સાવલી: સાવલી તાલુકાના મંજુસર ગામે પોતાના ફરજ પર જતી આશા વર્કર મહિલાની આંખ માં મરચું નાખી માર મારતા સમગ્ર તાલુકામાં ચકચાર મચી જવા પામી છે. જ્યારે પીડિતા એ દુષ્કર્મનો આરોપ યુવક સામે લગાવ્યો છે
મળતી માહિતી પ્રમાણે સાવલીના મંજુસર ગામે આશા વર્કર તરીકે ફરજ બજાવતી યુવતી સાથે ગામના મીત જશભાઈ પટેલ નામના યુવકે માર મારવાની ઘટના બની હતી.
મંજુસર ગામે મમતા દિવસે વેક્સીનેશન માટેની ફરજ પર કામ કરતી મહિલા આશા વર્કર બહેન સાથે તેમના પરિચીત મીત પટેલ દ્વારા દુષ્કર્મનો પ્રયાસ કરવામાં આવ્યો હોવાનો આરોપ લગાડવામાં આવ્યો છે. પીડિતાનું કહેવું છે કે, આરોપી તેમને દુશ્મન ગણે છે અને તે વારંવાર આ પ્રકારની હરકત દોહરાવી રહ્યો છે. સાથે જ આરોપી પાનના ગલ્લાની આડમાં ખોટા ધંધા ચલાવતો હોવાનો આરોપ પીડિતાએ મીડિયા સમક્ષ લગાવ્યો હતો.
આ મામલે પીડિતાએ યુવક પર ગંભીર આરોપ લગાવ્યા છે.અને તેનો બે નંબરનો ધંધો છે તેવું જણાવીને
પીડિતાએ મીડિયા સાથે વધુમાં જણાવ્યું કે, મારા પર દુષ્કર્મ કરવાનો પ્રયાસ કરવામાં આવ્યો છે. હું મારી ફરજ પર હતી, તે દરમિયાન તેણે મારી આંખમાં મરચું છાંટીને પાડી દીધી હતી, પછી મને ખુબ મારી છે. તેના મારના કારણે મારા મોઢા પર ઘણી ઇજાઓ થઇ છે. તેને કડકમાં કડક સજા થવી જોઇએ. નહીં તો મને સોંપી દો, જેવી મારી હાલત થઇ, એવી મારે તેની હાલત કરવાની છે. તેની જોડે અમારો પારિવારીક સબંધ છે. તે વારંવાર આ હરકત દોહરાવી રહ્યો છે. તેનું નામ મિત જયેશભાઇ પટેલ છે, તે પાનનો ગલ્લો ચલાવે છે. પીડિતાએ વધુમાં આરોપ મુકતા જણાવ્યું કે, પાનના ગલ્લાની આડમાં તે ખોટા ધંધા ચલાવી રહ્યો છે. તેનો બે નંબરનો ધંધો છે, હું તેને બુટલેગર તરીકે જ ઓળખું છું. તેની જોડે કોઇ પણ સંબંધ નથી. તે અમને દુશ્મન ગણે છે.
આ બાબતે મંજુસર પી આઈ કૌશિક સિસોદિયા સાથે ટેલિફોનીક ચર્ચા કરતા તેઓએ જણાવ્યું હતુ કે આ બનાવ સ્થળે પોલીસ પહોંચી ગઇ હતી પરંતુ પોલીસ મથકે દવાખાના વર્ધી આવી હતી જેમાં મારામારી નો ઉલ્લેખ કરતી વર્ધી મળી હતી જોકે ત્યારબાદ પીડિતા એ મીડિયા સમક્ષ દુષ્કર્મ ના પ્રયાસ નુ બયાન આપ્યું હોવાનું મીડિયા દ્વારા જાણવા મળ્યુ હતુ અને હાલમાં પીડિતા એ દુષ્કર્મના પ્રયાસની ફરિયાદ આપતા પોલીસે ફરિયાદ ના આધારે ગુનો નોંધી આગળ ની કાર્યવાહી કરવા માટે તજવીજ હાથ ધરી છે
જ્યારે મંજુસર ગામ ફરજ પર જતી યુવતી ની છેડતી તેમજ મારામાંરી ના બનાવે સમગ્ર તાલુકામાં ભારે ચર્ચા જગાવી છે
