નવી દિલ્હી: મહિન્દ્રા કંપનીના માલિક આનંદ મહિન્દ્રા તેમની સોશિયલ મીડિયા પોસ્ટને કારણે હંમેશા ચર્ચામાં હોય છે. પરંતુ હવે એક કેસ દ્વારા તેમની મુશ્કેલીઓ વધી છે. ઉત્તર પ્રદેશના (Uttar Pradesh) કાનપુરમાં (Kanpur) રહેતા એક વૃદ્ધે પોતાના પુત્ર માટે ઝરીબ ચોકી સ્થિત મહિન્દ્રા (Mahindra) શોરૂમમાંથી સ્કોર્પિયો (Scorpio) ખરીદી હતી. થોડા દિવસો બાદ ગાઢ ધુમ્મસના કારણે કાર ડિવાઈડર સાથે અથડાઈ હતી. વૃદ્ધ વ્યક્તિનો આરોપ છે કે અકસ્માત દરમિયાન કારની એરબેગ્સ (Airbags) ખુલી ન હતી, જેના કારણે તેમના પુત્રનું મોત (Death) થયું હતું. વૃદ્ધાએ મહિન્દ્રા કંપનીના માલિક આનંદ મહિન્દ્રા (Anand Mahindra) સહિત 13 લોકો સામે છેતરપિંડીનો કેસ( FIR) નોંધાવવામાં આવી છે.
- સીટ બેલ્ટ હોવા છતાં એરબેગ ન ખૂલી અને કપટાઇથી કાર વેચી દેવાનો આક્ષેપ કર્યો
મળતી માહિતી મુજબ જુહી કોલોનીમાં રહેતા રાજેશ મિશ્રા (60)એ જણાવ્યું હતું કે તેણે જરીબ ચોકી સ્થિત શ્રી તિરુપતિ ઓટો એજન્સી પાસેથી 17 લાખ રૂપિયાની સ્કોર્પિયો કાર ખરીદી હતી. તેનો પુત્ર અપૂર્વ મિશ્રા તેના મિત્રો સાથે લખનૌથી કાનપુર આવી રહ્યો હતો. ગાઢ ધુમ્મસના કારણે તેમની કાર ડિવાઈડર સાથે અથડાઈ અને પલટી ગઈ, જેના કારણે અપૂર્વનું ઘટનાસ્થળે જ મોત થયું. રાજેશે જણાવ્યું કે ઘટના બાદ તે એજન્સીમાં ગયો અને કહ્યું કે સીટ બેલ્ટ બાંધવા છતાં કારની એરબેગ્સ ખુલી નથી. જેના કારણે તેમના પુત્રનું મોત નીપજ્યું હતું. જેના પર તેમની એજન્સીના મેનેજરે રાજેશને કંપનીના ડાયરેક્ટર સાથે વાત કરતા મળી ગયો હતો.
રાજેશે આરોપ લગાવ્યો કે તેણે કારની ટેકનિકલી તપાસ કરાવી, જેમાં તેને માહિતી મળી કે કારમાં એરબેગ નથી. આ ઘટના 14 જાન્યુઆરી, 2022ની છે. રાજેશે આ અંગે રાયપુરવા પોલીસ સ્ટેશનમાં ફરિયાદ કરી હતી, પરંતુ તેની વાત સાંભળવામાં આવી ન હતી. જે બાદ રાજેશે કોર્ટનો આશરો લીધો હતો. કોર્ટના આદેશ બાદ એજન્સી મેનેજર ચંદ્ર પ્રકાશ ગુરનાની, વિક્રમ સિંહ મહેતા, રાજેશ ગણેશ જેજુરીકર, અનીસ દિલીપ શાહ, થોથલા નારાયણસામી, હરગ્રેવ ખેતાન, મુથૈયા મુરગપ્પન મુથૈયા અને આનંદ ગોપાલ મહિન્દ્રા સહિત 13 લોકો સામે છેતરપિંડી અને અન્ય કલમો નોંધવામાં આવી હતી. રાયપુર પોલીસ સ્ટેશનમાં ફરિયાદ નોંધાવવામાં આવી હતી.
