લખનઉ: લખનઉ(Lucknow)માં લુલુ મોલ(Lulu Mall)ની બહાર હિન્દુ મહાસભા(Hindu MahaSabha)ના લોકોએ ફરી એકવાર વિરોધ(Protest) પ્રદર્શન કર્યું હતું. આ લોકો હનુમાન ચાલીસા(Hanuman Chalisa)નો પાઠ કરવા આવ્યા હતા. જો કે પોલીસે(Police) ઘટનાસ્થળ પહોંચી તમામ દેખાવકારોની અટકાયત કરી હતી. એવું કહેવામાં આવી રહ્યું છે કે પ્રદર્શનકારીઓના હાથમાં ભગવા ઝંડા હતા. આ દરમિયાન પ્રદર્શનકારીઓ જય શ્રી રામના નારા પણ લગાવી રહ્યા હતા. આ લોકો પોતાને હિન્દુ સંગઠન ગણાવતા આદિત્ય મિશ્રા અને તેમના સમર્થકોએ મોલની બહાર વિરોધ પ્રદર્શન કર્યું હતું. વિરોધ દરમિયાન પ્રદર્શનકારીઓ અને પોલીસ વચ્ચે ઘર્ષણ પણ થયું હતું. પોલીસે 15 જેટલા કાર્યકરોની અટકાયત કરી છે.
દેખાવકારો મોલની અંદર હનુમાન ચાલીસા વાંચવા માંગતા હતા
પ્રદર્શનકારીઓ હનુમાન ચાલીસા વાંચવા માટે મોલની અંદર આવ્યા હતા. આ દરમિયાન તેઓએ વિરોધ પણ શરૂ કર્યો હતો. જો કે દરમિયાન પોલીસ આવી જતા કેટલાક પ્રદર્શનકારીઓ ભાગવા લાગ્યા હતા. થોડીવાર સુધી પોલીસ અને દેખાવકારો વચ્ચે સંતાકૂકડીનો ખેલ ચાલુ રહ્યો હતો. આ પછી પોલીસે મોલની આસપાસ દોડતા દેખાવકારોને પકડી લીધા હતા. આ પહેલા પણ હિન્દુ મહાસભાના લોકોએ લુલુ મોલની બહાર વિરોધ પ્રદર્શન કર્યું હતું. મહાસભાના પ્રવક્તા શિશિર ચતુર્વેદીએ શુક્રવારે સાંજે 6 વાગ્યે મોલમાં સુંદરકાંડનો પાઠ કરવાની જાહેરાત કરી હતી. જો કે પોલીસે તેમને નજરકેદ કરી લીધા હતા, પરંતુ મોલમાં પરવાનગી વિના ધાર્મિક કાર્ય કરવા આવેલા 4 લોકોની પોલીસે ધરપકડ કરી હતી.
કેવી રીતે શરૂ થયો વિવાદ?
10 જુલાઈ, રવિવારના રોજ મુખ્યમંત્રી યોગી આદિત્યનાથે લુલુ મોલનું ઉદ્ઘાટન કર્યું હતું. ત્યારબાદ 12 જુલાઈ, મંગળવારે એક વીડિયો સામે આવ્યો, જેમાં કેટલાક લોકો લુલુ મોલના કેમ્પસમાં નમાઝ અદા કરતા જોવા મળ્યા હતા. આ વીડિયો વાયરલ થતાં અખિલ ભારત હિન્દુ મહાસભાએ ભારે વાંધો ઉઠાવ્યો હતો. હિન્દુ મહાસભાના રાષ્ટ્રીય પ્રવક્તા શિશિર ચતુર્વેદીએ કહ્યું હતું કે, ‘લુલુ મોલમાં લોકોએ જમીન પર બેસીને નમાજ અદા કરી હતી, આ વીડિયોએ સાબિત કર્યું છે કે લુલુ મોલમાં સરકારી આદેશોનું ઉલ્લંઘન થઈ રહ્યું છે કારણ કે સરકાર શરૂઆતથી જ જાહેર સ્થળોએ નમાઝ પઢતી નથી.
લુલુ મોલ દેશનો સૌથી મોટો મોલ
નોંધનીય છે કે લુલુ મોલ દેશનો સૌથી મોટો મોલ છે, જે સુશાંત ગોલ્ફ સિટીમાં બનેલો છે. આ મોલ 2.2 મિલિયન સ્ક્વેર ફૂટમાં બનેલો છે. અહીંનું સૌથી ખાસ લુલુ હાઇપર માર્કેટ છે. આ સાથે અનેક બ્રાન્ડના શોરૂમ પણ ખોલવામાં આવ્યા છે. મોલમાં 15 રેસ્ટોરન્ટ અને કાફે છે. 25 બ્રાન્ડ આઉટલેટ્સ સાથે ફૂડ કોર્ટ પણ છે, જેમાં 1600 લોકો એકસાથે બેસી શકે છે.
