bharuch : ગુજરાતના ભરૂચમાં એક કોવિડ 19 ( covid 19) હોસ્પિટલમાં ( hospital) આગ લાગી હતી . આ ઘટનામાં 16 લોકોનાં મોત નીપજ્યાં છે. ઘટના બાદ દર્દીઓને તાત્કાલિક અહીંથી ખસેડવામાં આવ્યા છે. હજુ સુધી આગનું કારણ જાણવા મળ્યું નથી. કહેવામાં આવી રહ્યું છે કે આગ શુક્રવારે (30 એપ્રિલ) મોડી રાત્રે 12:30 થી બપોરે 1 વાગ્યાની વચ્ચે શરૂ થઈ હતી. આ ઘટનામાં ઘણા દર્દીઓ ઘાયલ પણ થયા છે. ઘટનાની જાણ થતાં જ ફાયર બ્રિગેડના અનેક વાહનો આગને કાબૂમાં લેવા પહોંચ્યા હતા. કોરોના દર્દીઓ માટે કોવિડ કેર સેન્ટર (covid care centre) પટેલ વેલ્ફેર હોસ્પિટલ ( patel walefare hospital) ના પહેલા માળે બનાવવામાં આવ્યું હતું.
ભરૂચ એસપી રાજેન્દ્રસિંહ ચુડાસમાએ જણાવ્યું હતું કે આ હોસ્પિટલના કોવિડ વોર્ડ ( covid ward) માં સારવાર લઈ રહેલા 14 દર્દીઓનાં મોત નીપજ્યાં છે. તે જ સમયે, બે નર્સોએ પણ પોતાનો જીવ ગુમાવ્યો હતો. આશરે 50 લોકોને રેસક્યું કરવામાં આવ્યા હતા અને તેમને બીજી હોસ્પિટલમાં દાખલ કરવામાં આવ્યા છે.
મળતી માહિતી મુજબ આ ચાર માળની હોસ્પિટલ ભરૂચ-જંબુસર હાઇવે પર આવેલી છે. તે ટ્રસ્ટ દ્વારા સંચાલિત છે. ફાયર ઓફિસર શૈલેષ સાંસિયાએ જણાવ્યું હતું કે, કોવિડ વોર્ડ હોસ્પિટલના પહેલા માળે બનાવવામાં આવ્યો હતો. આગને એક કલાકમાં કાબૂમાં લઈ આવી હતી. તેમજ ફાયર ફાઇટરો અને સ્થાનિક લોકોની મદદથી આશરે 50 લોકોને બચાવવામાં આવ્યા હતા.
હોસ્પિટલના ડોકટરોએ આ અકસ્માત અંગે શોક વ્યક્ત કર્યો હતો. કોવિડ કેર સેન્ટરના ટ્રસ્ટી જુબૈર પટેલે જણાવ્યું હતું કે, આ એક ખૂબ જ દુર્ભાગ્યપૂર્ણ અકસ્માત છે, જે આપણા માટે જ નહીં, પરંતુ સમગ્ર ભરૂચ માટે છે. પોલીસ અને પ્રશાસનની મદદથી અમે દર્દીઓને અન્ય હોસ્પિટલોમાં ખસેડ્યા હતા . આ અકસ્માતમાં 14 દર્દીઓ અને બે નર્સોએ જીવ ગુમાવ્યો હતો.
