ઈન્ડિયન પ્રીમિયર લીગ 2025 (IPL 2025) સમાપ્ત થતાં જ ચેન્નાઈ સુપર કિંગ્સના સ્ટાર મહેન્દ્ર સિંહ ધોની IPLની આગામી સિઝનમાં રમશે કે નહીં તે અંગે ચર્ચાઓ શરૂ થઈ ગઈ છે. જ્યારે પણ ધોનીને આ વિશે પૂછવામાં આવ્યું ત્યારે તેણે જવાબ આપવા માટે થોડો સમય માંગ્યો. પરંતુ હવે CSKના માલિક કાસી વિશ્વનાથને 2026માં આગામી IPLમાં મહેન્દ્રસિંહ ધોનીના રમવા અંગે એક મોટી અપડેટ આપી છે.
CSK ના માલિકે ધોની વિશે શું કહ્યું?
IPL 2025 મહેન્દ્ર સિંહ ધોની અને CSK માટે સારું વર્ષ નહોતું. ચેન્નાઈ સુપર કિંગ્સ આ સિઝનમાં 10મા સ્થાને રહ્યું. આનાથી IPLમાંથી ધોનીની નિવૃત્તિ અંગે અટકળો શરૂ થઈ. જોકે, CSKના માલિક કાસી વિશ્વનાથને હવે આ બધી અટકળો પર પૂર્ણવિરામ લગાવી દીધું છે. તેમણે કહ્યું કે MS ધોની આગામી સિઝનમાં ચોક્કસ રમશે.
યુટ્યુબ ચેનલ પરથી શેર કરાયેલા એક વીડિયોમાં એક બાળક CSKના CEOને પૂછે છે કે શું ધોની ટૂંક સમયમાં નિવૃત્તિ લેશે. કાશી વિશ્વનાથન જવાબ આપે છે, “ધોની નિવૃત્તિ લેશે નહીં. હું તેમને પણ આ વિશે પૂછીશ અને પછી તમને જણાવીશ.” આગામી સિઝનમાં ટીમના પ્રદર્શન અંગે CSKના માલિકે કહ્યું, “અમે જીતવા માટે રણનીતિ બનાવી રહ્યા છીએ પરંતુ અમને ખબર નથી કે અમે જીતીશું કે નહીં.”
IPL 2025 CSK માટે ખરાબ રહ્યું હતું
IPL 2025 માં રોયલ ચેલેન્જર્સ બેંગ્લોરે તેમનો પહેલો ખિતાબ જીત્યો. ચેન્નાઈ સુપર કિંગ્સ છેલ્લા સ્થાને રહી 10માં સ્થાને રહી. આ સિઝનમાં એમએસ ધોની પણ રન બનાવવામાં નિષ્ફળ રહ્યો. IPL 2025 માં ધોનીએ 14 મેચોમાં 13 ઇનિંગ્સમાં 24.50 ની સરેરાશ સાથે 196 રન બનાવ્યા. IPL ની 18મી સિઝનમાં ધોનીનો શ્રેષ્ઠ સ્કોર અણનમ 30 રન હતો.
