ભારત અને ઇંગ્લેન્ડ વચ્ચે ત્રણ મેચની ODI શ્રેણીની છેલ્લી મેચ અમદાવાદના નરેન્દ્ર મોદી સ્ટેડિયમ ખાતે રમાઈ રહી છે. મેચમાં, ભારતીય ટીમ ટોસ હાર્યા બાદ પ્રથમ બેટિંગ કરી રહી છે. આ મેચમાં ભારતીય ટીમનું નેતૃત્વ રોહિત શર્મા કરી રહ્યા છે, જ્યારે જોસ બટલર ઇંગ્લિશ ટીમનું નેતૃત્વ કરી રહ્યા છે.
ટીમ ઈન્ડિયાનું ટેન્શન વધ્યું મિસ્ટ્રી સ્પિનર વરુણ ચક્રવર્તીને આ મેચમાંથી બહાર રહેવું પડ્યું. ચક્રવર્તી પોતાના પગના દુખાવાને કારણે આ મેચમાં ભાગ લઈ શક્યા ન હતા. કેપ્ટન રોહિત શર્માએ ટોસ સમયે આ અંગે અપડેટ આપ્યું હતું. વરુણનું અનફિટ હોવું ટીમ ઈન્ડિયા માટે ચિંતાનો વિષય છે. તમને જણાવી દઈએ કે વરુણને ચેમ્પિયન્સ ટ્રોફી માટે યશસ્વી જયસ્વાલના સ્થાને ભારતીય ટીમમાં સામેલ કરવામાં આવ્યો છે.
જમણા હાથના લેગ-સ્પિનર વરુણ ચક્રવર્તીએ કટકમાં ઈંગ્લેન્ડ સામે પોતાની ODI ડેબ્યૂ કરી હતી, જ્યાં તેણે 1 વિકેટ લીધી હતી. આ પહેલા તેણે ઈંગ્લેન્ડ સામેની T20 શ્રેણીમાં શાનદાર પ્રદર્શન કર્યું હતું અને 14 વિકેટ લીધી હતી.
રોહિત શર્માએ ટોસ વખતે કહ્યું, અમે પહેલા બેટિંગ કરવા માંગતા હતા કારણ કે અમે છેલ્લી બે મેચમાં પહેલા બોલિંગ કરી હતી. અમારા માટે છેલ્લી મેચ જીતવી મહત્વપૂર્ણ છે. છેલ્લી બે મેચમાં ફિલ્ડરોએ સારું પ્રદર્શન કર્યું. ઘણા બધા યુવા ખેલાડીઓ હતા. અમે ફિલ્ડિંગમાં સારું પ્રદર્શન કરવાનું ચાલુ રાખવા માંગીએ છીએ. અમે કેટલાક ફેરફારો કર્યા છે. જાડેજા અને શમીને આરામ આપવામાં આવ્યો છે. કમનસીબે, વરુણ ચક્રવર્તી પીંડલીના દુઃખાવાથી પીડાઈ રહ્યો છે. તેથી વોશિંગ્ટન, કુલદીપ અને અર્શદીપને ટીમમાં સ્થાન મળ્યું છે.
ત્રીજી વનડેમાં ભારતનો પ્લેઇંગ-11: રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, અક્ષર પટેલ, વોશિંગ્ટન સુંદર, કુલદીપ યાદવ, હર્ષિત રાણા, અર્શદીપ સિંહ.
ત્રીજી વનડેમાં ઇંગ્લેન્ડની પ્લેઇંગ ઇલેવન: બેન ડકેટ, ફિલ સોલ્ટ (વિકેટકીપર), જો રૂટ, હેરી બ્રુક, જોસ બટલર (કેપ્ટન), લિયામ લિવિંગસ્ટોન, ટોમ બેન્ટન, ગુસ એટકિન્સન, માર્ક વુડ, આદિલ રશીદ, સાકિબ મહમૂદ.
