22 જાન્યુઆરી 2024ના રોજ અયોધ્યામાં (Ayodhya) રામ મંદિરનું (Temple) ઉદ્ઘાટન થવા જઈ રહ્યું છે. આ તારીખે રામ મંદિરના (Temple) ગર્ભગૃહમાં રામલલાની મૂર્તિનો અભિષેક કરવામાં આવશે. એવું માનવામાં આવે છે કે મંદિરના ઉદ્ઘાટન બાદ અયોધ્યા વિશ્વના સૌથી મોટા પર્યટન સ્થળોમાંથી એક તરીકે ઉભરી આવશે. સરકાર અને જનતા અહીં મોટી આર્થિક પ્રવૃત્તિઓની અપેક્ષા રાખે છે. જેના કારણે અહીંની જમીનોના ભાવ પણ આસમાને છે. આવી સ્થિતિમાં બોલિવૂડના દિગ્ગજ અભિનેતા અમિતાભ બચ્ચને પણ અયોધ્યામાં એક મોટો પ્લોટ ખરીદ્યો છે.
અયોધ્યામાં પ્લોટ ખરીદવાને લઈને અમિતાભ બચ્ચનનું નિવેદન પણ સામે આવ્યું છે. તેમણે કહ્યું કે અયોધ્યા એક એવું શહેર છે જે મારા હૃદયમાં વિશેષ સ્થાન ધરાવે છે. અયોધ્યાની કાલાતીત આધ્યાત્મિકતા અને સાંસ્કૃતિક સમૃદ્ધિએ એક ભાવનાત્મક જોડાણ બનાવ્યું છે જે ભૌગોલિક સીમાઓને પાર છે. આ અયોધ્યાના આત્માની હૃદયપૂર્વકની યાત્રાની શરૂઆત છે, જ્યાં પરંપરા અને આધુનિકતા એકીકૃત રીતે સહઅસ્તિત્વ ધરાવે છે. તેઓએ કહ્યું કે તે વૈશ્વિક આધ્યાત્મિક રાજધાની અયોધ્યામાં પોતાનું ઘર બનાવવા માટે ઉત્સુક છે.
અમિતાભ બચ્ચને મુંબઈ સ્થિત ડેવલપર કંપની ‘ધ હાઉસ ઓફ અભિનંદન લોઢા’ દ્વારા અયોધ્યામાં એક પ્લોટ ખરીદ્યો છે. આ પ્લોટ 7 સ્ટાર મલ્ટિ-પર્પઝ એક્સક્લેવ – ધ સરયુમાં સ્થિત છે. અત્યાર સુધી મળેલી માહિતી મુજબ અમિતાભના પ્લોટની સાઈઝ 10 હજાર સ્ક્વેર ફૂટ છે અને આ માટે તેમણે 14.5 કરોડ રૂપિયાનો ખર્ચ કર્યો છે.
ધ હાઉસ ઓફ અભિનંદન લોઢા દ્વારા શેર કરાયેલ બ્રોશર મુજબ અયોધ્યા શહેરમાં 1250 ચોરસ ફૂટ જમીનની કિંમત 1.80 કરોડ રૂપિયા, 1500 ચોરસ ફૂટ જમીનની કિંમત 2.35 કરોડ રૂપિયા અને 1750 ચોરસ ફૂટ જમીનની કિંમત 2.50 કરોડ રૂપિયા છે. તમને જણાવી દઈએ કે અમિતાભ બચ્ચને જ્યાં પ્લોટ ખરીદ્યો છે ત્યાંથી રામ મંદિર 10 મિનિટ દૂર છે, અયોધ્યા ઇન્ટરનેશનલ એરપોર્ટ 20 મિનિટ દૂર છે અને સરયૂ નદી 2 મિનિટ દૂર છે.
