વડોદરાથી રાજપીપળા પાર્સલ લેવાના બહાને રિક્ષા ભાડે કરી આવેલો અજાણ્યો શખ્સ રિક્ષા ડ્રાઈવર ને પાર્સલ લઈ આવવા કહી રિક્ષા લઈ રફુચક્કર થઈ જતાં રિક્ષા ચાલકે અજાણ્યા વ્યક્તિ વિરૂદ્ધ ફરિયાદ આપી છે.
પ્રાપ્ત માહિતી અનુસાર રિક્ષા માલિક સુરેશભાઇ રમણભાઇ મકવાણા(રહે, મધરમેરી વસાહત, એકતા નગર,આજવારોડ, વડોદરા) નાઓ એ આપેલ ફરિયાદ મુજબ તેમની ઓટો રીક્ષા નંબર જી.જે.૦૬-૫૫૨૦ કિંમત રૂપિયા ૯૦,૦૦૦ ની એક અજાણ્યા ઇસમ ઉ.વ.આશરે ૩૫-૪૦ નો જેણે શરીર સફેદ કલરનો શર્ટ તથા કમ્મરે જામ્બલી કલરનુ લોઅર પહેરેલ હતુ.
શરૂઆતથી જ આ શખ્સ ઠગાઈ કરવાના ઈરાદે ગઇ તા.૩૦/૦૪/૨૦૨૪ ના રોજ રાજપીપલા મેડીકલ સ્ટોરમાંથી બોક્ષ લઇ આવવાનું જણાવ્યા બાદ ભાડા પેટે રૂપીયા ૨,૦૦૦/- નક્કી કરી રિક્ષા માલિક ને રાજપીપલા લઇ આવી ઠંડુ પીવાનુ આપી પોતે રીક્ષા ચલાવી લઇ રાજપીપલા ઓમસાઇ મેડીકલ આગળ રીક્ષા ઉભી રાખી રિક્ષા માલિક ને મેડીકલ સ્ટોર માં બોક્ષ લેવા મોકલી તેમની રીક્ષા લઇ ભાગી જઇ છેતરપીંડી કરતા રાજપીપળા પોલીસે રિક્ષા લઈ નાશી છૂટેલા અજાણ્યા વ્યક્તિ વિરૂદ્ધ ગુનો નોંધી તપાસ હાથ ધરી છે.
