સુરત: ગુજરાત (Gujarat) રાજ્યની 8684 ગ્રામ પંચાયત (Gram Panchayat) માટે યોજાયેલી ચૂંટણીનું (Election) આજે પરિણામ (Result) જાહેર થઈ રહ્યું છે. તબક્કાવાર પરિણામો બહાર પડી રહ્યાં છે. રાજ્યમાં સરપંચ (Sarpanch) પદના 27,200 અને સભ્યપદના 1,19,998 ઉમેદવારો ચૂંટણી લડ્યા છે. ધીમે ધીમે પરિણામો જાહેર થવા માંડ્યા છે. સૌ પ્રથમ વલસાડ જિલ્લામાંથી એક પરિણામ બહાર આવ્યું છે. અહીં હની સંદીપ પટેલ 417 મતથી વિજેતા બન્યા છે. વલસાડ જિલ્લાના ઠક્કરવાડા ગામના સરપંચ તરીકે ગ્રામજનોએ હની પટેલ પર વિશ્વાસ વ્યક્ત કર્યો છે. વલસાડના ભાણજી ફળિયામાં દિનેશ સોમા આહીર 401 મતથી વિજયી થયા છે, જ્યારે વલંડીમાં કુસુમ છીબુ પટેલ 63 રનની પાતળી સરસાઈથી વિજયી થયા છે.
આ ઉપરાંત માંડવી તાલુકાની ગ્રામ પંચાયતના સરપંચોના પરિણામ જાહેર થયા છે. અહીં વરેલીમાં રાજુ કાન્તિ વસાવા, કલીબેલમાં સતીષ નસવાન ચૌધરી, જાખલામાં હેમલતા વિરલ ચૌધરી, પરવટમાં જયા સુનિલ ચૌધરી, રૂપણમાં નિકીતા મિતુલ ચૌધરી, નંદપોરમાં સુનિતા જતીન ચૌધરી અને મુઝલાવમાં રમેશ રામજી ચૌધરી વિજેતા ઘોષિત થયા છે. નવસારીના પીનસાડ-સરોણા ગામના સપરંચ પદે નયન પટેલ વિજયી બન્યા છે. વલસાડ તાલુકાના શંકરતળાવ ગામે કિંજલ રાકેશ પટેલ, ઓલગામમાં ખાતુ ભગીયા પટેલ, મૂળીમાં શિલ્પા ઉમેદ રાઠોડ, અંદરગોટામાં સંદીપ ઝીણા પટેલ અને આગરફળિયામાં મહેશ ભીખુ પટેલ વિજયી થયા છે.
નર્મદાના સોઢલિયા ગામ સરપંચ વિજેતા ઊર્મિલાબેન રમેશભાઈ તડવી 53 મત થી વિજેતા થયા છે. અહીંના રસેલા ગામ સરપંચ વિજેતા ભવિકાબેન શૈલેષભાઇ વસાવા 234 મત થી વિજેતા થયા છે. અહીંના નાંદોદ તાલુકાના હેલંબી ગામમાં મુકેશ કેશવ વસાવા 34 મતે જીત્યા છે. અહીંના નવાપરા (ની) ગામે રેખા હસમુખ વસાવા 100 મતે વિજયી થયા છે. અહીંના જ કારેલીમાં પારૂલ સંજય તડવી 100 મતે જીત્યા છે. નર્મદાના ગરૂડેશ્વર તાલુકામાં ગાડકોઈ ગામમાં લાલીતા શાંતિલાલ તડવી 12 મતે વિજયી થયા છે. નર્મદાના ગરૂડેશ્વરના સમારીયા ગામે રમેશ બચુ તડવી 67 મતે જીત્યા છે.
ભાવનગરમાં મતગણતરી કેન્દ્ર પર હંગામો થયો
ભાવનગરમાં મતગણતરી સ્થળે તંત્રએ મીડિયાને પ્રવેશવાની મનાઈ કરી દેવાતા હોબાળો થયો હતો. મત ગણતરી શરૂ કરવાનો 9 વાગ્યાનો સમય હોવા છતાં મતગણતરી શરૂ ન થતાં ઉમેદવારો અને ટેકેદારોમાં રોષ જોવા મળ્યો હતો. વિવિધ મતગણતરી કેન્દ્રો પર મત પેટીઓ ખોલી સરપંચ અને સભ્યોની અલગ-અલગ થપ્પીઓ કરવાની કામગારી શરૂ કરવામાં આવી છે. અહીંના ભોજપરા ગામના સરપંચ પદે સોનલબા શક્તિસિંહ ગોહિલ વિજેતા થયા છે.
ક્યાં કોણ વિજયી થયું?
ગ્રામપંચાયતોની ચૂંટણીના પરિણામો જાહેર થવા માંડ્યા છે. અત્યાર સુધીમાં જાહેર થયેલા પરિણામો અનુસાર ગાંધીનગરના રતનપુર ગામના સરપંચ પદે વીરેન્દ્ર સિંહ બિહોલાનો 458 મતથી વિજય થયા છે. અમદાવાદના વિરમગામના ઝૂંડ ગ્રામ પંચાયતમાં હિનાબેન પટેલ સરપંચ પદે વિજેતા થયા છે. વિરમગામના જક્સી ગામમાં પંચાયત સરપંચ પદે નવઘણજી ઠાકોર વિજેતા થયા છે. દાહોદના દે.બારીયાના નાળાતોડમાં ભુપેન્દ્રસિંહ અમર શીહ રાઠવાનો વિજય થયો છે. અરવલ્લી જિલ્લાના મોડાસાના માલપુરના ટુણાદરમાં યોગીનીબેન અને સઋરપુરમાં કોદીબેન બામણીયા જીત્યા છે. પાટણના ગજા ગામ ગ્રામ પંચાયતના સરપંચ પદના ઉમેદવાર નાનાભાઈ પિતરાઈ મોટાભાઈને 71 મતે હરાવ્યા છે. પાટણના હનમાનપુરામાં મહિલા સરપંચ તરીકે બાલુબેન લીલાજી ઠાકોર 32 વોટ વિજયી થયા. તેઓ છેલ્લા 45 વર્ષથી જીતતા આવે છે. પાટણના શંખેશ્વરના રુનીમાં દિનેશ મકવાણા, ચાણસ્માના ગલોલી વાસણામાં દિવાબેનની જીત, રાધનપુરના ધોરકડામાં હિનાબેન આહીરે વિજય પ્રાપ્ત કર્યો છે. ધ્રાંગધ્રાના સજ્જનપુરમાં લાલજી પટેલે જીત મેળવી છે. ઝાલોદના ટાંડીમાં સરપંચ પદે પ્રિયંકાબેન પ્રકાશભાઈ ભાભોરનો 49 મતથી વિજેતા થયા છે. દાહોદના ભીટોડીમાં સરપંચ પદે વિનોદભાઈ ડામોરનો વિજય થયો છે. દસ્ક્રોઈ તાલુકાના લીલાપુર ગામના સરપંચ તરીકે ઉષાબેન વિરમજી ઠાકોર વિજેતા થયા છે. ખેડા જિલ્લાના કપડવંજના રમોસડી ગ્રામ પંચાયતમાં સરપંચ પદે જાગૃતિબેન વાઘેલા, ભોજાના મુવાડા ગામે સરપંચ પદે મંજુલાબેન પટેલ અને વાઘાવતમાં સરપંચ પદે દીપકભાઈ સોલંકીનો વિજય થયો છે. આ ઉપરાંત મોરબી તાલુકાનું હળવદના મયાપુર ગામમાં નથુભાઈ જગજીવનભાઈ કણઝરીયા વિજયી થયા છે.
રાજ્યમાં ક્યાં કોણ જીત્યું તેની યાદી
| જિલ્લો | ગામ | વિજેતા |
| વલસાડ | ઠક્કરવાડા | હનીબેન પટેલ |
| નર્મદા | નરખડી | મમતા વસાવા |
| પાટણ | ગજા ગામ | જવાનજી ઠાકોર |
| વડોદરા | ગયાપુરા | કમલેશ પટેલ |
| અરવલ્લી | ટુણાદર | યોગીની |
| અરવલ્લી | રૂઘનાથપુર | કનુભાઈ ડી પટેલ |
| અરવલ્લી | કીડીઆદ | મગી ભરવાડ |
| અરવલ્લી | ગોતાપૂર | જશી અર્જનભાઈ પગી |
| અરવલ્લી | વાસણા | ગંગા ભીખાભાઇ પટેલ |
| અરવલ્લી | શામળપુર | પ્રકાશ ગામેતી |
| પાટણ | રુની | દિનેશ મકવાણા |
| પાટણ | વાસણા | દિવા |
| પાટણ | ધોરકડા | હિના આહિર |
| નવસારી | સરોણા | નયન પટેલ |
| નવસારી | વેજલપોર | જયશ્રી હળપતિ |
| સુરેન્દ્રનગર | સજજનપુર | લાલજી પટેલ |
| દાહોદ | ટાંડી | પ્રિંયંકા ભાભોર |
| દાહોદ | ભીટોડી | વિનોદ ડામોર |
| અમદાવાદ | જક્સી | નવઘણ ઠાકોર |
| અમદાવાદ | ઝુંડ | હિનાબેન પટેલ |
| અમદાવાદ | લીલાપુર | ઉષાબેન ઠાકોર |
| ખેડા | રમોસડી | જાગૃતિબેન વાઘેલા |
| ખેડા | ભીોજાના મુવાડા | મંજુલાબેન પટેલ |
| ખેડા | વાઘાવત | દીપક સોલંકી |
| મોરબી | મયાપુર | નથુભાઈ કણઝરીયા |
| પંચમહાલ | જાંબુઘોડા | જીતકુમાર મયંકભાઈ દેસાઈ |
| રાજકોટ | ઉબાળા | દશરથસિંહ જાડેજા |
| રાજકોટ | રામપર | જયેશ બોઘરા |
| હિંમતનગર | ધુલેટા | રાખી બેન રાઠોડ |
| હિંમતનગર | છાદરડા | ધવલ પટેલ |
| જૂનાગઢ | પીપવલ | ભીખાભાઇ ગોવિંદભાઇ સોલંકી |
| જૂનાગઢ | મેધપુર | જીણાભાઈ મારું |
| જૂનાગઢ | ખોખરડા | મુકેશ ભાઈ મુછડીયા |
| જૂનાગઢ | ડૂંગરી | કપિલાબેન રાબડીયા |
| જૂનાગઢ | નગડીયા | પ્રકાશ પરમાર |
| જૂનાગઢ | ગોરજ | પ્રભાબેન ડોડીયા |
| જૂનાગઢ | વીરપુર | લખમણભાઈ |
| જૂનાગઢ | વાડલા | શાંતિબેન |
| વલસાડ | મોરાઈ | પ્રતિક પટેલ |
| વલસાડ | કોચરવા | રાજેશ ભાઈ પટેલ |
| કચ્છ | શિયોત | ગંગારામ ભાઈ પટેલ |
| કચ્છ | આણંદસર (વિથોણ) | જયાબેન રૂડાણી |
| કચ્છ | વળવા | જિતુભા જાડેજા |
| કચ્છ | સાંધવ | જયવીર સિંહ ભગવાનજી જાડેજા |
| ભાવનગર | નોંધનવદર | ગણેશભાઈ ભલાભાઈ વાઘેલા |
| ભાવનગર | હડમતીયા | મેર કાજલબેન મયુરભાઈ |
| ભાવનગર | માઇધાર | પુનાબેન કલાભાઈ ડાંગર |
| ભાવનગર | ભારાટીમબા | ધાભાઈ કુરજીભાઈ બગદારીયા |
| ભાવનગર | રાજગઢ | બાબુભાઈ ગોવિંદભાઇ પનારા |
| ભાવનગર | રામપરા | રાજુભા ભગુભાઈ |
| ભાવનગર | રોજીયા | જયદેવસિંહ સરવૈયા |
| ભાવનગર | જુના સાંગણા | ઉષાબેન હરદેવગીરી ગોસ્વામી |
| ભાવનગર | ચૂડી | ઘનશ્યામભાઈ રમણા |
| સુરત | કનાજ | અનિલ પટેલ |
| બનાસકાંઠા | ઉચરપી | હાર્દિક દેસાઈ |
| જામનગર | ખારાવેઢા | રંજનબેન કેશવજીભાઇ બોરીચા |
