અમેરિકા: યુએસ (US) સૈન્યએ (Army) એન્જિનમાં આગ લાગવાના જોખમને કારણે 1960ના દાયકાથી તેના લડાયક ચિનૂક હેલિકોપ્ટરના (Chinook helicopter) સમગ્ર કાફલાને ગ્રાઉન્ડ પર ઉતારી દીધા છે. અમેરિકી સેનાની કાર્યવાહીથી ચિનૂક પર પ્રશ્નો ઉભા થયા છે. વોલ સ્ટ્રીટ જર્નલે પોતાના રિપોર્ટમાં જણાવ્યું છે કે સેનાએ સાવધાનીથી આવું પગલું ભર્યું છે. ત્યારે ભારત પાસે પણ ચિનૂક વિમાન હોવાથી ભારતે (India) પણ આ અંગે રિપોર્ટ માંગી છે.
યુએસ સેનાએ તેના તમામ ચિનૂક હેલિકોપ્ટરની ઉડાન પર પ્રતિબંધ મૂક્યો છે. તેમના એન્જિનમાં આગ લાગવાની સંભાવનાને ધ્યાનમાં રાખીને આ નિર્ણય લેવામાં આવ્યો છે. અહીં, વાયુસેના હજી પણ ભારતમાં આ CH-47 હેલિકોપ્ટરનો ઉપયોગ કરી રહી છે. વાયુસેનાએ અમેરિકાના પ્રતિબંધોને લઈને વિગતવાર રિપોર્ટ માંગ્યો છે. અમેરિકી વાયુસેનાના નિર્ણય બાદ ભારતીય અધિકારીઓએ કહ્યું કે આ મામલાની તપાસ કરવામાં આવી રહી છે. વોલ સ્ટ્રીટ જર્નલે અધિકારીઓને ટાંકીને અમેરિકી સેનાના આદેશ વિશે માહિતી આપી છે
અમેરિકન મીડિયાએ ચિનૂકને લઈને અનેક સવાલો ઉભા કર્યા છે. વોલ સ્ટ્રીટ જર્નલ અનુસાર ચિનૂકમાં આગ લાગવાની ઘટનાઓ બની રહે છે. તેની સાથે લગભગ છ દાયકા જૂના હેલિકોપ્ટરના એન્જિનની નિષ્ફળતા સહિત ઘણા જોખમો પણ હોઈ શકે છે. તેને જોતા અમેરિકી સેનાએ આ નિર્ણય લીધો છે. જોકે ચિનૂક હેલિકોપ્ટર માત્ર અમેરિકા જ નહીં ભારત સહિત વિશ્વના અનેક દેશોની સેનાના કાફલામાં સામેલ છે.
70 થી વધુ ચિનૂકમાં આગની ઘટનાઓ
મીડિયા રિપોર્ટ્સ અનુસાર, એક અધિકારીએ જણાવ્યું કે તાજેતરના દિવસોમાં આગની ઘટનાઓ સામે આવી છે. યુએસ આર્મી મટિરિયલ કમાન્ડે સેંકડો હેલિકોપ્ટરને કાફલામાંથી બહાર કાઢ્યા. અમેરિકી સેનાના અધિકારીઓએ જણાવ્યું કે 70 થી વધુ ચિનૂક હેલિકોપ્ટરના એન્જિનમાં આગ લાગવાની ઘટનાઓને કારણે આ નિર્ણય લેવામાં આવ્યો છે.
યુએસ આર્મી ફ્લીટમાં 400 ચિનૂક્સ
અહેવાલ મુજબ, હેવી-ડ્યુટી ચિનૂક હેલિકોપ્ટરનું ગ્રાઉન્ડિંગ યુએસ સૈનિકો માટે લોજિસ્ટિકલ પડકારો પેદા કરી શકે છે. તે ઓર્ડર કેટલો સમય ચાલે છે તેના પર નિર્ભર છે. હાલમાં, યુએસ આર્મીના કાફલામાં લગભગ 400 ચિનૂક હેલિકોપ્ટર છે.
ભારતમાં લગભગ 15 ચિનૂક હેલિકોપ્ટર
ભારતીય સેના પાસે હાલમાં લગભગ 15 CH-47 ચિનૂક હેલિકોપ્ટર છે. છેલ્લા કેટલાક વર્ષોમાં તેને લદ્દાખ અને સિયાચીન ગ્લેશિયર જેવા સ્થળોએ તૈનાત કરવામાં આવ્યો છે. અહીં ચિનૂક્સ ભારતીય સેનાની એરલિફ્ટ કામગીરી માટેના મુખ્ય લશ્કરી સાધનોમાંના એક તરીકે ઉભરી આવ્યા છે.
ભારતને 2019માં પ્રથમ બેચ મળી હતી
ભારતને ફેબ્રુઆરી 2019માં ચિનૂક હેલિકોપ્ટરની પ્રથમ બેચ મળી હતી. બોઇંગે 2020માં ભારતીય વાયુસેનાને 15 ચિનૂક હેલિકોપ્ટરની ડિલિવરી પૂરી કરી. અધિકારીઓએ વોલ સ્ટ્રીટ જર્નલને જણાવ્યું હતું કે યુએસ સેનાને હેલિકોપ્ટર પરના એન્જિનમાં આગ લાગવાની ઘટનાઓ વિશે જાણ થઈ હતી, જોકે કોઈને ઈજા કે માર્યા ગયા નથી.
