નરેન્દ્રભાઇ મોદી હાલમાં આપણા દેશના વડાપ્રધાન છે. તેમના વિરોધીઓ તેમના અથવા તેમની સરકાર દ્વારા લેવાયેલા ખોટા નિર્ણયોનો વિરોધ કરે તે વ્યાજબી ગણાય કારણ ખોટા નિર્ણયો કે પગલાંનો યોગ્ય વિરોધ થવો જ જોઇએ પણ તેની સાથે તેમના સારા નિર્ણયો કે પગલાંનો સ્વીકાર ન કરો તો તે બરાબર ન કહેવાય. હાલમાં આપણા દેશમાં મહત્ત્વના બે જ રાષ્ટ્રીય પક્ષો છે. ભાજપ અને કોંગ્રેસ. હવે જો ઇતિહાસ જોશો તો સમજાશે કે કોંગ્રેસ પક્ષ પર નહેરુ કુટુંબ અને ગાંધી કુટુંબનું જ વર્ચસ્વ રહ્યું છે. એ બધું વારસાગત ચાલ્યું આવે છે, જ્યારે નરેન્દ્ર મોદીની બાબતમાં તેમના વિરોધીઓએ પણ એ વાત સ્વીકારવી જ પડે કે તેમનાં કોઈ સગાં તેમના વડા પ્રધાનપદનો ગેરલાભ ઉઠાવતા નથી અને નરેન્દ્ર મોદીની નિવૃત્તિ પછી તેમનો કોઈ વારસદાર સત્તા પર આવવાનો નથી કે કોંગ્રેસની જેમ પક્ષને સંભાળવાનો નથી.
સુરત – સુરેન્દ્ર દલાલ– આ લેખમાં પ્રગટ થયેલાં વિચારો લેખકનાં પોતાના છે.
