મ્યાનમાર: મ્યાનમારમાં (Myanmar) આર્મી હેલિકોપ્ટરે (Army Helicopter) એક શાળા અને એક ગામ પર હુમલો (Attack) કર્યો હોવાનું સામે આવી રહ્યું છે, જેમાં સાત બાળકો સહિત 13 લોકોના મોત થયા. સ્કૂલ એડમિનિસ્ટ્રેટર અને એક સપોર્ટ વર્કરે સોમવારે આ જાણકારી આપી. આ હુમલો શુક્રવારે દેશના બીજા સૌથી મોટા શહેર મંડલેથી લગભગ 110 કિમી દૂર તબાયિનના લેટે યાટ કોન ગામમાં થયો હતો. શાળાના એક પ્રશાસકે જણાવ્યું કે ગામની ઉત્તરે ફરતા ચારમાંથી બે Mi-35 હેલિકોપ્ટરોએ શાળા પર મશીનગન અને ભારે હથિયારોથી હુમલો કરવાનું શરૂ કર્યું, વિદ્યાર્થીઓને સુરક્ષિત સ્થળોએ ખસેડવાનો પ્રયાસ કરાયો હતો. તેમણે કહ્યું કે શાળામાં છ વિદ્યાર્થીઓના મોત થયા હતા અને નજીકના ગામમાં એક 13 વર્ષના છોકરાની પણ ગોળી મારીને હત્યા કરવામાં આવી હતી.
- મ્યાનમારમાં આર્મી હેલિકોપ્ટર એક શાળા અને ગામ પર કર્યો હુમલો
- હુમલામાં સાત બાળકો સહિત 13 લોકોના મોત
- ગામમાં એક 13 વર્ષના છોકરાને પણ ગોળી મારીને હત્યા કરવામાં આવી હતી
શાળા પર મશીનગન અને ભારે હથિયારોથી હુમલો કરવામાં આવ્યો
શુક્રવારનો હુમલો દેશના બીજા સૌથી મોટા શહેર મંડલયથી લગભગ 110 કિલોમીટર ઉત્તર-પશ્ચિમમાં આવેલા તબાયિનના લેટ યાટ કોન ગામમાં થયો હતો, જેને ડેપાયિન તરીકે પણ ઓળખવામાં આવે છે. શાળા સંચાલક માર મારએ જણાવ્યું હતું કે તે ભોંયતળિયાના વર્ગખંડોમાં વિદ્યાર્થીઓને સુરક્ષિત સ્થાનો પર ખસેડવાનો પ્રયાસ કરી રહી હતી જ્યારે ગામની ઉત્તરે ફરતા ચાર Mi-35 હેલિકોપ્ટરમાંથી બે હેલિકોપ્ટરે મશીનગન અને ભારે હથિયારોથી શાળા પર હુમલો કરવાનું શરૂ કર્યું. તેણે કહ્યું કે તેને હુમલાની અપેક્ષા નહોતી કારણ કે વિમાન કોઈ ઘટના વિના ગામની ઉપરથી પસાર થઈ ગયું હતું.
ગામડાઓ બાળી નાખ્યા
મળતી માહિતી અનુસાર સગાઈંગ પ્રદેશના તાબેયિન ટાઉનશીપમાં હવાઈ હુમલામાં માર્યા ગયેલા બાળકોની સંખ્યા ગયા વર્ષે ફેબ્રુઆરીમાં સૈન્યએ સત્તા પર કબજો કર્યા પછી સૌથી વધુ હોવાનું જણાયું હતું. સેનાના ટેકઓવરથી દેશમાં મોટા પાયે અહિંસક વિરોધ થયો. સેના અને પોલીસે ઘાતક બળ સાથે જવાબ આપ્યો. યુનિસેફ દ્વારા જારી કરાયેલા અહેવાલ મુજબ, લડાઈ ખાસ કરીને સાગાઈંગમાં ઉગ્ર છે, જ્યાં સેનાએ અનેક આક્રમક કાર્યવાહી શરૂ કરી છે. કેટલાક કિસ્સાઓમાં, ગામડાઓને બાળી નાખવામાં આવ્યા હતા.
