રાજ્યમાં ઉડ્ડયન અને પ્રવાસનને પ્રોત્સાહન આપવા માટે અને રાજ્યની અંદર સુવ્યવસ્થિત હવાઈ જોડાણ (Air Connectivity) ઉપલબ્ધ કરાવવા માટે રાજ્યમાં અમદાવાદ (Ahmedabad) અને સુરતથી (Surat) પાંચ નવી હવાઇ (Airplane) સેવાઓ શરૂ કરવાનો નિર્ણય કરવામાં આવ્યો છે. આ નિર્ણય અનુસાર અમદાવાદ-ભુજ-અમદાવાદ, સુરત-ભાવનગર-સુરત, સુરત-અમરેલી-સુરત, સુરત-રાજકોટ-સુરત, સુરત-અમદાવાદ-સુરત માટે શરૂ થનાર હવાઇ સેવાઓ માટે મહત્તમ રૂા.૩૫૦૦ થી ૫૦૦૦ રૂા. ટીકીટનો દર નક્કી કરવામાં આવ્યો છે.
નાગરિક ઉડ્ડયન મંત્રી પૂર્ણેશ મોદીએ જણાવ્યુ હતું કે, રાજયના નાગિરક ઉડ્ડયન વિભાગ દ્વ્રારા ઉડ્ડયન ક્ષેત્રે વધુ સારી ક્નેક્ટિવિટી, સુવિધા મળે તે માટે સતત પ્રયત્નશીલ છે અને ગુજરાતના શહેરોને જોડવા માટે રાજ્યની VGF યોજના હેઠળ શરૂ કરવાનો નિર્ણય લેવામાં આવ્યો છે. જેમાં અમદાવાદ-ભુજ-અમદાવાદ માટે ૫૦ સીટરની વિમાની સુવિધા, સુરત-ભાવનગર-સુરત માટે ૦૯ સીટરની, સુરત-અમરેલી-સુરત માટે ૦૯ સીટની, સુરત-રાજકોટ-સુરત માટે ૦૯ સીટર તથા સુરત-અમદાવાદ-સુરત ૦૯ સીટરની સુવિધાઓ ઉપલબ્ધ બનાવાશે.
તેમણે ઉમેર્યુ કે, આ ફ્લાઇટો નાગરિકો માટે વધુ સુગમ સમયે વ્યાજબી દરે શરૂ કરવામાં આવશે. આ બધા રૂટ Tier -2 અને Tier-3 શહેરોને હવાઇ જોડાણ પુરુ પાડી શકાશે. રાજ્ય સરકાર દ્વારા Tier-3 શહેરોને Tier-4 શહેરો સાથે થી હવાઇ સેવા આગામી સમયમાં શરૂ કરવાનું આયોજન છે. આ બાબતને ધ્યાનમાં લેતા, હાલમાં રાજ્યમાં ભારત સરકારની RCS- ઉડાન યોજના અને રાજ્યની યોજનાઓ હેઠળ ૧૦ એરપોર્ટ અને ૨૦ રૂટ સંચાલન થઇ જશે. આ સેવા હેઠળ ટિકિટનો દર રૂટના સમયગાળા મુજબ મહત્તમ દર રૂ. ૩,૫૦૦/- થી રૂ. ૫,૦૦૦/- સુધી રહેશે. રાજ્યના નાગરિકોને આ સેવાનો વધુમાં વધુ લાભ લેવા આમંત્રણ છે.
તેમણે જણાવ્યું હતું કે, આ સેવા સ્થાનિક લોકો માટે વિવિધ એરપોર્ટ પર રોજગારીનું સર્જન કરશે અને વિવિધ સ્થળોની સ્થાનિક અર્થવ્યવસ્થાને વધુ વેગ આપશે અને મુસાફરી સરળ અને ઝડપી બનશે. તે રાજ્યના એકંદર પ્રવાસન પ્રયાસોને પ્રોત્સાહન આપશે તેવી પણ અપેક્ષા છે કારણ કે વિદેશી પ્રવાસીઓ તેમના પ્રવાસના સમયમાં વધુ સ્થળો સારી રીતે પ્રવાસ કરી શકશે. ગુજરાત અગ્રણી ઔદ્યોગિક રાજ્ય છે અને અગ્રણી ઉદ્યોગપતિઓ અને ઉદ્યોગપતિઓ વારંવાર અમદાવાદથી સુરત, રાજકોટ, અમરેલી, ભાવનગર અને કચ્છની મુસાફરી કરે છે. પ્રાદેશિક એરલાઇનની હાજરીથી તેમનો સમય બચશે અને પ્રવાસીઓ ઓછા સમયમાં તેમનું વ્યવસાયિક કાર્ય સમયસર પૂર્ણ કરી શકશે.
મોદીએ જણાવ્યું હતું કે, ગુજરાત જેવા પ્રગતિશીલ રાજ્યમાં પ્રાદેશિક એર કનેક્ટિવિટી સેવાની શરૂઆત માત્ર વેપાર અને શરૂઆત જ નહીં પરંતુ પ્રવાસન તેમજ ધાર્મિક પર્યટનને વધુ પ્રોત્સાહન આપશે અને પ્રવાસીઓ માટે મુસાફરીનુ અનુકુળ અને વ્યાજબીદરે ટૂંકા સમયમાં પ્રવાસ કરી શકશે. હવે લોકો રાજ્યની અંદરના દૂરના શહેરમાં વ્યવસાય પૂરો કરી શકે છે અને તે જ દિવસે તેને તેમના વતન શહેરમાં સમયસર પરત કરી શકાશે. કરારના ભાગરૂપે, રાજ્ય સરકાર રાજ્યભરમાં કાર્યરત વિવિધ ફ્લાઇટ્સ પર સેવા માટે VGF મુજબ આપશે.
