નવી દિલ્હી: ઇઝરાયેલ અને હમાસ વચ્ચેના યુદ્ધના (Israel-Hamas War) 38માં દિવસે એક મોટા સમાચાર સામે આવી રહ્યા છે. WHO એ દાવો કર્યો છે કે તેણે ગાઝાની (Gaza) સૌથી મોટી અલ-શિફા હોસ્પિટલ (Al Shifa Hospital) સાથે વારંવાર ઇઝરાયલી હુમલાઓ અને આસપાસના વિસ્તારમાં ભીષણ લડાઈ વચ્ચે સંપર્ક ગુમાવ્યો છે. જ્યારે બીજી તરફ ઇઝરાયેલ ડિફેન્સ ફોર્સિસ (IDF) એ 13 નવેમ્બરે જાહેરાત કરી કે તેમના સૈનિકોએ તાત્કાલિક તબીબી હેતુઓ માટે અલ-શિફા હોસ્પિટલને સફળતાપૂર્વક 300 લિટર ઇંધણ પહોંચાડ્યું છે. પરંતુ હમાસે હોસ્પિટલને ફ્યુલ સ્વીકારવા પર પ્રતિબંધ મૂક્યો હતો.
IDF એ તેના સોશિયલ મીડિયા ટ્વિટર X પર જણાવ્યું કે અમારા સૈનિકોએ તાત્કાલિક તબીબી હેતુઓ માટે શિફા હોસ્પિટલમાં 300 લિટર ઇંધણ હાથથી પહોંચાડવા માટે તેમના જીવનને જોખમમાં મૂક્યું હતું. તેમ છતાં હમાસે હોસ્પિટલને તે લેવાની મનાઈ કરી હતી. ગાઝાનું હમાસ સંચાલિત આરોગ્ય મંત્રાલય અઠવાડિયાથી ચેતવણી આપી રહ્યું છે કે તેની હોસ્પિટલોમાં ઇંધણ સમાપ્ત થઈ રહ્યું છે. જો આવી પરિસ્થિતિ છે તો, શા માટે તેઓ હોસ્પિટલને ફ્યુલ પ્રાપ્ત કરતા અટકાવશે?”
પેલેસ્ટિનિયન આરોગ્ય મંત્રાલય દ્વારા બહાર પાડવામાં આવેલા અપડેટ મુજબ, સોમવારે સવાર સુધીમાં, 600-650 દર્દીઓ, 200-500 આરોગ્ય કર્મચારીઓ અને લગભગ 1,500 વિસ્થાપિત લોકો હજી પણ હોસ્પિટલમાં છે. વીજળી, પાણી અને ખોરાકની અછતને કારણે તેમના જીવન જોખમમાં છે અને હોસ્પિટલમાંથી બહાર નીકળવાનો કોઈ સુરક્ષિત રસ્તો નથી, એમ આરોગ્ય મંત્રાલયના નિવેદનમાં જણાવાયું છે. WHOએ જણાવ્યું હતું કે પાવર કટના કારણે એક દર્દીનું મોત થયું હતું. તેણે એવો પણ દાવો કર્યો હતો કે અલ-શિફા ટાંકીઓથી ઘેરાયેલું હતું અને ડોકટરોએ સ્વચ્છ પાણીની અછતની જાણ કરી હતી અને ઇંધણની અછતને કારણે ICU, વેન્ટિલેટર અને ઇન્ક્યુબેટર, અન્ય વસ્તુઓની સાથે બંધ કરી દેવામાં આવ્યા હતા.
WHOના ડાયરેક્ટર-જનરલ ટેડ્રોસ અધનોમ ઘેબ્રેયેસસે સોશિયલ મીડિયા પ્લેટફોર્મ X પર લખ્યું છે કે, “વિજળી, પાણી નથી અને ખૂબ જ નબળા ઇન્ટરનેટ સાથે ત્રણ દિવસ થયા છે, જેણે આવશ્યક સંભાળ પૂરી પાડવાની અમારી ક્ષમતાને ગંભીર અસર કરી છે.” દુઃખની વાત એ છે કે હોસ્પિટલ હવે હોસ્પિટલ તરીકે કાર્યરત નથી. જ્યારે સલામત આશ્રયસ્થાન હોવા જોઈએ તેવી હોસ્પિટલો મૃત્યુ, વિનાશ અને નિરાશાના દ્રશ્યોમાં ફેરવાઈ રહી છે ત્યારે દુનિયા ચૂપ રહી શકતી નથી.’ તમને જણાવી દઈએ કે 7 ઓક્ટોબરે ઈઝરાયેલ પર હમાસના હુમલા અને સેંકડો નાગરિકોની હત્યા બાદ ઈઝરાયેલ ગાઝા પર સતત હુમલો.
