કિવ(Kyiv): યુક્રેન(Ukraine)ની રાજધાની કિવ સોમવારે વિસ્ફોટોથી હચમચી ઉઠ્યું હતું. રશિયા(Russia)એ કેમિકેઝ ડ્રોન(Kamikaze drones) સાથે હુમલો(Attack) કર્યો હતો. મળતી માહિતી મુજબ કિવમાં 5 વિસ્ફોટના અવાજ સંભળાયા હતા. ગયા અઠવાડિયે રશિયાએ યુક્રેનના અનેક શહેરો પર મિસાઈલ હુમલા કર્યા હતા. કામિકાઝે ડ્રોનથી થયેલા હુમલા અંગે યુક્રેનના રાષ્ટ્રપતિ કાર્યાલયે કહ્યું કે રશિયાનો હુમલો તેની નિરાશા દર્શાવે છે. બંને દેશો વચ્ચે 8 મહિનાથી યુદ્ધ ચાલી રહ્યું છે અને અત્યાર સુધીમાં હજારો લોકોના મોત થયા છે.
શહેરમાં ધુમાડો વધી રહ્યો છે
એક સમાચાર એજન્સી દ્વારા જાહેર કરાયેલી તસવીરો અનુસાર, ડ્રોન કિવની ખૂબ નજીક આવ્યા અને પોલીસ અધિકારીઓએ જમીન પરથી તેમના પર ગોળીબાર કર્યો. બીજી તસ્વીરમાં શહેરમાં બ્લાસ્ટ બાદ ધુમાડો નીકળતો જોવા મળી રહ્યો છે. પહેલો હુમલો સવારે 6.35 કલાકે થયો, ત્યારપછી સાયરન વાગવા લાગ્યા. રાષ્ટ્રપતિના ચીફ ઓફ સ્ટાફ એન્ડ્રે યેરમાકે સોશિયલ મીડિયા પર કહ્યું, ‘રાજધાની પર કામિકેઝ ડ્રોનથી હુમલો કરવામાં આવ્યો. રશિયા વિચારે છે કે તે તેમને મદદ કરશે પરંતુ તે તેમની નિરાશા દર્શાવે છે. આપણને શક્ય તેટલી વહેલી તકે હવાઈ સંરક્ષણ પ્રણાલીની જરૂર છે અને શસ્ત્રોની પણ, જેથી આપણે આકાશમાં દુશ્મનોને ખતમ કરી શકીએ.
રહેણાંક મકાનો નાશ પામ્યા
કિવ શહેરના મેયર વિટાલી ક્લિચકોએ કહ્યું, ‘ફાયર ડિપાર્ટમેન્ટ પોતાનું કામ કરી રહ્યું છે. અનેક રહેણાંક મકાનો ધરાશાયી થયા છે. લોકોને રાહત આપવામાં આવી રહી છે. આ હુમલામાં કેટલા લોકો માર્યા ગયા તેની માહિતી એકત્રિત કરવામાં આવી રહી છે. મેયરે કામિકાઝ ડ્રોનના કાટમાળના ફોટા પણ અપલોડ કર્યા હતા.
કેમિકેઝ ડ્રોન શું છે
- ગનપાઉડરથી ભરેલું માનવરહિત કામિકાઝ ડ્રોન કોઈપણ ટેંક અથવા લક્ષ્યને અથડાવીને તેનો નાશ કરી શકે છે.
- આ ટેક્નોલોજીને આધુનિક યુદ્ધ માટે વધુ આધુનિક બનાવવામાં આવી છે.
- બીજા વિશ્વયુદ્ધ દરમિયાન, જાપાનના કેમિકેઝ પાઇલોટ્સે જાણી જોઈને તેમના દારૂગોળોથી ભરેલા વિમાનોને દુશ્મન સ્થાનો પર ક્રેશ કર્યા હતા. આ એક પ્રકારનો આત્મઘાતી હુમલો હતો.
- આ ડ્રોન ખૂબ નાનું છે અને તેને કોઈપણ માનવ હસ્તક્ષેપ વિના ચહેરાની ઓળખ દ્વારા લક્ષ્ય પર હુમલો કરવા માટે પ્રોગ્રામ કરી શકાય છે.
રશિયાએ 10 ઓક્ટોબરે કર્યો હતો મોટો હુમલો
આ પહેલા 10 ઓક્ટોબરે રશિયા તરફથી કિવ સહિત અનેક શહેરોમાં 40થી વધુ મિસાઈલો છોડવામાં આવી હતી. ગયા વર્ષથી ચાલી રહેલા યુદ્ધ પછી રશિયાની સૌથી મોટી હવાઈ હુમલો માનવામાં આવે છે. હુમલામાં ઓછામાં ઓછા 19 લોકો માર્યા ગયા હતા અને 105 લોકો ઘાયલ થયા હતા.
