ગઈકાલે શુક્રવારે લખનૌ સુપર જાયન્ટ્સે મુંબઈ ઈન્ડિયન્સને 12 રને હરાવ્યું. લખનૌ સુપર જાયન્ટ્સે પ્રથમ બેટિંગ કરતા 20 ઓવરમાં 8 વિકેટે 203 રન બનાવ્યા. જવાબમાં મુંબઈ ઈન્ડિયન્સની ટીમની શરૂઆત ખરાબ રહી. ટીમે ત્રણ ઓવરમાં બે વિકેટ ગુમાવી દીધી. ત્યાર બાદ નમન અને સૂર્યકુમારે ઇનિંગ્સની કમાન સંભાળી. નમનના આઉટ થયા પછી સૂર્યકુમારે તિલક સાથે મળીને મુંબઈનો સ્કોર 150 ને પાર પહોંચાડ્યો.
આ સમયગાળા દરમિયાન તિલક વર્મા ધીમી ઇનિગ્સ રમતા જોવા મળ્યો અને તેના કારણે 19મી ઓવર દરમિયાન મુંબઈ કેમ્પ તરફથી તિલક વર્માને નિવૃત્તિ લેવાનો સંદેશ આવ્યો. જોકે, ઘણા ભૂતપૂર્વ ક્રિકેટરોએ આ નિર્ણયને ખોટો ગણાવ્યો છે.
મુંબઈ ઈન્ડિયન્સની ઇનિંગ દરમિયાન તિલક વર્માએ 23 બોલમાં 25 રન બનાવ્યા. તેણે પોતાની ઇનિંગમાં બે ચોગ્ગા ફટકાર્યા. સૂર્યકુમાર યાદવના આઉટ થયા પછી તિલક વર્મા મોટા શોટ ફટકારી શક્યો નહીં, જેના કારણે હાર્દિક પંડ્યા પર દબાણ વધી રહ્યું હતું. 19મી ઓવરના પાંચમાં બોલ પર તિલક વર્મા રિટાયર્ડ આઉટ થઈને પેવેલિયન પરત ફર્યો હતો, જેને જોઈને બધા આશ્ચર્યચકિત થઈ ગયા.
તિલકની જગ્યાએ મુંબઈએ મિશેલ સેન્ટનરને ક્રીઝ પર મોકલ્યો હતો. જોકે, મુંબઈના આ નિર્ણયની ભૂતપૂર્વ ક્રિકેટરો દ્વારા આકરી ટીકા કરવામાં આવી છે. ટીમ મેનેજમેન્ટના આ નિર્ણયથી સૂર્યકુમાર યાદવ પણ નિરાશ દેખાતો હતો અને તેણે આ બાબતે કોચ મહેલા જયવર્ધને સાથે પણ વાત કરી હતી.
મેચની 19મી ઓવરમાં મુંબઈની ટીમે તિલક વર્માને રિટાયર કરવાનો નિર્ણય લીધો પરંતુ તેનાથી ટીમને કોઈ ફાયદો થયો નહીં. તિલક 23 બોલમાં 25 રન બનાવીને આઉટ થયો. 19મી ઓવરના પહેલા પાંચ બોલમાં શાર્દુલે ફક્ત પાંચ રન આપ્યા. ત્યાર બાદ મુંબઈની ટીમે તિલક વર્માને રિટાયર્ડ આઉટ કરવાનો નિર્ણય લીધો. તેમના સ્થાને આવેલા સેન્ટનરે બે રન સાથે પોતાનું ખાતું ખોલાવ્યું.
મુંબઈને છેલ્લી ઓવરમાં 22 રનની જરૂર હતી અને હાર્દિકે અવેશ સામે સિક્સર ફટકારીને ઉત્સાહ વધાર્યો પરંતુ આ બોલરે હાર્દિકને છેલ્લા પાંચ બોલમાં હાથ ખોલવાની તક આપી નહીં અને લખનૌને 12 રનથી વિજય અપાવ્યો. હાર્દિકે છેલ્લી ઓવરમાં સ્ટ્રાઈક પણ રોટેટ કરી ન હતી, જેના કારણે તિલકને રિટાયર્ડ આઉટ કરવાના નિર્ણય પર પ્રશ્નો ઉભા થઈ રહ્યા છે.
હાર્દિક પંડ્યાએ શું કહ્યું?
હાર્દિક પંડ્યાએ મેચ પછી તિલકના નિવૃત્તિના નિર્ણય પર કહ્યું, અમને કેટલાક મોટા શોટની જરૂર હતી. ક્રિકેટમાં કેટલાક દિવસો એવા આવે છે જ્યારે તમારા બેટમાંથી મોટા શોટ નથી આવતા. સારું ક્રિકેટ રમો. મને સરળ રહેવું ગમે છે. મને વધુ સારા નિર્ણયો લેવાનું ગમે છે. મુંબઈના સુકાની પંડ્યાએ શાનદાર બોલિંગ કરી હતી. 36 રન આપીને પાંચ વિકેટ લીધી હતી પરંતુ લખનૌની ટીમે પ્રથમ બેટિંગ માટે આમંત્રણ મળતાં 8 વિકેટે 203 રન બનાવ્યા. જીત માટે 204 રનના લક્ષ્યાંકનો પીછો કરતી વખતે, મુંબઈ 20 ઓવરમાં પાંચ વિકેટ ગુમાવીને માત્ર 191 રન જ બનાવી શક્યું.
આકાશ અંબાણી પણ નારાજ દેખાયા
મુંબઈ ઈન્ડિયન્સના માલિક આકાશ અંબાણી પણ આમાંથી એક નિર્ણયથી નાખુશ દેખાતા હતા. આ પહેલા હાર્દિકે તિલક વર્માને રિટાયર્ડ આઉટ કર્યો હતો. આ નિર્ણય પર ભૂતપૂર્વ ક્રિકેટરો પણ આશ્ચર્ય વ્યક્ત કરી રહ્યા છે. હાર્દિક પંડ્યાની સોશિયલ મીડિયા પર ઘણી ટીકા થઈ રહી છે. ઉલ્લેખનીય છે કે આ મેચમાં મુંબઈ ઈન્ડિયન્સે 12 રનથી હારનો સામનો કરવો પડ્યો હતો.
