ડભોઇ: 9 ઓગસ્ટ અને શનિવારના દિવસે રક્ષાબંધનનો તહેવાર હોય તેમના ભાગરૂપે આજે ડભોઈના ધારાસભ્ય શૈલેષભાઇ મહેતાએ ડભોઇ સર્કિટ હાઉસ ખાતે ભાજપ સંગઠનની હોદ્દેદાર બહેનો તથા કાર્યકર બહેનો સાથે રક્ષાબંધન ની ઉજવણી કરી હતી. ભાઈ બહેનના પવિત્ર તહેવાર રક્ષાબંધન ને બે દિવસ બાકી છે ત્યારે ધારાસભ્ય એ દર વર્ષ ની જેમ આ વર્ષે પણ સંગઠન ની બહેનો સાથે રક્ષાબંધન ની ઉજવણી કરી જેમાં નગરપાલિકા પ્રમુખ બીરેન શાહ,શહેર પ્રમુખ દીક્ષિત દવે,વિશાલ શાહ સહિત ના ભાઈ ને ભાજપ સંગઠન ની બહેનો એ રાખડી બાંધી રક્ષાબંધન ની ઉજવણી કરી હતી. આ પ્રસંગે મહિલા મોરચા ની બહેનો,કોર્પોરેટર બહેનો તેમજ ભારતીય જનતા પાર્ટીના વિવિધ મોરચાની હોદ્દેદાર બહેનોએ ધારાસભ્ય ને રાખડી બાંધી મોઢું મીઠું કરાવ્યું . સાથે જ ડભોઇ નગરપાલિકાના પ્રમુખ બીરેનભાઈ શાહ,નાણાંપંચ ના ચેરેમેન વિશાલભાઈ શાહ,તથા પાલિકા ના કોર્પોરેટરો તેમજ હોદ્દેદાર ભાઈઓ પણ ઉપસ્થિત રહ્યા હતા.ધારાસભ્ય દ્વારા તમામ રાખડી બાંધનાર બહેનો ને ગિફ્ટ આપવામાં આવ્યા હતા.
