બાંગ્લાદેશમાં ફરી હિંસા ફાટી નિકળી છે. કોક્સ બજાર એરબેઝ પર બદમાશોએ હુમલો કર્યો હતો. આ ઘટનામાં એક વ્યક્તિનું મોત થયું હતું. એરબેઝ પર ફાટી નીકળેલી હિંસાને કાબૂમાં લેવા માટે વાયુસેનાએ મોર્ચો પોતાના હાથમાં લઈ લીધો છે.
બાંગ્લાદેશમાં ફરી એકવાર હિંસા ફાટી નીકળી છે. કોક્સ બજાર એરબેઝ પર બદમાશોએ હુમલો કર્યો છે. કોક્સ બજારમાં એરફોર્સ બેઝ પર થયેલી હિંસામાં એક વ્યક્તિનું મોત થયું છે. મૃતકની ઓળખ તેના પરિવારના સભ્યોએ સમિતિપરાના રહેવાસી 25 વર્ષીય શિહાબ કબીર નાહિદ તરીકે કરી હતી.
કોક્સ બજાર સદર હોસ્પિટલના રેસિડેન્ટ મેડિકલ ઓફિસર સબુક્તિગિન મહમૂદ શોહેલે જણાવ્યું હતું કે 25 વર્ષીય વ્યક્તિને મૃત હાલતમાં હોસ્પિટલમાં લાવવામાં આવ્યો હતો. મેડિકલ ઓફિસરે જણાવ્યું કે પીડિતને માથાના પાછળના ભાગમાં ઊંડી ઈજાઓ થઈ હતી. રેસિડેન્ટ મેડિકલ ઓફિસર શોહેલે જણાવ્યું હતું કે મૃતદેહના પોસ્ટમોર્ટમ પછી મૃત્યુનું કારણ જાણી શકાશે.
તોફાનીઓએ અચાનક એરફોર્સ બેઝ પર હુમલો કર્યો
આ મામલે ISPR એ એક સૂચના જારી કરીને જણાવ્યું હતું કે કોક્સ બજારમાં વાયુસેનાના બેઝ પર સમિતિપરાના બદમાશોના જૂથ દ્વારા અચાનક હુમલો કરવામાં આવ્યો હતો. ISPR ના સહાયક નિર્દેશક આયેશા સિદ્દિકાએ જણાવ્યું હતું કે વાયુસેના આ સંદર્ભમાં જરૂરી કાર્યવાહી કરી રહી છે.
