ગાંધીનગર: (Gandhinagar) ગુજરાત પોલીસ ભરતી બોર્ડ (જીપીઆરબી) (GPRB) એ મંગળવારે તેની સત્તાવાર વેબસાઇટ પર PSI 2022 પ્રારંભિક પરીક્ષા માટેના કૉલ લેટર્સ બહાર પાડ્યા છે. ઉમેદવારો કે જેમણે ગુજરાત પીએસઆઈ (PSI) ભરતી પરીક્ષા 2022 માટે અરજી કરી છે તેઓ લોગીન કરી પ્રારંભિક પરીક્ષા માટે તેમના પ્રવેશ કાર્ડને તપાસી અને ડાઉનલોડ કરી શકે છે. ગુજરાત PSI પ્રિલિમિનરી પરીક્ષા 2022 એડમિટ કાર્ડ https://ojas.gujarat.gov.in/ વેબસાઇટ પર જઇ નોકરી પસંદ કરીને અને પછી પુષ્ટિ નંબર અને જન્મ તારીખ દાખલ કરીને ડાઉનલોડ કરી શકાય છે.
- ગુજરાત PSI 2022 પ્રારંભિક પરીક્ષા માટેના કોલ લેટર બહાર પાડવામાં આવ્યા
- PSI 2022 ની પ્રારંભિક પરીક્ષા રવિવાર 06 માર્ચ 2022 ના રોજ લેવામાં આવશે
મળતી માહિતી અનુસાર PSI 2022 ની પ્રારંભિક પરીક્ષા રવિવાર 06 માર્ચ 2022 ના રોજ લેવામાં આવશે. સમગ્ર ગુજરાત રાજ્યમાં OMR-આધારિત ઑફલાઇન મોડ દ્વારા પરીક્ષા લેવામાં આવશે. 16 માર્ચ 2021ના રોજ ગુજરાત પોલીસે 1382 PSI, ASI અને ઈન્ટેલિજન્સ ઓફિસરની જગ્યાઓની ભરતી માટે પાત્રતા ધરાવતા ઉમેદવારો પાસેથી ઓનલાઈન અરજીઓ મંગાવી હતી.
- ગુજરાત PSI 2022 કોલ લેટર કેવી રીતે ડાઉનલોડ કરવું?
- સત્તાવાર GPRB ભરતી વેબસાઇટ ojas.gujarat.gov.in પર જવું
- વેબસાઈટના હોમપેજ પર ‘કૉલ લેટર / પ્રેફરન્સ’ મેનૂ પર માઉસ પૉઇન્ટરને હૉવર કરવું. ત્યાર બાદ ‘પ્રિલિમિનરી પરીક્ષા કૉલ લેટર’ વિકલ્પ પર ક્લિક કરો.
- તમારી સ્ક્રીન પર એક નવું પૃષ્ઠ દેખાશે. ડ્રોપડાઉન મેનૂમાંથી ‘જોબ પસંદ કરો’ અને 8-અંકનો પુષ્ટિકરણ નંબર અને જન્મ તારીખ દાખલ કરો અને પછી ‘પ્રિન્ટ કૉલ લેટર’ પર ક્લિક કરો.
- તમારો ગુજરાત PSI કોલ લેટર તમારી સ્ક્રીન પર પ્રદર્શિત થશે, તેને તપાસો અને ડાઉનલોડ કરો
- ભવિષ્યના ઉપયોગ માટે પ્રિન્ટઆઉટ લેવી
તલાટીની નોકરી લેવા ઉત્સાહ, 3437 જગ્યા માટે લાખો ઉમેદવારોએ અરજી કરી
ગુજરાતમાં તલાટીની (Talati) ભરતી માટે ઉમેદવારો ઉમટી પડ્યા છે. હાલમાં વર્ગ-3ની સરકારી નોકરી (Government Job) માટે રેકોર્ડ બ્રેક ફોર્મ ભરાયા છે. પંચાયત સેવા પસંદગી મંડળની ગ્રામ પંચાયત સેક્રેટરી-તલાટી કમ મંત્રીની 3 હજાર 437 જગ્યા માટે લાખો ઉમેદવારોએ અરજી કરી છે. ફોર્મ ભરવાના દિવસના અંતે તલાટી માટે કુલ 23.23 લાખ ફોર્મ ઓનલાઇન રજિસ્ટર્ડ થયા છે.
