9020mAh બેટરી, Snapdragon ચિપસેટ અને 144Hz ડિસ્પ્લે સાથે આવી શકે શક્તિશાળી સ્માર્ટફોન
સ્માર્ટફોન બજારમાં Vivo ટૂંક સમયમાં પોતાનો નવો પ્રીમિયમ મિડ-રેન્જ ફોન Vivo T5 Pro 5G લોન્ચ કરવા જઈ રહ્યું છે. કંપની દ્વારા જાહેર કરાયેલ માહિતી અને અત્યાર સુધી સામે આવેલા લીક્સ મુજબ આ ફોન શક્તિશાળી બેટરી, સાથે જ હાઈ પરફોર્મન્સ Snapdragon પ્રોસેસર અને ગેમિંગ-ફોકસ્ડ ફીચર્સ સાથે આવશે. આ ફોન 15 એપ્રિલે બપોરે 12 વાગ્યે ભારતમાં લોન્ચ થવાનો છે.
લોન્ચ અને ઉપલબ્ધતા : Vivo T5 Pro 5G ભારતના બજારમાં લોન્ચ થયા બાદ ઇ-કોમર્સ પ્લેટફોર્મ Flipkart પર વેચાણ માટે ઉપલબ્ધ રહેશે. કંપનીએ ફોન માટે Cosmic Black અને Glacier Blue નામના બે કલર વિકલ્પો રજૂ કર્યા છે.
સંભાવિત કિંમત : કંપનીએ હજુ સત્તાવાર કિંમત જાહેર કરી નથી, પરંતુ લીક્સ મુજબ ફોનની શરૂઆતની કિંમત આશરે ₹30,000 આસપાસ રહી શકે છે. જ્યારે 12GB RAM અને 256GB સ્ટોરેજ ધરાવતો ટોપ વેરિઅન્ટ લગભગ ₹36,999 સુધી હોઈ શકે છે. કુલ કિંમત લગભગ ₹37,000ના સેગમેન્ટમાં રહેવાની શક્યતા છે.
ડિસ્પ્લે અને ડિઝાઇન : લીક્સ મુજબ Vivo T5 Pro 5Gમાં 6.8-ઇંચનું 1.5K OLED ડિસ્પ્લે આપવામાં આવી શકે છે, જે 144Hz સુધીના હાઈ રિફ્રેશ રેટને સપોર્ટ કરશે. ફોનમાં ફ્લેટ ફ્રેમ ડિઝાઇન અને પિલ-શેપ રિયર કેમેરા મોડ્યુલ જોવા મળશે. USB Type-C પોર્ટ અને સ્પીકર ગ્રિલ પણ નીચેના ભાગમાં આપવામાં આવશે.
પરફોર્મન્સ અને ગેમિંગ ફીચર્સ : આ સ્માર્ટફોનમાં Snapdragon 7s Gen 4 પ્રોસેસર આપવામાં આવશે, જે UFS 3.1 સ્ટોરેજ સાથે આવશે. કંપનીના જણાવ્યા મુજબ ફોનને AnTuTu પર 11.8 લાખથી વધુ સ્કોર મળ્યો છે. સાથે જ 120fps ગેમિંગ સપોર્ટ, 4D Game Vibration અને Game Load Optimisation Algorithm જેવી ગેમિંગ સુવિધાઓ પણ મળશે.
બેટરી અને ચાર્જિંગ : Vivo T5 Pro 5Gમાં સૌથી મોટી ખાસિયત તરીકે 9020mAhની શક્તિશાળી બેટરી આપવામાં આવશે, જે 90W ફાસ્ટ ચાર્જિંગને સપોર્ટ કરશે. મોટી બેટરીને કારણે લાંબા સમય સુધી ગેમિંગ અને વીડિયો ઉપયોગ શક્ય બનશે.
કેમેરા ફીચર્સ : ફોનમાં ડ્યુઅલ રિયર કેમેરા સેટઅપ આપવામાં આવી શકે છે, જેમાં 50MPનો મુખ્ય કેમેરા અને 8MPનો સેકન્ડરી સેન્સર મળી શકે છે. ઉપરાંત સેલ્ફી અને વીડિયો કોલિંગ માટે ફ્રન્ટ કેમેરા પણ આપવામાં આવશે. કુલ મળીને Vivo T5 Pro 5Gને મજબૂત બેટરી, હાઈ-પરફોર્મન્સ ચિપસેટ અને સ્મૂથ ડિસ્પ્લે સાથે ગેમિંગ તથા હેવી યુઝર્સ માટે ખાસ તૈયાર કરવામાં આવ્યો હોવાનું માનવામાં આવી રહ્યું છે. હવે લોન્ચ બાદ તેની સત્તાવાર સ્પેસિફિકેશન્સ અને કિંમત પર ટેક માર્કેટની નજર રહેશે.
