સાયબર ઠગોએ ઇન્વેસ્ટમેન્ટ સ્કીમમાં રોકાણ કરવાના બહાને સિનિયર સિટીઝન પાસેથી 29.99 લાખ પડાવ્યાં, આઇપીઓના બહાને વધુ રૂ. 89.88 લાખ માંગતા ભાંડો ફૂટ્યો
પ્રતિનિધિ વડોદરા તા.13
વડોદરાના માંજલપુર વિસ્તારમાં રહેતા 61 વર્ષીય નિવૃત્ત સિનિયર સિટીઝનને ઓનલાઇન શેર ટ્રેડિંગમાં રોકાણ કરશો તો તમને રોજ 10થી 15 ટકા કમિશન મળશે તેવી લાલચ આપી હતી. ત્યારબાદ તેમને બોગસ ઇન્વેસ્ટમેન્ટ સ્કીમમાં રૂ.30 લાખ રોકાણ કરાવડાવ્યાં હતા. જેમાંથી વૃદ્ધનો વિશ્વાસ કેળવવા માટે રૂપિયા 1 હજાર તેમના ખાતામાં ક્રેડિટ કર્યા હતા. ઠગોએ બોગસ સેબીનું સર્ટિફિકેટ પણ મોકલ્યુ હતુ પરંતુ તમારા આઇપીઓ લાગ્યા હોય એકાઉન્ટમાં 1.21 કરોડના આઇપીઓ જમા કર્યા છે અને હવે વધુ રૂપિયા 89.88 લાખ ભરવા પડશે તેમ કહેતા વૃદ્ધને પોતાની સાથે ફ્રોડ થયો હોવાનો અહેસાસ થયો હતો. જેથી નિવૃત્ત જીવન ગુજારી રહેલા વૃદ્ધને રૂપિયા 29.99 પરત નહી મળતા તેઓએ ઠગાઇની ફરિયાદ સાયબર ક્રાઇમ સ્ટેશનમાં નોંધાવી છે.
માંજલપુર વિસ્તારમાં આવેલી માનવધર્મ આશ્રમ પાસે આવેલી સંધ્યા પાર્ક સોસાયટીમાં રહેતા દિનેશ કાંતિલાલ જોષીને ગત 16 મે 2025ના રોજ તેમના વોટ્સએપ પર મોબાઇલ નંબર પરથી મેસેજ આવ્યો હતો. મેસેજ મોકલનાર કંગના શર્મા નુવામા વેલ્થ કંપનીમાં ઇન્વેસ્ટમેન્ટ આસિસ્ટન્ટ છે અને બ્લોક ટ્રેડિંગ તથા ક્વાર્ટર પ્રોફિટ પ્લાનિંગમાં ઇન્વેસ્ટમેન્ટ કરાવે છે. ત્યારબાદ ઠગોએ રૂ. 5 લાખ ઇન્વેસ્ટમેન્ટ કરશો તો તેના પર દરરોજ તમને 10%થી 15% પ્રોફિટ મળશે એવી લાલચ આપી હતી. જેથી વૃદ્ધાએ આ સ્કીમમાં રસ દાખવ્યો અને ઇન્વેસ્ટ કરવા માટે રાજી થયા હતા.
જેથી ઠગોએ તેમને એક લિન્ક મોકલી તેનામાં તેમનું રજિસ્ટ્રેશન કરાવડાવ્યું હતું અને સિનિયર સિટીઝનને રૂ.30 લાખ રૂપિયા ઇન્વેસ્ટ કરવા માટે કહ્યું હતું. જેથી ઠગોએ ઠગોએ વૃદ્ધને કસ્ટમર કેર નંબર પર સંપર્ક કરવા જણાવ્યું હતું અને ઠગોએ મેસેજ પર વાત કરતા તેણે નુવામા કસ્ટમર સર્વિસના કર્મચારી તરીકે ઓળખ આપીને બોગસ સેબી સર્ટિફિકેટ મોકલી આપ્યું હતું. જેમાં એકાઉન્ટ નંબર તેમજ આઇએફએસસી કોડ આપ્યો હતો જેમાં તમે રૂ. 50 કરોડ જેટલી રકમ આ એકાઉન્ટમાં જમા લઈ શકો છો તેલુ લખેલું હતું. જેથી 18 મેના રોજ ઠગોએ આપેલા એકાઉન્ટમાં વૃદ્ધે રૂ.30 લાખ આરટીજીએસ દ્વારા ઇન્વેસ્ટ કરવા ટ્રાન્સફર કર્યાં હતા ત્યારે ઠગોએ તેમની વેબસાઇટના પોર્ટફોલિયોમાં રૂ.36.96 લાખ પ્રોફિટ સાથેનું બેલેન્સ બતાવવામાં આવ્યું હતું.
વૃદ્ધનો વિશ્વાસ વધારવા માટે ઠગોએ વોટ્સએપ કોલ કરીને વિડ્રોલ પ્રોસેસ સમજાવી હતી અને 1 હજાર રૂપિયા ઉપાડી આપ્યાં હતા. ત્યારબાદ ઠગોએ તેમને આઇપીઓ લાગ્યાં હોય તમારા એકાઉન્ટમાં રૂ.1.26 કરોડના આઇપીઓના જમા કરવામાં આવ્યા છે, પરંતુ તેના માટે તમારા વધુ રૂ. 89.88 લાખ વધુ ભરવા પડશે. આ વાત સાંભળી વૃદ્ધને શંકા અને વધુ રૂપિયા ભર્યા ન હતા. જ્યારે જેથી વૃદ્ધે વેબસાઇટ પર જઈને પ્રોફિટ સાથેના રૂ. 36.36 લાખ ઉપાડવા માટેનો પ્રયાસ કર્યો હતો પરંતુ રૂપિયા ઉપડ્યા ન હતા. ત્યારબાદ તપાસ કરતા ઠગો દ્વારા એકાઉન્ટ ડિસેબલ કરી દેવામાં આવ્યું હોવાનું જાણવા મળ્યું હતું. ત્યારે સિનિયર સિટીઝનને પોતાની સાથે ફ્રોડ થયો હોવાનો અહેસાર થયો હતો. પરંતુ વૃદ્ધને રૂપિયા રોકાણ કરેલા રૂ.29.99 લાખ પરત નહી મળતા સાઇબર ક્રાઇમ પોલીસ સ્ટેશનમાં ઠગાઇની ફરિયાદ નોંધાવી છે.
