નવી દિલ્હી: પાકિસ્તાનના (Pakistan) એક લગ્ન ખૂબ ચર્ચામાં છે. અહીં એક દુલ્હાએ પોતાની દુલ્હનને લગ્નની ભેટ તરીકે ગધેડાનું બચ્ચું (Pakistani Groom Gifted Bride Donkey) આપ્યું છે. ગધેડો ભેંટમાં આપનાર દુલ્હો પાકિસ્તાનનો ફેમસ યુ-ટ્યૂબર છે. ગધેડા સાથેના દુલ્હા-દુલ્હનના ફોટા અને વીડિયો ખૂબ વાયરલ થઈ રહ્યાં છે. દુલ્હનને ગધેડાનું બચ્ચું ભેંટમાં આપતી વખતે યુ ટ્યૂબર એમ કહે છે કે પ્લીઝ મજાક નહીં બનાવતા, પરંતુ ફોટો અને વીડિયો સોશિયલ મીડિયામાં વાયરલ થયા બાદ લોકો તેની ખૂબ મજાક ઉડાવી રહ્યાં છે.
પાકિસ્તાનનો એક ફોટો સોશિયલ મીડિયા પર ખૂબ વાયરલ થઈ રહ્યો છે. આ ફોટોમાં એક વર-કન્યા ગધેડા સાથે જોવા મળી રહ્યા છે. ફોટામાં દેખાતો વર પાકિસ્તાનનો પ્રખ્યાત યુટ્યુબર અઝલાન શાહ (youtuber Azlan Shah) છે અને તેની સાથે તેની દુલ્હન વરીશા પણ છે. કહેવામાં આવી રહ્યું છે કે અઝલાન અને વારિશાના લગ્ન બાદ અઝલને વારિશાને એક ગધેડો ભેટમાં આપ્યો છે. તમે પણ વિચારતા હશો કે આ પ્રખ્યાત યુટ્યૂબરે પોતાની દુલ્હનને ગધેડો કેમ ગિફ્ટ કર્યો છે.
ઇન્સ્ટાગ્રામ વિડિયોમાં અઝલાન કહે છે, ‘જુઓ, મને પ્રાણીઓ ગમે છે. લોકો ગમે તે કહે, ‘ગધેડો મને ખૂબ પસંદ છે. ઓકે, મને ડોન્કીઝ ગમે છે. અને હા, આ મારા તરફથી વરિશાને ભેટ છે. અને મહેરબાની કરીને તેની મજાક ન કરતા.’ આ રિસેપ્શન દિવસનો વીડિયો જણાવવામાં આવી રહ્યો છે. પત્નીને ગધેડો કેમ ભેટમાં આપ્યો તેના જવાબમાં, અઝલાને તેની ઇન્સ્ટાગ્રામ પોસ્ટમાં ખુલાસો કર્યો, ‘હવે પ્રશ્ન એ છે કે ગધેડો શા માટે, કારણ કે મને તે ગમે છે અને તે વિશ્વનું સૌથી મહેનતુ અને સૌથી પ્રેમાળ પ્રાણી છે.’ આ પછી વીડિયોમાં દુલ્હન વરિશા કહેતી જોવા મળે છે કે ‘હું તને ગધેડો નહીં બનવા દઉં.’
વીડિયો જોવા માટે અહીં ક્લીક કરો
અઝલાન શાહે દુલ્હન વારિશાને ગધેડો ભેટમાં આપ્યો તે સોશિયલ મીડિયા પર ચર્ચાનો વિષય છે. લોકો આ પહેલના વખાણ કરી રહ્યા છે. કેટલાકે તેને ખૂબ જ સુંદર ગણાવી છે તો કેટલાકે આ કપલને ભરપૂર પ્રેમ આપ્યો છે. જો કે, આ પહેલના ટીકાકારોની કોઈ કમી નથી. તેની ઈન્સ્ટાગ્રામ પોસ્ટ પર પણ અલગ-અલગ પ્રકારની કોમેન્ટ આવી રહી છે.
મીડિયા રિપોર્ટ્સ અનુસાર, અઝલને પોતાના લગ્નના રિસેપ્શનમાં ગધેડાનું બાળક ગિફ્ટ કર્યું છે અને હવે બંને આ ગધેડાને દત્તક લેવાનું વિચારી રહ્યા છે. રિપોર્ટ્સ અનુસાર, વરિશાને ગધેડાનાં બાળકો ખૂબ જ પસંદ છે અને તેથી જ તેણે લગ્નમાં ગધેડો ગિફ્ટ કર્યો છે. ખાસ વાત એ છે કે તેણે ગધેડાને તેની માતાથી અલગ નથી કર્યો અને તે તેને પોતાની સાથે રાખશે અને તેનું પાલન-પોષણ કરશે.
