હાલના દિવસોમાં સોશિયલ મીડિયા પર એક પોસ્ટ વધુને વધુ વાયરલ થઈ રહી છે, જેમાં અમેરિકાના રસ્તાઓ પર લગાવવામાં આવેલા ‘મેડ ઇન ઇન્ડિયા’ મેનહોલ કવરના (ગટરના ઢાંકણા)નો ફોટો બતાવવામાં આવ્યો છે. આ પોસ્ટ પછી સોશિયલ મીડિયા પર ચર્ચા શરૂ થઈ ગઈ કે જ્યારે અમેરિકામાં સ્થાનિક ઉત્પાદનને પ્રોત્સાહન આપવાની વાત થઈ રહી છે, તો પછી ભારતમાં બનેલા મેનહોલ કવર ત્યાંના રસ્તાઓ પર શું કરી રહ્યાં છે, આ કવર ત્યાં સુધી કેવી રીતે પહોંચ્યા?
સ્ટીફન નામના વ્યક્તિએ સોશિયલ મીડિયા પ્લેટફોર્મ X પર વોશિંગ્ટન રાજ્યના સિએટલ શહેરમાં એક મેનહોલ કવરનો ફોટો શેર કર્યો, જેના પર સ્પષ્ટપણે લખ્યું હતું – મેડ ઇન ઇન્ડિયા.
સ્ટીફન આ પોસ્ટમાં પ્રશ્ન ઉઠાવે છે, સ્ટીફનનો આ પ્રશ્ન એટલો વાયરલ થયો કે આ પોસ્ટ ચર્ચાનો વિષય બની ગઈ. અમેરિકા અને ભારતના ઘણા સોશિયલ મીડિયા યુઝર્સ આ ચર્ચામાં જોડાયા.
કેટલાક યુઝર્સે આ મેનહોલ કવરને ભારતની ઔદ્યોગિક ક્ષમતાનું ઉદાહરણ ગણાવ્યું, તો ઘણા અમેરિકન યુઝર્સે તેના પર પ્રશ્નો ઉઠાવ્યા. તેમની દલીલ હતી કે જ્યારે અમેરિકા સ્થાનિક ઉત્પાદનને પ્રોત્સાહન આપી રહ્યું છે, તો પછી આવી મૂળભૂત વસ્તુઓ વિદેશથી કેમ આયાત કરવામાં આવી રહી છે?
એક અમેરિકન યુઝરે ટિપ્પણી કરી, શું અમેરિકા હવે તેના શહેરો માટે મેનહોલ કવર પણ બનાવી શકતું નથી? કોઈએ આ બાબતે ભારતની પ્રશંસા કરી.
ભારતને સમર્થન આપતા યુઝર્સ પણ આગળ આવ્યા
કેટલાક યુઝર્સે ભારતની પ્રશંસા કરતાં કહ્યું કે ભારતનો કાસ્ટ આયર્ન ઉદ્યોગ વિશ્વ કક્ષાનો છે અને અમેરિકા જેવા વિકસિત દેશો પણ ભારતમાંથી માલ આયાત કરે છે, જે ગર્વની વાત છે. કેટલાક અમેરિકનોએ પણ તેનો વિરોધ કર્યો – CIWinning નામના X યુઝરે લખ્યું – ભારતીય મેનહોલ કવરની કિંમત જાણી જોઈને એટલી ઓછી રાખવામાં આવી હતી કે તે અમેરિકન ઉત્પાદકોની કિંમતોને હરાવી શકે.
વધુમાં ભારતમાંથી આ મેનહોલ કવર આયાત કરવાનો અર્થ એ છે કે યુએસ કરદાતાઓના પૈસાનો ઉપયોગ કરીને કોઈ અમેરિકન નોકરીઓ ઉમેરવામાં આવતી નથી, જેનો અર્થ એ થાય કે કોઈ સ્થાનિક રોજગારનો લાભ મળતો નથી.
વિનીત નાઈક નામના એક ભારતીય યુઝરે સ્ટીફનને જવાબ આપ્યો અને લખ્યું – ભારત અમેરિકા કરતા 6 ગણું વધુ આયર્ન ઓરનું ઉત્પાદન અડધા ભાવે કરે છે. તેથી અમેરિકાને મેનહોલ કવર નિકાસ કરવું એ ભારત માટે નફાકારક સોદો છે. આનાથી અમેરિકાને એન્જિન અને શસ્ત્રો બનાવવા જેવી જટિલ સમસ્યાઓ પર ધ્યાન કેન્દ્રિત કરવાનો સમય મળે છે, જ્યારે મેનહોલના ઢાંકણ જેવી બાબતો ભારત પર છોડી શકાય છે.
ભારત અમેરિકા માટે મેનહોલ તૈયાર કરે છે
અમેરિકા લાંબા સમયથી ભારતમાંથી મેનહોલ કવર આયાત કરી રહ્યું છે. 2007માં ધ ન્યૂ યોર્ક ટાઈમ્સમાં પ્રકાશિત થયેલા એક અહેવાલમાં જણાવાયું હતું કે ઘણા અમેરિકન શહેરો વર્ષોથી ભારતમાંથી મેનહોલ કવર આયાત કરી રહ્યા છે. કારણ કે ભારતીય ઉત્પાદકો અમેરિકન કંપનીઓ કરતાં 20 થી 60 ટકા સસ્તા ભાવે મેનહોલ કવર પૂરા પાડે છે.
