અભિનેતા શાહરૂખ ખાનના (Shahrukh Khan) પ્રિય આર્યન ખાન માટે છેલ્લા કેટલાક દિવસો ખૂબ જ મુશ્કેલ રહ્યા છે. ક્રુઝ ડ્રગ્સ કેસમાં (Drugs Case) તેને જેલમાં (Jail) જવું પડ્યું હતું. જો કે આ વર્ષે મે મહિનામાં તેને કોર્ટમાંથી ક્લીનચીટ મળી હતી. પોતાના પર લાગેલા આરોપોમાંથી નિર્દોષ જાહેર થયા બાદ આર્યન ખાન હવે ફરી એકવાર પહેલાની જેમ જ જીવનનો આનંદ માણવાનો પ્રયાસ કરી રહ્યો છે. સ્ટાર કીડનું જીવન ધીમે ધીમે પાટા પર આવી રહ્યું છે. લાંબા સમય પછી તાજેતરમાં તેણે સોશિયલ મીડિયા પર એક પોસ્ટ શેર કરી છે. જેમાં તે બહેન સુહાના અને ભાઈ અબરામ સાથે જોવા મળ્યો હતો. હવે આર્યન ખાન પાર્ટી કરતો જોવા મળી રહ્યો હતો. હાલમાં જ તે કેટરીના કૈફની બહેન ઈસાબેલ સાથે પાર્ટી કરતો જોવા મળ્યો હતો. શ્રુતિ ચૌહાણે પોતે તેના ઇન્સ્ટાગ્રામ એકાઉન્ટ પર તેના જન્મદિવસની ઉજવણીની તસવીરો શેર કરી છે. ઇસાબેલ અને આર્યન પણ તેઓએ શેર કરેલી તસવીરોમાં જોવા મળી રહ્યા છે.
આર્યન ખાનની એક તસવીર આ સમયે સોશિયલ મીડિયા પર ખૂબ વાયરલ થઈ રહી છે. આમાં તે કેટરીના કૈફની બહેન ઈસાબેલ (Isabel) સાથે પાર્ટી કરતો જોવા મળી રહ્યો છે. ખરેખર આ ફોટો અભિનેત્રી શ્રુતિ ચૌહાણના જન્મ દિવસનો છે. શ્રુતિ અને આર્યન સારા મિત્રો છે. સાથે જ શ્રુતિની કેટરીનાની બહેન ઈસાબેલ સાથે પણ સારી મિત્રતા છે. આમ તો આર્યન અને ઈસાબેલ બંનેએ શ્રુતિના જન્મદિવસમાં ખૂબ જ મસ્તી કરી હતી. આ સિવાય બીજા ઘણા કોમન ફ્રેન્ડ્સ પાર્ટીમાં જોવા મળ્યા હતા.
શ્રુતિ ચૌહાણે પોતે તેના ઇન્સ્ટાગ્રામ એકાઉન્ટ પર તેના જન્મદિવસની ઉજવણીની તસવીરો શેર કરી છે. ઇસાબેલ અને આર્યન પણ તેઓએ શેર કરેલી તસવીરોમાં જોવા મળે છે. ઈસાબેલ બ્લેક આઉટફિટમાં જોવા મળી હતી, જ્યારે આર્યન ખાન જીન્સ અને જેકેટમાં જોવા મળ્યો હતો. તમને જણાવી દઈએ કે શ્રુતિ ચૌહાણ, રણવીર સિંહ અને આલિયા ભટ્ટ ફિલ્મ ‘ગલી બોય’માં જોવા મળ્યા છે. આર્યન ખાનના વર્કફ્રન્ટ વિશે વાત કરીએ તો રિપોર્ટ્સ અનુસાર તે ટૂંક સમયમાં જ વેબ સિરીઝ રાઈટર તરીકે ઈન્ડસ્ટ્રીમાં ડેબ્યૂ કરવાનો છે. કેટરિનાની બહેન ઇસાબેલ પણ ફિલ્મોમાં જોવા મળવાની છે. રિપોર્ટ્સ અનુસાર સલમાન ખાન ઈસાબેલને બોલિવૂડમાં લોન્ચ કરવા જઈ રહ્યો છે.
