કાલોલ:
વેજલપુર દૂધ ડેરી સામે આવેલ વાલીમીકવાસમાં મકાનમાંથી સોના ચાંદીના દાગીના અને રોકડ રકમ સહિત કુલ કિ રૂ.૧,૭૬,૪૩૬ના મુદ્દામાલની અજાણ્યા ચોરો દ્વારા ચોરી થઈ હતી. તા ૦૯/૦૬/૨૦૨૫ થી તા.૧૧/૦૬/૨૦૨૫ના સવારના સમય ક.૧૧/૦૦ વાગ્યા દરમ્યાન કોઈ પણ સમયે વેજલપુર વાલીમીકવાસ દુધની ડેરીવાળું ફળિયામાં અનિતાબેન નટવરભાઈના મકાન માં કોઈ અજાણ્યા ચોર ઇસમોએ ઘરના દરવાજાનો નકુચો તોડી ઘરમાં વચલા ખંડમાં મુકેલી લોખંડની તિજોરી તોડી એમાં મુકેલા કપડા વેરવિખેર કરી, સોના ચાંદીના દાગીના કિ.રૂ.૧,૩૬,૪૩૬ તથા રોકડ રૂપિયા ૪૦૦૦૦ કુલ કિ રૂ.૧,૭૬,૪૩૬ ના મુદ્દામાલની ચોરી કરતા વેજલપુર પોલીસ મથકે અજાણ્યા ચોર ઈસમ વિરુદ્ધ અનિતાબેન નટવરભાઈ દ્વારા વફરિયાદ નોંધાવાઈ છે. જેથી વેજલપુર પોલીસ દ્વારા BNS -2023 ની ભારતીય ન્યાય સહિતા BNS કલમો ૩૦૫(એ), ૩૩૧(૩), ૩૩૧(૪) મુજબ નો ગુનો નોંધી કાયદેસરની કાર્યવાહી હાથ ધરી અને આજુ બાજુના સી સી ફૂટેજ મેળવવાની તજવીજ હાથ ધરી છે. અજાણ્યા ચોર ઈસમ ને પકડવા તેમજ ચોરીનો ભેદ ઉકેલવા તપાસનો ધમધમાટ શરૂ કર્યો છે.
