કમલનાથને કોંગ્રેસીઓ ઇન્દિરા ગાંધીના ત્રીજા પુત્ર જ માને છે. તેમ છતાં તેઓ કોંગ્રેસ છોડે તેવી અટકળો શરૂ થઇ છે જો કે, તેમણે હજી આ બાબતે કોઇ ફોડ પાડ્યો નથી. તેમના કારણે જ જ્યોતિરાદિત્ય સિંધિયાએ કોંગ્રેસનું દામન છોડીને ભાજપનો કેસરી ખેસ ધારણ કરી લીધો છે. અને હવે કમલનાથ જ કોંગ્રેસમાં જોડાઇ તેવી વાતો વહેતી થઇ છે. કમલનાથ ભલે ના પાડે પણ તેઓ કોંગ્રેસની નારાજ ચાલી રહ્યાં છે તેના આ કારણો પણ જવાબદાર છે.
મધ્યપ્રદેશના પૂર્વ સીએમ કમલનાથ ભાજપમાં જોડાઈ શકે છે. થોડા મહિના પહેલા વિધાનસભા ચૂંટણીમાં કોંગ્રેસની કારમી હાર બાદ એવી અટકળો ચાલી રહી હતી કે, કમલનાથ કોંગ્રેસ હાઈકમાન્ડથી નારાજ છે. હવે તે તમામ અટકળોએ જોર પકડ્યું છે અને માનવામાં આવે છે કે કમલનાથ ગમે ત્યારે ભાજપમાં જોડાઈ શકે છે. તેમની સાથે નકુલનાથ પણ ભાજપમાં જોડાઈ શકે છે. અત્યારે તો આ માત્ર અટકળો છે, પરંતુ કમલનાથ પાસે કોંગ્રેસથી નારાજ થવાના ઘણા કારણો છે.
વિધાનસભા ચૂંટણીમાં હારથી લઈને કોઈ મોટું પદ ન મળવા સુધી એવી ઘણી બાબતો છે જે કમલનાથને આંતરિક રીતે પરેશાન કરી રહી હતી. તો આવો તમને જણાવીએ કોંગ્રેસથી કમલનાથની નારાજગીના પાંચ સંભવિત કારણો આ વખતે મધ્યપ્રદેશની ચૂંટણીમાં ભાજપને જંગી જનાદેશ મળ્યો છે. બે ટકા સાથે ભાજપની બહુમતીએ આ રાજ્યમાં કોંગ્રેસને નોંધપાત્ર રીતે નબળી બનાવી છે. હવે કોંગ્રેસ માટે, કારણ કે કમલનાથ મધ્ય પ્રદેશનો કોંગ્રેસ ચહેરો હતા, આવી સ્થિતિમાં, જ્યારે તેમને મોટી હારનો સામનો કરવો પડ્યો હતો, ત્યારે સમગ્ર જવાબદારી તેમના માથે નાખવામાં આવી હતી. આ ઉપરાંત, સપા અને ઉદ્ધવ જૂથની શિવસેનાએ પણ તે હાર માટે કમલનાથને જવાબદાર ઠેરવ્યા હતા.
પરંતુ કોંગ્રેસ હાઈકમાન્ડે તેમનો બચાવ ન કર્યો હોવાથી પૂર્વ સીએમ કમલનાથ નારાજ થયા હોવાનું કહેવાય છે. મધ્યપ્રદેશમાં અધ્યક્ષના રૂપમાં કમલનાથ પાસે માત્ર એક જ મોટું પદ હતું. તે પદને કારણે તેઓ રાજ્યના રાજકારણમાં સક્રિય રહેતા હતા. પરંતુ એમપીમાં કારમી હાર બાદ એવું કહેવામાં આવી રહ્યું છે કે, કમલનાથ પર રાજીનામું આપવાનું દબાણ હતું. પક્ષના નેતાઓએ સામેથી બહુ કંઈ કહ્યું નહીં, પરંતુ જ્યારે રાહુલ ગાંધીના નજીકના જીતુ પટવારીને કમાન સોંપવામાં આવી, ત્યારે સ્થિતિ સંપૂર્ણ સ્પષ્ટ થઈ ગઈ હતી. એ વાત કોઈથી છુપી નથી કે 2018 સુધી તો કમલનાથને કેન્દ્રીય રાજકારણ માટે રાખવામાં આવ્યા હતા.
તેઓ રાષ્ટ્રીય રાજકારણમાં પોતાની હાજરીનો અહેસાસ કરાવતા હતા. પરંતુ 2018 માં વિધાનસભાની ચૂંટણી દરમિયાન તેમને એમપીમાં મોકલવામાં આવ્યા હતા અને ત્યારથી તેઓ ત્યાં જ અટવાઈ ગયા હતા. બાદમાં જ્યારે ચૂંટણીમાં હાર થઈ ત્યારે કહેવાયું હતું કે, કોંગ્રેસ ફરી કમલનાથને દિલ્હીની રાજનીતિમાં આમંત્રિત કરશે. પરંતુ એવું ન થયું, આ વખતે ચૂંટણીમાં કારમી હાર થઈ ત્યારે પણ તેઓ એમપી સુધી જ સીમિત રહ્યા હતા. આ વખતે યોજાનારી રાજ્યસભાની ચૂંટણીમાં પહેલા એવું કહેવામાં આવી રહ્યું હતું કે, સોનિયા ગાંધીને એમપીમાંથી પણ ઉમેદવાર બનાવવામાં આવી શકે છે.
પરંતુ જ્યારે સોનિયાએ પોતે રાજસ્થાનના રસ્તે ચાલવાનું યોગ્ય માન્યું ત્યારે પાર્ટીએ દિગ્વિજય સિંહના નજીકના ગણાતા અશોક સિંહને એમપીમાંથી રાજ્યસભામાં મોકલવાની જાહેરાત કરી. એવું માનવામાં આવે છે કે, આ અવગણનાથી કમલનાથ વધારે નારાજ થયા હતા. મધ્ય પ્રદેશ કોંગ્રેસમાં લાંબા સમયથી બે જૂથો સક્રિય છે – એક કમલનાથનું જૂથ છે અને બીજુ દિગ્વિજય સિંહનું જૂથ છે. વિધાનસભાની ચૂંટણી વખતે પણ ઉમેદવારોને લઈને બંને નેતાઓ વચ્ચે ઘણી વખત શબ્દોની લડાઈ થઈ હતી.
એવું પણ બન્યું કે, કમલનાથે ટિકિટ માંગવા માટે તેમને દિગ્વિજય સિંહના કપડા ફાડવાનું કહેવું પડ્યું. હવે કમલનાથ જૂથના નેતાઓનું માનવું છે કે, પૂર્વ સીએમ વિરુદ્ધ પાર્ટીની અંદર જે વાતાવરણ સર્જાયું છે, તેના માટે દિગ્વિજય સિંહ કોઈને કોઈ રીતે જવાબદાર છે. કમલનાથના બીજેપીમાં સામેલ થવાની અટકળો વચ્ચે હવે પંજાબમાંથી મોટા સમાચાર સામે આવી રહ્યા છે. પંજાબના આનંદપુર સાહિબથી કોંગ્રેસના સાંસદ મનીષ તિવારી પણ ભાજપના સંપર્કમાં છે અને પાર્ટીમાં જોડાઈ શકે છે. હાલમાં તેઓ આનંદપુર સાહિબથી સાંસદ છે. પરંતુ સમાચાર છે કે તેઓ લુધિયાણા લોકસભાથી ભાજપના ચૂંટણી ચિન્હ પર ચૂંટણી લડવા માંગે છે. જો ભાજપના સૂત્રોનું માનીએ તો, પાર્ટી પાસે લુધિયાણા બેઠક માટે ઘણા સક્ષમ ઉમેદવારો છે. લુધિયાણા બેઠકનો મુદ્દો હજુ અટવાયેલો છે.
