કુલ 43 કોરોનાના દર્દીઓમાંથી શુક્રવારે 5 દર્દીઓ ડિસ્ચાર્જ થતા ટોટલ 22 દર્દીઓ ડિસ્ચાર્જ થયાં હાલમાં કોરોનાના એક્ટિવ કેસોની સંખ્યા 21 પર
તમામ 21 કેસો હોમ આઇસોલેશન હેઠળ
(પ્રતિનિધિ) વડોદરા તા.13
શહેરમાં વિતેલા 24 કલાકમાં વધુ 4 કોરોના પોઝિટિવ કેસ સામે આવ્યા હતા જેની સાથે અત્યાચાર સુધીમાં વડોદરા શહેરમાં કુલ 43 જેટલા પોઝિટિવ કેસ નોંધાયા છે જેમાંથી શુક્રવારે 5 દર્દીઓ સાજા થતાં ડિસ્ચાર્જ થયાં હતાં એમ કુલ અત્યારસુધી 22 દર્દીઓ સાજા થઈ ડિસ્ચાર્જ થયાં છે જેના કારણે શુક્રવારે 21 કેસો જેઓ હોમ આઇસોલેશન હેઠળ છે.વિતેલા 24કલાક દરમિયાન કુલ 299 લોકોને તપાસવામાં આવ્યા હતા.
દેશમાં ફરી એકવાર કોરોનાએ માથું ઉંચકતા દિનપ્રતિદિન કોરોના પોઝિટિવ કેસોમાં વધારો જોવા મળી રહ્યો છે જેમાં ગુજરાત રાજ્ય બીજા ક્રમે ચાલી રહ્યું છે ત્યારે વડોદરા શહેરમાં વિતેલા 24 કલાકમાં વધુ 4 કોરોનાના એક્ટિવ કેસો સામે આવતા અત્યાર સુધીમાં કુલ 43 કોરોના પોઝિટિવ કેસો નોંધાયા છે જેમાંથી શુક્રવારે 5 દર્દીઓ સારાં થઈ જતાં તેઓને ડિસ્ચાર્જ જાહેર કરતાં અત્યાર સુધીમાં કુલ 22 દર્દીઓ ડિસ્ચાર્જ થયાં છે અને હાલમાં શહેરમાં કુલ 21 કોરોના પોઝિટિવ દર્દીઓ છે જે તમામ હોમ આઇસોલેશન હેઠળ છે. શુક્રવારે 4 નવા કેસોમાં મહિલા 01 અને 03 પુરુષ દર્દીઓ કોરોના પોઝિટિવ જણાયા છે જેમાં 19 થી 60 વર્ષની ઉંમરના 3 કેસ છે જ્યારે 60 થી વધુ ઉંમરના અન્ય 1 કેસો નોંધાયા છે. આ નવા કેસો અકોટા, હરણી, દિવાળીપુરા તથા ગાજરાવાડી વિસ્તારોમાંથી નોધાયા છે. વડોદરામાં અત્યાર સુધીમાં એક પણ કોરોનાથી મૃત્યુ નથી થયું જે શહેર માટે રાહતના સમાચાર છે.
