ભારતની સુરક્ષા વ્યવસ્થાને વધુ સક્ષમ અને ભવિષ્યના પડકારો સામે તૈયાર બનાવવા માટે કેન્દ્ર સરકારે એક મહત્ત્વપૂર્ણ નિર્ણય લીધો છે. સંરક્ષણપ્રધાન રાજનાથ સિંહની અધ્યક્ષતામાં યોજાયેલી સંરક્ષણ સંપાદન સમિતિની બેઠકમાં ત્રણેય સશસ્ત્ર દળો માટે અંદાજે ૭૯,૦૦૦ કરોડ રૂપિયાનાં આધુનિક શસ્ત્રો અને સાધનોની ખરીદી મંજૂર કરવામાં આવી છે. આ નિર્ણય દેશની સીમાઓની સુરક્ષા સાથે સાથે આધુનિક યુદ્ધની બદલાતી રીતોને ધ્યાનમાં રાખીને લેવામાં આવ્યો છે.સેનાની ક્ષમતાઓમાં આ નિર્ણયથી નોંધપાત્ર વધારો થવાનો છે.
સેનાને મળનારી લોઈટર મ્યુનિશન પદ્ધતિ દુશ્મનના મુખ્ય અને ઉચ્ચ મૂલ્યનાં લક્ષ્યો પર અત્યંત ચોકસાઈથી પ્રહાર કરવા સક્ષમ બનાવશે. આ સાથે, ઓછી ઊંચાઈ પર ઊડતાં માનવરહિત વિમાનોને ઓળખવા અને તેમની ગતિ પર નજર રાખવા માટે હળવા વજનના તરંગશોધક સાધનો પણ સેનાને મળશે. આ સાધનો આધુનિક યુદ્ધમાં વધી રહેલા માનવરહિત ખતરાઓ સામે મહત્ત્વપૂર્ણ સાબિત થશે. નૌકાદળ માટે પણ આ સોદો વ્યૂહાત્મક દૃષ્ટિએ મહત્ત્વ ધરાવે છે.
બંદરોમાં અને મર્યાદિત જગ્યાઓમાં જહાજો તથા જળકુહર નૌકાઓને સુરક્ષિત રીતે ખસેડવા માટે વિશેષ ખેંચક જહાજો મંજૂર કરવામાં આવ્યા છે. વાયુસેના માટે મંજૂર કરાયેલી સ્વયંચાલિત ઉડાન અને ઉતરાણ નોંધણી પ્રણાલી તમામ હવામાન પરિસ્થિતિઓમાં ઉચ્ચ ગુણવત્તાવાળી નોંધ દ્વારા ઉડાન સલામતીમાં વધારો કરશે. કુલ મળીને, આ નિર્ણય ભારતની રક્ષણાત્મક તૈયારીને નવી દિશા આપતો છે. આધુનિક સાધનો, સ્વદેશી ક્ષમતાઓ અને વ્યૂહાત્મક દૃષ્ટિ સાથે લેવામાં આવેલો આ પગલું દેશની સુરક્ષા અને આત્મનિર્ભરતાને વધુ મજબૂત બનાવશે.
સુરત – કાંતિલાલ માંડોત – આ લેખમાં પ્રગટ થયેલાં વિચારો લેખકનાં પોતાના છે.
