દાહોદ:
દાહોદ જિલ્લાના ઝાલોદ તાલુકાના ટાંડી ગામે એક બંધ મકાનને નિશાન બનાવી મકાનમાંથી સોના-ચાંદીના દાગીના મળી કુલ રૂા.૯૩,૭૨૦ની મતાની ચોરી કરી તસ્કરો નાસી જતાં પોલીસમાં ફરિયાદ નોંધાવા પામી છે.
ઝાલોદના ટાંડી ગામે મંદિર ફળિયામાં રહેતાં કમુબેન ચીમનભાઈ બારીયાના બંધ મકાનમાં ગત તા.૧૧મી જાન્યુઆરીના રોજ કોઈ અજાણ્યા ચોર ઈસમોએ કમુબેનને બંધ મકાનને નિશાન બનાવી મકાનના મુખ્ય દરવાજાનું તાળુ તોડી તસ્કરોએ મકાનમાં પ્રવેશ્યાં હતાં અને મકાનમાં મુકી રાખેલી તિજાેરીનો દરવાજાે ખોલી ડ્રોવરમાં મુકેળા સોનાની વિટી, સોનાનું મંગળસુત્ર, સોનાની બુટ્ટી શેરો, ચાંદીનું ભોરીયું, ચાંદીના નજરીયા, ચાંદીના નાના કડલા વિગેરે મળી કુલ રૂા.૯૩,૭૨૦ની મતાની તસ્કરો ચોરી કરી લઈ નાસી જતાં આ સંબંધે કમુબેન ચીમનભાઈ બારીયાએ લીમડી પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.
—————————————-
