સોના અને ચાંદીના ભાવ આજે એટલે કે 28 ઓગસ્ટના રોજ તેના સર્વકાલીન ઉચ્ચતમ સ્તર પર પહોંચી ગયા છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર આજે સોનાનો ભાવ 622 રૂપિયા વધીને 1,01,506 રૂપિયા પ્રતિ 10 ગ્રામ થયો છે. અગાઉ સોનું 1,00,884 રૂપિયા હતું. જ્યારે ચાંદીનો ભાવ 1,240 રૂપિયા વધીને 1,17,110 રૂપિયા પ્રતિ કિલો થયો છે. અગાઉ તેની કિંમત 1,15870 રૂપિયા હતી.
આ વર્ષે એટલે કે 1 જાન્યુઆરીથી અત્યાર સુધી 24 કેરેટ સોનાના 10 ગ્રામનો ભાવ 76,162 રૂપિયાથી વધીને 25,344 રૂપિયા થઈને 1,01,506 રૂપિયા થયો છે. ચાંદીનો ભાવ પણ 86,017 રૂપિયા પ્રતિ કિલોથી વધીને 1,17,110 રૂપિયા થયો છે. ગયા વર્ષે એટલે કે 2024 માં, સોનું 12,810 રૂપિયા મોંઘુ થયું હતું.
આ વર્ષે સોનું ₹1 લાખ 4 હજાર સુધી જઈ શકે છે. કેડિયા એડવાઈઝરીના ડિરેક્ટર અજય કેડિયા કહે છે કે યુએસ ટેરિફને કારણે ભૂ-રાજકીય તણાવ રહે છે. સોનાને આનાથી ટેકો મળી રહ્યો છે અને તેની માંગ પણ વધી રહી છે. આવી સ્થિતિમાં આ વર્ષે સોનું 1 લાખ 4 હજાર રૂપિયા પ્રતિ 10 ગ્રામ સુધી જઈ શકે છે. જ્યારે ચાંદી આ વર્ષે 1 લાખ 30 હજાર રૂપિયા સુધી જઈ શકે છે.
