શહેરના કિશનવાડી વિસ્તારમાં યોજાયેલા લગ્ન પ્રસંગમાં એક બુટલેગર દ્વારા વિદેશી દારૂની બોટલ માથામાં મૂકી જાણે પોલીસનો કોઈ ખોફ ના હોય એમ કેમ બિન્દાસ રીતે ડીજેના તાલે ડાન્સ કરી રહ્યો છે. જેનો વિડીયો વાયરલ થતા પોલીસ એક્શનમાં આવી ગઈ છે અને બુટલેગરને ઝડપી પાડવા તજવીજ હાથ ધરી છે.
ગાંધીના ગુજરાતમાં દારૂબંધી છે ત્યારે સૌથી વધુ દેશી અને વિદેશી દારૂ અહીંયા જ વેચાઈ અને પીવાઇ રહ્યો છે. બુટલેગરો જાણે બેફામ બન્યા હોય તેમ ખુલ્લેઆમ શહેરના વિવિધ વિસ્તારમાં દારૂનું વેચાણ કરી રહ્યા છે. સૂત્રોમાંથી મળતી માહિતી મુજબ શહેરના કિશનવાડી વિસ્તારમાં યોજાયેલા એક લગ્ન પ્રસંગમાં વિશાલ કહાર નામના એક બુટલેગર દ્વારા વિદેશી દારૂ ભરેલી બોટલ પોતાના માથા પર મૂકીને ખુલ્લેઆમ બિન્દાસ્ત ડીજેના તાલે ડાન્સ કરી પોલીસની આબરૂના લીરેલીરા ઉડાવી રહ્યો છે. જેનો વિડીયો સોશિયલ મીડિયામાં વાયરલ થતા પોલીસ એક્શનમાં આવી ગઈ છે અને દારૂની બોટલ સાથે ડાન્સ કરતા બુટલેગર સહિતના લોકો સામે કાર્યવાહી કરવાની તજવીજ હાથ ધરી છે. જે વિડિયો વાયરલ થયો છે તે કયા પોલીસ સ્ટેશનની હદમાં આવે છે તે દિશામાં પોલીસે તપાસ શરૂ કરી છે
