ઈંધોવેન (નેધરલેન્ડ), તા. 12 (પીટીઆઈ): ભારત-A પુરુષ હોકી ટીમે શનિવારે અહીં ફ્રાન્સને 3-2 થી હરાવીને ચાલુ યુરોપિયન પ્રવાસમાં સતત ત્રીજી જીત નોંધાવી.ભારત માટે ફોરવર્ડ આદિત્ય અર્જુન લાલગેએ બે ગોલ કર્યા જ્યારે બોબી સિંહ ધામીએ પણ ગોલ કર્યો. લાલગેએ પહેલા ફિલ્ડ ગોલ કર્યો અને પછી પેનલ્ટી કોર્નરને કન્વર્ટ કર્યો, બાદમાં બોબીએ ગોલ કર્યો.
ફ્રાન્સ માટે ક્લેમેન્ટે બંને ગોલ કર્યા.સતત ત્રીજી જીત પર ભારત A પુરુષ હોકી ટીમના કોચ શિવેન્દ્ર સિંહે કહ્યું ‘ભારત-એ આ પ્રવાસની તૈયારીમાં સખત મહેનત કરી રહી છે અને મેદાન પર પણ વસ્તુઓ સારી રીતે ચાલી રહી છે તે જોઈને આનંદ થયો.’
‘આ પ્રવાસમાં આપણે થોડી વધુ મેચ રમવાની છે અને મને વિશ્વાસ છે કે ટીમ તેનું સારું પ્રદર્શન ચાલુ રાખશે અને તેની લય જાળવી રાખશે’, એમ તેમણે કહ્યું.ભારત-A રવિવારે ફરી ફ્રાન્સનો સામનો કરશે અને યુરોપિયન પ્રવાસમાં તેમની પાસે હજુ પાંચ મેચ બાકી છે. ટીમે અગાઉ આયર્લેન્ડને બે વાર અને ફ્રાન્સને એક વાર હરાવ્યું છે.
ફ્રાન્સ સામેની મેચ ઉપરાંત, ભારત-A નેધરલેન્ડ્સ સામે બે મેચ અને ઇંગ્લેન્ડ અને બેલ્જિયમ સામે એક-એક મેચ રમશે.
