નવી દિલ્હી: કેન્દ્ર સરકારે (Central Government) જાહેરાતોને (Ads) લઈને નવી માર્ગદર્શિકા બહાર પાડી છે. સરકારે બાળકોને (Children) લક્ષ્યાંક બનાવતી ભ્રામક જાહેરાતોને નિયંત્રિત કરવા માટે વિગતવાર માર્ગદર્શિકા જાહેર કરી છે. ભ્રામક જાહેરાતો પર પ્રતિબંધ અને ભ્રામક જાહેરાતો માટે સમર્થન-2022 હેઠળની માર્ગદર્શિકા હેઠળ હવે પ્રખ્યાત સ્ટાર્સે (Stars) પણ જાહેરાત માટે જવાબદારી લેવી પડશે. સરોગેટ જાહેરાતો પર પ્રતિબંધ (Band) મુકવામાં આવ્યો છે. જાહેરાતો તેમની સત્યતા સાબિત કર્યા વિના હવે ચાલશે નહીં. સરકારનો હેતુ માત્ર ભ્રામક જાહેરાતોને રોકવાનો છે. આ સાથે સરકારે જાહેરાત બનાવવાથી લઈને પ્રદર્શન સુધી પારદર્શક સિસ્ટમ બનાવવા પર પણ ધ્યાન કેન્દ્રિત કરવામાં આવ્યું છે.
- સેલિબ્રિટી હવે જાહેરાતને સમજ્યા વિના અને ઉત્પાદનને જાણ્યા વિના જાહેરાત કરી શકશે નહીં
- જાહેરાતની સાથે ઉત્પાદનની ગુણવત્તાના પ્રમાણપત્ર માટે સંમત થવું પડશે
- સરોગેટ જાહેરાતો પર પ્રતિબંધ મુકવામાં આવ્યો
- સરકારે જાહેરાત બનાવવાથી લઈને પ્રદર્શન સુધી પારદર્શક સિસ્ટમ બનાવવા પર પણ ધ્યાન કેન્દ્રિત કર્યું
માર્ગદર્શિકા મુજબ સેલિબ્રિટી હવે જાહેરાતને સમજ્યા વિના અને ઉત્પાદનને જાણ્યા વિના જાહેરાત કરી શકશે નહીં. તેઓએ જાહેરાતની સાથે ઉત્પાદનની ગુણવત્તાના પ્રમાણપત્ર માટે સંમત થવું પડશે. માર્ગદર્શિકા અનુસાર સરોગેટ જાહેરાતો તે છે જે આવા ઉત્પાદનો અથવા સેવાઓ સાથે સંબંધિત છે, જેની જાહેરાત પ્રતિબંધિત છે અને તેના પ્રસારણ પર કાયદેસર રીતે પ્રતિબંધ છે, જેમ કે દારૂ, સિગારેટ, તમાકુ ઉત્પાદનની જાહેરાત. આ માટે હવે પરોક્ષ જાહેરાતો જેમાં તે અન્ય ચીજવસ્તુઓ અથવા સેવાઓને દર્શાવવા માટે જાહેરાતો ચલાવતી હતી, તેના પર હવે સંપૂર્ણપણે પ્રતિબંધ મૂકવામાં આવ્યો છે. આ સિવાય તમે તરત જ આવો અને ખરીદો જેવા દાવાની જાહેરાત કરી શકશો નહીં. આ સિવાય બાળકોને લઈ થતી જાહેરાતો અંગે પણ નવા નિયમો હશે, જે મુજબ તે પ્રદર્શિત થશે.
આ નિયમો ગુરુવારે જાહેર કરવામાં આવ્યા છે. શુક્રવારે ગ્રાહક બાબતોના મંત્રાલયના સચિવ રોહિત કુમાર સિંહ અને અધિક સચિવ નિધિ ખરેએ આ વિશે મીડિયાને જણાવ્યું હતું. તેમણે કહ્યું કે આ માર્ગદર્શિકા તાત્કાલિક અસરથી અમલમાં આવી છે. વધારામાં તેઓએ કહ્યું કે આ માર્ગદર્શિકા તમામ પ્રકારની જાહેરાતો, તેમના ફોર્મેટ, પ્રકાર અને પ્રદર્શનની રીત પર લાગુ થશે.
