નવી દિલ્હી: કોરોના (Corona) ના વધતા જતા કેસ વચ્ચે એક સારા સમાચાર પણ સામે આવી રહ્યા છે. ઈન્જેક્શન સિવાય નાક દ્વારા અપાતી નેઝલ વેક્સીન (nasal vaccine) ને પણ લીલી ઝંડી મળી ગઈ છે. જો કે, અત્યાર સુધી આ રસીનો ઉપયોગ થતો ન હતો. હવે તેને કોવિન પોર્ટલ પર સૂચિબદ્ધ કરવાની મંજૂરી પણ આપવામાં આવી છે. નેઝલ વેક્સીન એટલે કે iNCOVACC રસીની કિંમત (Price) 800 + 5% GST કહેવામાં આવી રહી છે. આ સરકાર દ્વારા નક્કી કરાયેલી કિંમત છે. ખાનગી હોસ્પિટલમાં આટલા રૂપિયામાં મળશે જ્યારે સરકારી હોસ્પિટલોમાં તે રૂ.325માં મળશે. આ રસી જાન્યુઆરીના ચોથા સપ્તાહથી બજારમાં ઉપલબ્ધ થશે. તમને જણાવી દઈએ કે કેન્દ્ર સરકારે તાજેતરમાં ભારત બાયોટેકની નાસિકા રસીને મંજૂરી આપી છે. આ રસીનું નામ iNCOVACC છે. હવે આ રસી કોવિન પ્લેટફોર્મ પર પણ ઉપલબ્ધ થશે. આ રસી 18 વર્ષથી વધુ ઉંમરના લોકોને આપવામાં આવશે. નાક દ્વારા આપવામાં આવતી આ રસી બૂસ્ટર ડોઝ પર લાગુ કરવામાં આવશે.
18 વર્ષથી વધુ ઉંમરનાં લોકોને આપી શકાય છે આ રસી
હાલમાં ભારત બાયોટેકની કોવેક્સિન, સીરમ ઇન્સ્ટિટ્યૂટની કોવિશિલ્ડ અને કોવેક્સ, રશિયન સ્પુટનિક વી અને બાયોલોજિકલ ઇ લિમિટેડની કોર્બેવેક્સ રસી કોવિન પોર્ટલ પર સૂચિબદ્ધ છે. ભારત બાયોટેકે 6 સપ્ટેમ્બરે જાહેરાત કરી હતી કે તેની વિશ્વની પ્રથમ ઇન્ટ્રાનાસલ COVID-19 રસી iNCOVACC (BBV154) ને 18 વર્ષથી વધુ ઉંમરના લોકોમાં કટોકટીના ઉપયોગ માટે DGCI તરફથી મંજૂરી મળી છે. જેથી હવે લોકોને હાથ પર ઇન્જેક્શન લેવામાંથી મુક્તિ મળશે. આ રસી સૌથી પહેલા ખાનગી હોસ્પિટલોમાં મળશે.
આ રીતે અપાશે રસી
આ રસી નાકમાં છંટકાવ દ્વારા આપવામાં આવે છે, જેનો અર્થ છે કે રસી લેનાર વ્યક્તિના હાથ પર રસી લગાવવામાં આવતી નથી. તેના બે ડોઝ આપવામાં આવે છે. સૂત્રોએ જણાવ્યું કે રાજ્ય કે કેન્દ્ર સરકાર દ્વારા ખરીદી માટે કોઈ અપીલ કરવામાં આવી નથી. અન્ય દેશોમાંથી મંજૂરી મળ્યા પછી, iNCOVACC અન્ય દેશોમાં રસીની નિકાસ કરવાની યોજના બનાવી રહી છે. આ ઇન્ટ્રાનાસલને ભારતમાં 18 વર્ષ અને તેથી વધુ ઉંમરના લોકો માટે બૂસ્ટર ડોઝ માટે કટોકટીના ઉપયોગ માટે CDSCO મંજૂરી પણ મળી છે. આ રસી વોશિંગ્ટન યુનિવર્સિટી, સેન્ટ લુઇસ સાથે ભાગીદારીમાં વિકસાવવામાં આવી હતી.
