કચ્છ પ્રદેશ આજે કોલ્ડ વેવની બહાર આવી ગયા બાદ હવે અમદાવાદ હાડ થીજાવતી ઠંડીની ઝપટમાં આવી ગયુ છે. અમદાવાદમાં આજે સૌથી વધુ 9 ડિગ્રી ઠંડી નોંધાવવા પામી છે. રાજયમાં કાતિલ ઠંડી યથાવત રહેશે તેમ હવામાન વિભાગે કહ્યું હતું. હવામાન વિભાગના સત્તાવાર સૂત્રોએ કહ્યું હતું કે, રાજયના અન્ય શહેરો પૈકી અમદાવાદમાં 9 ડિ.સે., ડીસામાં 10 ડિ.સે., વડોદરામાં 10 ડિ.સે., સુરતમાં 14 ડિ.સે., ભૂજમાં 15 ડિ.સે., નલિયામાં 12 ડિ.સે., અમરેલીમાં 12 ડિ.સે., ભાવનગરમાં 13 ડિ.સે.,રાજકોટમાં 12 ડિ.સે., સુરેન્દ્રનગરમાં 11 ડિ.સે. લઘુત્તમ તાપમાન નોંધાયુ હતું.
