નવી દિલ્હી: દિલ્હીના (Delhi) દ્વારકામાં (Dwarka) એક વિદ્યાર્થીની (Student) પર એસિડ હુમાલો (Acid Attack) થયાની ઘટના સામે આવી રહી છે. જ્યાં એક છોકરાએ એક સ્કૂલની વિદ્યાર્થીની પર એસિડથી હુમલો કર્યો હતો. આ ઘટના આજે એટલે કે બુધવારે સવારે 9 વાગ્યાની આસપાસ બની હતી. આ પછી વિદ્યાર્થીનીને સફદરગંજ હોસ્પિટલમાં દાખલ કરવામાં આવી છે. દિલ્હી પોલીસની ટીમ પણ હોસ્પિટલ પહોંચી ગઈ છે.
નેશનલ કમિશન ફોર પ્રોટેક્શન ઓફ ચાઈલ્ડ રાઈટ્સ (NCPCR) એ દિલ્હીના દ્વારકામાં એક સ્કૂલની વિદ્યાર્થી પર એસિડ એટેકના મામલાને ખૂબ જ ગંભીરતાથી લીધો છે. પંચે ડીસીપી દ્વારકા અને ડીએમ દક્ષિણ પશ્ચિમ જિલ્લાને નોટિસ પાઠવીને 24 કલાકમાં આ મામલે જવાબ માંગ્યો છે. આ ઉપરાંત કમિશને પોલીસને એસિડ વેચનારની ધરપકડ કરવા અને તેની સામે કેસ નોંધવાનો આદેશ પણ આપ્યો છે.
દિલ્હી મહિલા આયોગે તેની નોંધ લીધી
આ પહેલા દિલ્હી મહિલા આયોગના અધ્યક્ષ સ્વાતિ માલીવાલે ટ્વીટ કર્યું હતું કે દ્વારકા મોડ પાસે એક સ્કૂલની વિદ્યાર્થી પર એસિડ ફેંકવામાં આવ્યું હતું. પીડિતની મદદ માટે અમારી ટીમ હોસ્પિટલ પહોંચી રહી છે. દીકરીને ન્યાય મળશે. દિલ્હી મહિલા આયોગ દેશમાં એસિડ પર પ્રતિબંધ માટે વર્ષોથી લડત ચલાવી રહ્યું છે. સરકારો ક્યારે જાગશે?
આરોપીઓએ મોઢા ઢાંકેલા હતા
આ ઘટનાના CCTV ફૂટેજ પણ સામે આવ્યા છે. ફૂટેજમાં જોઈ શકાય છે કે બે છોકરાઓ બાઇક પર આવે છે અને વિદ્યાર્થીની પર એસિડ ફેંકે છે. બંને યુવકોએ મોઢા ઢાંકેલા હતા. આ પછી બંને યુવકો બાઇક પર ફરાર થઇ ગયા હતા. પોલીસ સતત યુવકને શોધી રહી છે. પીડિતાના પિતાએ જણાવ્યું કે ઘટના બાદ તેની નાની છોકરી દોડતી ઘરે આવી અને તેણે કહ્યું કે તેની મોટી બહેન પર એસિડ ફેંકવામાં આવ્યું છે. બંને હુમલાખોરોએ મોઢા ઢાંકેલા હતા. જેના કારણે હજુ સુધી તેમની ઓળખ થઈ શકી નથી. વિદ્યાર્થીની બંને આંખમાં એસિડ વહી ગયું છે.
બહેને આરોપીને ઓળખી કાઢ્યો
વિદ્યાર્થીની બહેને જણાવ્યું કે જ્યારે અમે શાળાએ જઈ રહ્યા હતા ત્યારે દીદીએ ચીસો પાડી, ત્યાર બાદ તેણે પિતાને બોલાવવાનું કહ્યું, મેં તેનો ચહેરો જોયો, હું ડરી ગયો. આ પછી પિતાને ફોન કર્યો. ત્યારબાદ દીદીને હોસ્પિટલ લઈ જવામાં આવી. બાઇક પર બે લોકો હતા. બાઇક પર નંબર પ્લેટ ન હતી. પણ કેમેરાથી મેં ઓળખી લીધું કે બે લોકો હની અને સચિન હતા. બંને દીદીને પહેલાથી ઓળખતા હતા, પરંતુ કંઈક મુદ્દો થયો, પછી વાત બંધ થઈ ગઈ. જો કે, બંને છોકરાઓ તેમના પિતા સાથે વાત કરતા હતા. આ બંને છોકરાઓ તે શાળામાં ભણતા ન હતા.
આજે સવારે 9 વાગ્યાની આસપાસ વિદ્યાર્થિની પર એસિડ ફેંકવામાં આવ્યો હતો. આ પછી બાળકીને સફદરગંજ હોસ્પિટલમાં દાખલ કરવામાં આવી છે. પોલીસના જણાવ્યા અનુસાર વિદ્યાર્થીની ઉંમર 17 વર્ષ છે. તે તેની નાની બહેન સાથે ઊભી હતી. ત્યારે બાઇક સવાર બે યુવકોએ તેના પર એસિડ ફેંક્યું હતું. વિદ્યાર્થીએ બે છોકરાઓ પર શંકા વ્યક્ત કરી છે. આ કેસમાં પોલીસે એક શકમંદની અટકાયત કરી છે.
