યુનિયન પબ્લિક સર્વિસ કમિશન (UPSC) એ શુક્રવારે પ્રોબેશનર IAS ઓફિસર પૂજા ખેડકર વિરુદ્ધ મોટી કાર્યવાહી શરૂ કરી છે. પંચ દ્વારા લેવામાં આવેલા પગલાઓમાં પૂજા વિરુદ્ધ એફઆઈઆર દાખલ કરવાનો સમાવેશ થાય છે. નકલી ઓળખ કાર્ડનો ઉપયોગ કરીને સિવિલ સર્વિસ પરીક્ષામાં બેસવા બદલ તેની સામે એફઆઈઆર દાખલ કરવામાં આવી છે. કમિશને સિવિલ સર્વિસ પરીક્ષા-2022 માટે તેની ઉમેદવારી રદ કરવા અને ભવિષ્યની પરીક્ષાઓમાં હાજર રહેવા પર પ્રતિબંધ મૂકતી કારણ બતાવો નોટિસ પણ જારી કરી છે.
IAS પૂજા ખેડકરની મુશ્કેલીઓ વધી છે. આજે UPSC એ IAS પૂજા દિલીપ ખેડકર વિરુદ્ધ કેસ નોંધ્યો છે. આ કેસ કથિત દગાબાજી હેઠળ નોંધવામાં આવ્યો છે અને તાલીમાર્થી IASને તેની ઉમેદવારી રદ કરવા માટે કારણ બતાવો નોટિસ જારી કરવામાં આવી છે. અગાઉ, મહારાષ્ટ્ર સરકારે તેની તાલીમ રદ કરી હતી અને LBSSNAએ તેને 23 જુલાઈના રોજ મસૂરીમાં રિપોર્ટ કરવા માટે આદેશો જારી કર્યા હતા.
UPSAC ની નોટિસમાં લખવામાં આવ્યું હતું કે UPSC એ સિવિલ સર્વિસ પરીક્ષા 2022ની તાલીમાર્થી IAS પૂજા મનોરમા દિલીપ ખેડકરની ગેરવર્તણૂક અંગે સંપૂર્ણ તપાસ કરી હતી. આ તપાસમાં બહાર આવ્યું છે કે IAS અધિકારીએ તેનું નામ, તેના પિતાનું નામ અને માતાનું નામ, તેનો ફોટો/સહી, મેઈલ આઈડી, મોબાઈલ નંબર અને સરનામું બદલીને નકલી ઓળખ બનાવીને પરીક્ષાના નિયમો હેઠળ અનામતનો લાભ ઉઠાવ્યો હતો. આ કારણોસર, UPSCએ તેની વિરુદ્ધ કાર્યવાહી શરૂ કરી છે, જેમાં ઉમેદવાર વિરુદ્ધ પોલીસમાં FIR દાખલ કરવામાં આવી છે. આ ઉપરાંત સિવિલ સર્વિસ પરીક્ષા માટે તેમની ઉમેદવારી રદ કરવા માટે કારણ બતાવો નોટિસ પણ જારી કરવામાં આવી છે.
છેતરપિંડી સહન કરવામાં આવશે નહીં
વધુમાં જણાવવામાં આવ્યું હતું કે, UPSAC, તેની બંધારણીય જવાબદારીઓને પરિપૂર્ણ કરવામાં, તેના બંધારણીય આદેશનું ચુસ્તપણે પાલન કરે છે અને તેની તમામ પ્રક્રિયાઓનું સંચાલન કરે છે જેમાં કોઈપણ પ્રકારની બાંધછોડ કરવામાં આવી નથી. UPSC એ તેની તમામ પરીક્ષા પ્રક્રિયાઓની પવિત્રતા અને અખંડિતતા અત્યંત નિષ્પક્ષતા અને નિયમોના કડક પાલન સાથે સુનિશ્ચિત કરી છે. UPSC એ જનતા, ખાસ કરીને ઉમેદવારો તરફથી વિશ્વાસ અને વિશ્વસનીયતા પ્રાપ્ત કરી છે. કમિશન સ્પષ્ટપણે ખાતરી કરવા માટે પ્રતિબદ્ધ છે કે વિશ્વાસ અને વિશ્વસનીયતા અકબંધ રહે અને કોઈપણ સંજોગોમાં તેની સાથે સમાધાન કરવામાં ન આવે.
![](https://gujaratmitra.in/wp-content/uploads/2022/04/gujaratmitraDOTin-Copy.png)