનું સેલરી મોડ્યુલ છે. આ અંતર્ગત ચાર શ્રેણી A પ્લસ, A, B અને C છે. A+ વાળા ખેલાડીઓ દર વર્ષે રૂ. 7 કરોડ મેળવે છે. જ્યારે A માં 5 કરોડ, B માં 3 કરોડ અને C કેટેગરીમાં 1 કરોડ રૂપિયા આપવામાં આવ્યા છે. આ અંતર્ગત બીસીસીઆઈના વાર્ષિક કરારમાં આ વખતે કુલ 26 ખેલાડીઓનો સમાવેશ કરવામાં આવ્યો છે. જ્યારે ગયા વર્ષે આ સંખ્યા 27 હતી, જેમાંથી ઘણા ખેલાડીઓ બહાર થઈ ગયા છે અને કેટલાક નવા જોડાયા છે. આ સાથે કુલદીપ યાદવ અને ઈશાન કિશન આ લિસ્ટમાં પાછા ફર્યા છે.
આ સ્ટાર ક્રિકેટરોની કારકિર્દી પર બ્રેક!
બીસીસીઆઈએ તેના નવા કરારમાંથી ગત વખતની સરખામણીમાં કુલ 7 ખેલાડીઓને બહાર કર્યા છે. આ તમામ એવા ખેલાડીઓ છે જે લાંબા સમયથી ટીમ ઈન્ડિયાની બહાર છે. આમાંથી એક-બે નામ એવા છે જે ટીમમાં આવ્યા પરંતુ ફિટનેસના કારણે વધારે રમી શક્યા નહીં. આ સંપૂર્ણ યાદીમાં અજિંક્ય રહાણે, ભુવનેશ્વર કુમાર, ઈશાંત શર્મા, મયંક અગ્રવાલ, રિદ્ધિમાન સાહા, હનુમા વિહારી અને દીપક ચહર જેવા સાત મોટા નામ સામેલ છે. આનાથી ક્યાંક ને ક્યાંક સ્પષ્ટ થઈ ગયું છે કે આ ખેલાડીઓ ભવિષ્યમાં બીસીસીઆઈના આયોજનનો ભાગ બનવાના નથી. તેથી માની શકાય છે કે આનાથી તેની કારકિર્દી પર બ્રેક લાગી શકે છે. કેટલાક પુનરાગમન કરી શકે છે પરંતુ રહાણે, ભુવી, સાહા અને ઈશાંત સાથી વગેરે ઘણા જૂના ખેલાડીઓ છે. તેઓને પાછા ફરવાનો રસ્તો ખૂબ મુશ્કેલ લાગે છે.
બીસીસીઆઈએ જાહેર કરીલી યાદીમાં ઈશાન કિશન અને કુલદીપ યાદવ એવા બે નામ છે જેમણે વાપસી કરી છે. આ ખેલાડીઓ અગાઉના કરારનો ભાગ ન હતા. ઈશાને ભૂતકાળમાં સફેદ બોલ ક્રિકેટમાં સતત પોતાની છાપ છોડી છે. તેણે બાંગ્લાદેશમાં પણ બેવડી સદી ફટકારી હતી. આ સિવાય કુલદીપ યાદવે પણ પોતાની ડૂબતી કરિયરને નવી ઉર્જા આપી છે. પરિણામે તે કોન્ટ્રાક્ટ સૂચિમાં પાછો ફર્યો છે. આ સિવાય સંજુ સેમસન, દીપક હુડ્ડા, અર્શદીપ સિંહ અને કેએસ ભરત જેવા કેટલાક નામ પણ છે જેમને BCCI દ્વારા પ્રથમ વખત તેમના વાર્ષિક કરારનો ભાગ બનાવવામાં આવ્યા છે. બીજી તરફ ટીમ ઈન્ડિયાના ઉભરતા પેસ સેન્સેશન કહેવાતા ઉમરાન મલિકને આ યાદીમાં સ્થાન મળ્યું નથી.
