પહેલગામ આતંકવાદી હુમલાનો બદલો લેવાની વડા પ્રધાન નરેન્દ્ર મોદીની જાહેરાતથી માત્ર પાકિસ્તાન જ નહીં પરંતુ વિશ્વના સૌથી મોટા મંચ સંયુક્ત રાષ્ટ્રમાં પણ ખળભળાટ મચી ગયો છે. સંયુક્ત રાષ્ટ્ર સુરક્ષા પરિષદ (UNSC) ને પણ પૂર્ણ વિશ્વાસ છે કે પીએમ મોદી ચોક્કસપણે પાકિસ્તાનના આતંકવાદીઓ પાસેથી ઘાતક બદલો લેશે. તેથી તણાવને ધ્યાનમાં રાખીને UNSC એ એક કટોકટી બેઠક બોલાવી છે.
પરમાણુ સશસ્ત્ર દક્ષિણ એશિયાઈ દેશો ભારત અને પાકિસ્તાન વચ્ચે વધતા તણાવ પર ચિંતા વ્યક્ત કરતા UNSC પ્રમુખે કહ્યું કે બંને દેશો વચ્ચેની પરિસ્થિતિની ચર્ચા કરવા માટે ટૂંક સમયમાં સુરક્ષા પરિષદની બેઠક યોજાઈ શકે છે. તેમણે કહ્યું કે સુરક્ષા પરિષદની આ બેઠક વિચારો વ્યક્ત કરવાની અને તણાવ ઘટાડવામાં મદદ કરવાની તક હશે. ગ્રીક રાજદૂત અને સંયુક્ત રાષ્ટ્રમાં દેશના કાયમી પ્રતિનિધિ ઇવાન્જેલોસ સેકેરિસે જે મે મહિના માટે સુરક્ષા પરિષદના પ્રમુખ છે તેમણે એક પ્રશ્નના જવાબમાં જણાવ્યું હતું કે ચોક્કસ.. જો મીટિંગ માટે વિનંતી હોય, તો… મને લાગે છે કે તે થવી જોઈએ, કારણ કે જેમ અમે કહ્યું તેમ તે કદાચ વિચારોની આપ-લે કરવાની તક છે અને તે તણાવ ઓછો કરવામાં મદદ કરી શકે છે,”
નવા UNSC પ્રમુખ તરીકે કાર્યભાર સંભાળ્યા પછી સેકેરિસે કહ્યું, “અમે નજીકના સંપર્કમાં છીએ…પરંતુ આ એવી વસ્તુ છે જે હું કહીશ, ટૂંક સમયમાં થઈ શકે છે. અમે વિચારણા કરીશું, અમે તૈયારી કરી રહ્યા છીએ. (UNSC) પ્રમુખ તરીકે આ મારો પહેલો દિવસ છે,” સેકેરિસે ગુરુવારે અહીં UN પત્રકારોને મે મહિના માટે સુરક્ષા પરિષદના ગ્રીસના પ્રમુખપદ અંગે માહિતી આપતા આ વાત કહી હતી. તેમણે 15 દેશોની સંયુક્ત રાષ્ટ્ર સંસ્થાના ગ્રીસના એક મહિનાના પ્રમુખપદ હેઠળ કાઉન્સિલના કાર્ય અને કાર્યક્રમ વિશે માહિતી આપી. તેમને ભારત અને પાકિસ્તાન વચ્ચે વધી રહેલા તણાવ વિશે પૂછવામાં આવ્યું હતું અને શું તેમને કાઉન્સિલમાં આ મુદ્દા પર બેઠક કે પરામર્શ માટે કોઈ વિનંતી મળી છે.
પાકિસ્તાનમાંથી ઉદ્ભવતા સરહદ પારના આતંકવાદનો ભોગ ભારત બનવા અંગેના પ્રશ્નના જવાબમાં સેકેરિસે કહ્યું, “આ એક એવો મુદ્દો છે જે ખૂબ જ સુસંગત છે. જેમ મેં પહેલા કહ્યું હતું તેમ અમે આતંકવાદના કોઈપણ કૃત્યની સખત નિંદા કરીએ છીએ અને પહેલગામમાં થયેલા “ઘૃણ આતંકવાદી હુમલ” ના પગલે અમે તે જ કર્યું છે. ભારત સુરક્ષા પરિષદનો અસ્થાયી સભ્ય છે. સેકેરિસે કહ્યું, “અમે ભારત સરકાર, નેપાળ અને પીડિતોના પરિવારો પ્રત્યે સંવેદના વ્યક્ત કરીએ છીએ.” તેમણે કહ્યું, “અમે આતંકવાદના તમામ સ્વરૂપોની નિંદા કરીએ છીએ, જ્યાં પણ આવી (આતંકવાદી) ઘટનાઓ બની રહી છે, અમે તેની નિંદા કરીએ છીએ.” બીજી બાજુ અમે આ પ્રદેશમાં વધી રહેલા તણાવ અંગે ચિંતિત છીએ.
