દિલ્હીમાં પ્રદૂષણને લઈને શુક્રવારે સુપ્રીમ કોર્ટમાં સુનાવણી હાથ ધરવામાં આવી હતી. જસ્ટિસ અભય એસ ઓકા અને જસ્ટિસ ઓગસ્ટિન જ્યોર્જ મસિહની ખંડપીઠે પ્રદૂષણને નિયંત્રિત કરવા માટે દિલ્હી સરકારના પગલાં સામે વાંધો વ્યક્ત કર્યો છે. કોર્ટે કહ્યું કે દિલ્હી સરકાર પ્રદૂષણ અંગેના પ્રતિબંધો લાગૂ કરવામાં નિષ્ફળ કઈ છે. કોર્ટે કહ્યું તે દિલ્હી સરકારના જવાબથી સંતુષ્ટ નથી.
જસ્ટિસ ઓકાએ કહ્યું કે 113 એન્ટ્રી પોઈન્ટ પર માત્ર 13 સીસીટીવી કેમેરા છે. કેન્દ્ર સરકારે આ તમામ એન્ટ્રી પોઈન્ટ પર પોલીસ તૈનાત કરવી જોઈએ. ખરેખર વાહનોના પ્રવેશ પર પ્રતિબંધ છે કે કેમ તે જોવા માટે કાયદાકીય ટીમની રચના કરવી જોઈએ. આ માટે અમે બાર એસોસિએશનના યુવા વકીલોને તૈનાત કરીશું. કોર્ટે કહ્યું કે આદેશો હોવા છતાં દિલ્હી પોલીસ સ્ટેજ 4 ના પ્રતિબંધોને સમયસર લાગુ કરવામાં નિષ્ફળ રહી છે. દિલ્હી સરકારે ટ્રકોના પ્રવેશને રોકવા માટે કંઈ કર્યું નથી. કેસની આગામી સુનાવણી 25 નવેમ્બરે થશે.
દિલ્હી સરકારે સુપ્રીમ કોર્ટમાં દાવો કર્યો હતો કે પરિવહન વિભાગના અધિકારીઓ ટ્રકોને રોકી રહ્યા છે. તેના પર કોર્ટે કહ્યું કે, રેકોર્ડમાંથી એ સ્પષ્ટ નથી કે કેટલા ચેક પોઈન્ટ બનાવવામાં આવ્યા છે. સ્ટેજ 4 જરૂરી પુરવઠો વહન કરતી ટ્રકો સિવાય તમામને રોકવા માટે કહે છે. કોર્ટે કહ્યું કે અમે કેટલાક યુવા વકીલોની નિમણૂક કરીશું જેઓ દિલ્હીના એન્ટ્રી પોઈન્ટ પર જશે અને રિપોર્ટ તૈયાર કરીને કોર્ટમાં રજૂ કરશે. સીસીટીવી ફૂટેજ પર પણ નજર રાખવામાં આવશે.
અમે દિલ્હી સરકારના જવાબથી સંતુષ્ટ નથી – સુપ્રીમ કોર્ટ
સુપ્રીમ કોર્ટે કહ્યું કે અમે દિલ્હી સરકારના જવાબથી સંતુષ્ટ નથી. કેટલા એન્ટ્રી પોઈન્ટ છે અને તેના અધિકારીઓ ક્યાં હાજર છે તે કહી શકાયું નથી. એમિકસ ક્યુરીએ અમને જણાવ્યું કે કુલ 113 એન્ટ્રી પોઈન્ટ છે અને માત્ર 13 સીસીટીવી કેમેરા છે. એવું લાગે છે કે ટ્રકો અન્ય પોઈન્ટથી પ્રવેશી રહી છે. અમે દિલ્હી સરકાર અને દિલ્હી પોલીસને તમામ 113 સ્થળોએ તાત્કાલિક ચેકપોસ્ટ બનાવવાનો આદેશ આપી રહ્યા છીએ.
સુપ્રીમ કોર્ટે કહ્યું કે 13 એન્ટ્રી પોઈન્ટ પર સીસીટીવી કેમેરા લગાવવામાં આવ્યા છે. એમિકસ ક્યુરીને તેમના ફૂટેજ આપો, એવું લાગે છે કે બાકીના 100 પર કોઈ તપાસ થઈ રહી નથી. અમે ખુશ છીએ કે 13 વકીલો કોર્ટ કમિશનર તરીકે કામ કરવા સંમત થયા છે. આ કોર્ટ કમિશનરોને દિલ્હીના એન્ટ્રી પોઈન્ટની મુલાકાત લેવા માટે સુવિધાઓ અને જરૂરી સુરક્ષા આપવી જોઈએ. એડવોકેટ આદિત્ય પ્રસાદ 13 કોર્ટ કમિશનર તરીકે નિયુક્ત તમામ વકીલો સાથે સંકલન કરશે. તમામ કોર્ટ કમિશનરોએ રિપોર્ટ આપવો જોઈએ. સોમવારે સુનાવણી હાથ ધરવામાં આવશે.
એક વકીલે શાળાઓ બંધ થવાને કારણે ગરીબ વાલીઓને જે સમસ્યાઓનો સામનો કરવો પડે છે તેનો ઉલ્લેખ કર્યો. તેમણે કહ્યું કે તેઓએ પોતાનું કામ છોડીને બાળકો માટે ઘરે રહેવું પડશે. તેના પર કોર્ટે કહ્યું કે હાલમાં ગ્રેપ 4 અમલમાં છે. અમે આવતા અઠવાડિયે સુનાવણી કરીશું. એક વકીલે કહ્યું કે પ્રદૂષણનું સ્તર ઘટી ગયું છે. ગ્રેપ 4 ને ઘટાડીને ગ્રેપ 3 અથવા ગ્રેપ 2 કરવું જોઈએ. તેના પર કોર્ટે કહ્યું કે સોમવારે સુનાવણી હાથ ધરવામાં આવશે.
