નવી દિલ્હી: 12માનું પરિણામ જાહેર કર્યા બાદ CBSEએ 10મા ધોરણનું પરિણામ પણ જાહેર કર્યું છે. આ વર્ષે ધોરણ 10માં કુલ 93.12 ટકા વિદ્યાર્થીઓ પાસ થયા છે. સેન્ટ્રલ બોર્ડ ઑફ સેકન્ડરી એજ્યુકેશન (CBSE) એ ધોરણ 10ની બોર્ડ પરીક્ષાનું પરિણામ જાહેર કર્યું છે. જે વિદ્યાર્થીઓએ ધોરણ 10માં બોર્ડની પરીક્ષા આપી છે તેઓ હવે સત્તાવાર વેબસાઇટ પર તેમનું પરિણામ જોઈ શકે છે. બોર્ડે આજે સવારે જ 12માનું પરિણામ પણ જાહેર કર્યું હતું.
CBSE વર્ગ 10મી મેરિટ લિસ્ટ 2023 જારી કરવામાં આવશે નહીં. બોર્ડ વિદ્યાર્થીઓને ફર્સ્ટ, સેકન્ડ કે થર્ડ ડિવિઝન નહીં આપે. જો કે, બોર્ડ વિષયોમાં સૌથી વધુ ગુણ મેળવનાર ટોચના 0.1% વિદ્યાર્થીઓને મેરિટ પ્રમાણપત્રો જારી કરશે.
CBSE 10મા અને 12મા બંને પરિણામોની દ્રષ્ટિએ ત્રિવેન્દ્રમના વિદ્યાર્થીઓ શ્રેષ્ઠ પાસ ટકાવારી ધરાવે છે. બંને વર્ગમાં 99.91 ટકા વિદ્યાર્થીઓ પાસ થયા છે. જ્યારે ગુવાહાટી સૌથી ખરાબ પ્રદર્શન કરનાર વિસ્તાર રહ્યો છે. ગુવાહાટીમાં 76.90 ટકા વિદ્યાર્થીઓ પાસ થયા છે
વિદ્યાર્થીઓ સેન્ટ્રલ બોર્ડ ઓફ સેકન્ડરી એજ્યુકેશન (CBSE) cbse.gov.in અને cbseresults.nic.in ની અધિકૃત વેબસાઈટની મુલાકાત લઈને ધોરણ 10, 12માનું પરિણામ જોઈ શકે છે . પરિણામ ચકાસવા માટે, વિદ્યાર્થીઓએ તેમનો રોલ નંબર દાખલ કરવાનો રહેશે. પરિણામ કેવી રીતે તપાસવું તે તમે નીચે જોઈ શકો છો.
CBSE ધો. 12નું 87.33 ટકા પરિણામ જાહેર
CBSE 12મું પરિણામ જાહેર થઈ ગયું છે. આ વર્ષે ધોરણ 12માં 87.33 ટકા વિદ્યાર્થીઓ પાસ થયા છે. છોકરાઓ કરતા છોકરીઓની પાસ થવાની ટકાવારી 6% સારી રહી છે. છોકરીઓની પાસ ટકાવારી 90.68% રહી છે જ્યારે છોકરાઓની પાસ થવાની ટકાવારી 84.67% રહી છે.
ગયા વર્ષે CBSE બોર્ડમાં 91.25% છોકરાઓ પાસ થયા હતા, જ્યારે આ વર્ષે માત્ર 84.67% છોકરાઓ પાસ થયા હતા. જ્યારે ગત વર્ષે 94% વિદ્યાર્થીનીઓ પાસ થઈ હતી જ્યારે આ વર્ષે માત્ર 90.68% વિદ્યાર્થિની જ પાસ થઈ છે. CBSE એ નિર્ણય લીધો છે કે આ વર્ષે તે પરિણામ સાથે વિદ્યાર્થીઓના પ્રથમ, બીજા અને ત્રીજા વિભાગની માહિતી આપશે નહીં. વિદ્યાર્થીઓને બિનજરૂરી સ્પર્ધાથી બચાવવા માટે આ વર્ષે મેરિટ લિસ્ટ પણ બહાર પાડવામાં આવ્યું નથી.
