જેમની માનસિકતા ઠીક નહિ એ લોકો કઈક બોલ્યા હશે પરંતુ તમારી માનસિકતા ઠીક રાખો, બુથ પ્રમુખોને સંબોધન
વડોદરા: ભારતીય જનતા પાર્ટીના બુથ પ્રમુખોની બેઠકને સંબોધવા આવેલા પ્રદેશ અધ્યક્ષ સી.આર. પાટીલે કાર્યકરોને વાદ વિવાદ કોરાણે મૂકી 10 લાખથી વધારે લીડથી વડોદરા બેઠક જીતાડવા આહવાન કર્યું હતું.
પોલો ગ્રાઉન્ડ ખાતે યોજાયેલા કાર્યક્રમમાં નિર્ધારિત સમય કરતાં મોડા પહોંચેલા પાટીલે જણાવ્યું હતું મોદીને ફરી વડાપ્રધાન બનાવવા તમામ કાર્યકરે વાદ વિવાદ બાજુ પર મૂકી કામે લાગી જવાની જરૂર છે. કોઈની માનસિકતા ઠીક નહિ હોય તો કઈક બોલ્યા હશે, પરંતુ તમારી માનસિકતા ઠીક રાખીને કામે લાગી જાવ. વડોદરાના તમામ બુથ પ્રમુખ અને પેજ પ્રમુખ આયોજનપૂર્વક કામ કરે તો વડોદરા બેઠક આસાનીથી 10 લાખથી વધારે મતની લીડથી જીતી શકાય તેમ છે.
